<p class="ql-block">༄༅།།རྨ་ཆུ་རྫོང་སློབ་ཆུང་བོད་སྐད་ཡིག་བསླབ་ཚན་གསོ་སྦྱོང་ཞིབ་འཇུག་ལྟེ་གནས་ཀྱི་དགེ་རྒན་རྣམ་པ་ངེད་རྨ་ཆུ་རྫོང་དངུལ་རྭ་གྲོང་རྡལ་བཅའ་སྡོད་སློབ་གྲྭའི་བོད་སྐད་ཡིག་སློབ་དཔྱོད་ཁང་གི་བྱ་བར་མཛུབ་སྟོན་གནང་བའི་བསྡུས་འཕྲིན།</p> <p class="ql-block">མཛུབ་སྟོན་གནང་མཁན།</p><p class="ql-block">རྨ་ཆུ་རྫོང་བོད་སྐད་ཡིག་བསླབ་ཚན་གསོ་སྦྱོང་ཞིབ་འཇུག་ལྟེ་གནས་ཀྱི་དགེ་རྒན་རྟ་མགྲིན་འཚོ།ཚེ་རིང་འཇིགས་ཁོ།ཚུལ་ཁྲིམས།ལྷ་སྐྱིད།བློ་བཟང་ཚེ་རིང་།ཀུན་བཟང་སྒྲོན།</p><p class="ql-block">མཛུབ་སྟོན་གནང་ཡུན།</p><p class="ql-block">༢༠༢༡ ༡༠ ༡༨–༢༠༢༡ ༡༠ ༡༩</p> <p class="ql-block" style="text-align:center;"><span style="color:rgb(1, 1, 1);">ཉིན་དང་པོ།</span></p><p class="ql-block">སྔ་དྲོའི་ཐུན་དང་པོ་དང་གཉིས་པར་རང་སློབ་གྲྭའི་དགེ་རྒན་ཀུན་བཟང་སྒྲོན་དང་སངས་རྒྱས་སྒྲོལ་མ་གཉིས་ཀྱིས་གཞུང་བསྒྲགས་སློབ་ཁྲིད་བྱས་པ།</p> <p class="ql-block">ཐུན་གསུམ་པར་རྨ་ཆུ་རྫོང་སློབ་ཆུང་བོད་སྐད་ཡིག་བསླབ་ཚན་གསོ་སྦྱོང་ཞིབ་འཇུག་ལྟེ་གནས་ཀྱི་དགེ་རྒན་རྣམ་པས་སློབ་རའི་རིག་གནས་དང་བོད་སྐད་ཡིག་སློབ་དཔྱོད་ཁང་གི་བྱ་བར་རྒྱུས་ལོན་བྱས།</p> <p class="ql-block">ཐུན་བཞི་བར་རྨ་ཆུ་རྫོང་བོད་སྐད་ཡིག་བསླབ་ཚན་གསོ་སྦྱོང་ཞིབ་འཇུག་ལྟེ་གནས་ཀྱི་དགེ་རྒན་ཚུལ་ཁྲིམས་ཀྱིས་ཞིབ་འཇུག་ལྟེ་གནས་ཀྱི་སློབ་སྒྲུབ་ཐབས་ཇུས་ངོ་སྤྲོད་བྱས།</p> <p class="ql-block">ཕྱི་དྲོའི་ཐུན་དང་པོ་དང་གཉིས་པར་རྨ་ཆུ་རྫོང་སློབ་ཆུང་བོད་སྐད་ཡིག་བསླབ་ཚན་གསོ་སྦྱོང་ཞིབ་འཇུག་ལྟེ་གནས་ཀྱི་དགེ་རྒན་རྣམ་པས་ངེད་སློབ་གྲྭའི་བོད་སྐད་ཡིག་གི་ལས་བྱ་དང་སྦྱངས་གཞིའི་ལྷན་ཐབས།ཉིན་ཐོ།རྩོམ་ཡིག་སོགས་ལ་གཟིགས་ཞིབ་གནང་སྟེ་རྩོམ་ཡིག་འབྲི་ཚུལ་དང་ལས་བྱའི་ཞིབ་ཆའི་ཕྱོགས་ལ་བསམ་ཚུལ་ལྷུག་པོར་བརྗོད་དེ་མཛུབ་སྟོན་མང་པོར་གནང་།</p> <p class="ql-block">ཕྱི་དྲོའི་ཐུན་གསུམ་པར་རྨ་ཆུ་རྫོང་སློབ་ཆུང་བོད་སྐད་ཡིག་བསླབ་ཚན་གསོ་སྦྱོང་ཞིབ་འཇུག་ལྟེ་གནས་ཀྱི་དཔྱད་གླེང་འདུན་མ་བསྡུས།</p><p class="ql-block">དཔྱད་གླེང་བ། དགེ་རྒན་དགེ་རྒན་ཚུལ་ཁྲིམས།</p><p class="ql-block">དཔྱད་གླེང་ཁ་བྱང་།རང་སྡེ་རིགས་ལ་ཞེན་པ་དཀར་པོའི་མདངས།</p> <p class="ql-block" style="text-align:center;">ཉིན་གཉིས་པ།</p><p class="ql-block">སྔ་དྲོའི་ཐུན་གཉིས་པ་དང་གསུམ་པར་ཞིབ་འཇུག་ལྟེ་གནས་ཀྱི་དགེ་རྒན་རྟ་མགྲིན་འཚོ་དང་དགེ་རྒན་ཚེ་རིང་འཇིགས་ཁོ་གཉིས་ཀྱིས་དཔེ་སྟོན་སློབ་ཁྲིད་བྱས།</p><p class="ql-block">ཁྲིད་བྱ། ལེགས་བཤད་ཚན་པ་གཉིས། ཁྲིད་མཁན། དགེ་རྒན་རྟ་མགྲིན་འཚོ།</p><p class="ql-block">ཁྲིད་བྱ། འབྲེལ་སྒྲ། ཁྲིད་མཁན།དགེ་རྒན་ཚེ་རིང་འཇིགས་ཁོ། </p> <p class="ql-block">ཐུན་བཞི་བར་ཐེངས་འདིའི་མཛུབ་སྟོན་དགེ་རྒན་རྣམ་པ་དང་རང་སློབ་གྲྭའི་བོད་སྐད་ཡིག་སློབ་དཔྱོད་ཁང་གི་དགེ་རྒན་ཚོས་ཉམས་མྱོང་བརྗེ་རེས་བྱས་ཏེ་མཇུག་སྡོམ་གནང་།</p> <p class="ql-block" style="text-align:center;">ཉིན་གསུམ་པ།</p><p class="ql-block">སྔ་དྲོའི་ཐུན་གསུམ་པ་དང་བཞི་བར་བོད་སྐད་ཡིག་སློབ་དཔྱོད་ཁང་གི་དགེ་རྒན་ཚོས་རྨ་ཆུ་རྫོང་སློབ་ཆུང་བོད་སྐད་ཡིག་བསླབ་ཚན་གསོ་སྦྱོང་ཞིབ་འཇུག་ལྟེ་གནས་ཀྱི་དགེ་རྒན་རྣམ་པས་མཛུབ་སྟོན་གནང་བའི་ཁྲོད་ཀྱི་ཐོབ་བྱ་དང་བསྒྱུར་བཅོས་ལ་གྲོས་སྡུར་བྱས་ནས་བོད་སྐད་ཡིག་གི་ཁྲིད་ཐོ་འབྲི་སྟངས་དང་ཁྲིད་ཐབས།སྦྱང་བྱ་བཀོད་ཚུལ་སོགས་ལ་བླང་བྱ་བཏོན་ཏེ་སྐད་ཡིག་འཕེལ་རྒྱས་སུ་གཏོང་བར་ཤུགས་སྣོན་བྱེད་པར་གྲོས་མོལ་བྱས།</p>