<p class="ql-block"> ༢༠༢༡ལོའི་ཟླ་༩བའི་ཚེས་༢༨ཉིན། བོད་སྐད་ཡིག་གི་སློབ་ཁྲིད་སྤུས་ཀ་མཐོར་འདེགས་དང་ཕན་ཚུན་སློབ་སྦྱོང་།ཕྱོགས་སོ་སོའི་གནས་ཚུལ་རྒྱུས་ལོན་བྱེད་ཆེད།ཁྱིམ་མཚེས་སློབ་གྲྭ་སྟེ་མཚེ་རུ་མ་བཅའ་སྡོད་སློབ་གྲྭའི་སྐད་ཡིག་དགེ་རྒན་དག་སློབ་གཙོ་བློ་བཟང་བཀྲ་ཤིས་ཀྱི་སྣེ་ཁྲིད་འོག་ངེད་སློབ་གྲྭ་རུ་ཕེབས་ནས་སློབ་ཁྲིད་ལ་ཉན་པ་དང་།གླེང་མོལ།ལས་བྱར་ལྟ་བ་སོགས་བྱེད་སྒོ་མང་པོ་སྤེལ།</p> <p class="ql-block">བརྙན་ཕབ་ཁང་ནས་རིགས་ལམ་གསར་འདོན་གྱི་སློབ་ཁྲིད་ལ་ཉན་པ་དང་དེར་རིགས་ལམ་གསལ་བཤད་ཀྱི་བརྒྱུད་རིམ་ཆ་ཚང་ལ་ཞུགས་པ་མ་ཟད།དམའ་རིམ་འཛིན་གྲྭར་ཁྲིད་ཉན་བྱས་ནས་ཀློག་གི་འཛིན་ཐབས་ལ་རྒྱུས་ལོན་བྱས།</p> <p class="ql-block"> སྐད་ཡིག་སློབ་དཔྱོད་ཁང་ལ་ཕེབས་ནས་བོད་ཡིག་ཞིབ་འཇུག་ལྟེ་གནས་ཀྱི་བྱ་བ་ཆ་ཚང་ལ་རྒྱུས་ལོན་དང་།ཚོགས་འདུ་ཁང་ནས་བོད་སྐད་ཡིག་སློབ་ཁྲིད་བྱེད་ཐབས་སྐོར་ལ་གླེང་མོལ་བྱས། ཉིན་གུང་འཛིན་གྲྭ་སོ་སོའི་ལས་བྱ་ལ་བལྟས་ནས་ཚིག་སྒྲིག་དང་ཉིན་ཐོ། རྩོམ་ཡིག་འབྲི་ཚུལ་སོགས་ལས་བྱའི་ཐད་ནས་ཉམས་མྱོང་བརྗེ་རེས་བྱས།</p> <p class="ql-block"> ཐེངས་འདིའི་བྱེད་སྒོ་ལས་སློབ་གྲྭ་ཁག་བར་ལ་ཉམས་མྱོང་བརྗེ་རེས་ཡག་པོ་བྱེད་ཐུབ་སོང་ལ།རང་སློབ་གྲྭའི་སྐད་ཡིག་སློབ་ཁྲིད་བྱེད་ཐབས་ཀྱི་སྐོར་དང་ལས་བྱ་སོགས་ཀྱི་ངོས་ཐད་ན་ད་རུང་འཐུས་སྒོ་ཇེ་ཚང་དང་འབད་པ་བྱེད་དགོས་ས་མང་པོ་མཆིས་སོ།</p>