<p class="ql-block">སྐབས་སོ་དགུ་བའི་དགེ་རྒན་དུས་ཆེན་བསུ་བ་དང་ཆབས་ཅིག་བུ་ཆུང་གི་སྐྱེས་སྐར་ལ་བསུ་བ་བྱེད།</p> <h3>དགེ་རྒན་ནི་མུན་སེལ་གྱི་སྒྲོན་མེ་ཡིན།</h3> <h3>དགེ་རྒན་ནི་ཤེས་རིག་གི་སྒོ་འབྱེད་ཡིན།</h3> <h3>དགེ་རྒན་ནི་བསིལ་སྦྱིན་གྱི་ཟླ་བ་ཡིན།</h3> <h3>དགེ་རྒན་ ཐ་སྙད་ཀྱི་མིང་བརྡ་ཁུར་བའི་ལྷ་བྱ་ཁུ་བྱུག</h3><h3>ནར་མ་སོན་པའི་བྱིས་པ་ཚོའི་འབྱུང་འགྱུར་གྱི་ཕྱིར་ཏུ</h3><h3>ཁ་ཆར་དང་བུ་ཡུག་གདོང་གིས་བསུས་ཀྱང་།</h3><h3>གོ་ས་དང་རང་མཁོ་ཅི་ཡང་མེད་པར</h3><h3>ཁུ་སུམ་མེར གཉོམ་ཆུང་གིས་བཞུད་མཁན</h3> <h3>བརྩེ་བ་རྒྱ་མཚོ་ལས་གཏིང་ཟབ་ཅིང་དུང་བ་རི་རབ་ལས་དཔང་མཐོ།</h3> <h3>ལྷག་བསམ་དཀར་བོ་བྱང་ཆུབ་སེམས།།</h3><h3>བརྩོན་སེམས་མི་ཆད་ཆུ་མོའི་རྒྱུན།།</h3><h3>བྱིས་པའི་བློ་རྨོངས་སེལ་བའི་མགོན།།</h3><h3>དཀའ་སྡུག་རྔུལ་ཆུའི་ས་བོན་གཏོར།།</h3><h3>ཤེས་རིག་བདུད་རྩི་སློབ་བར་བསྩལ།།</h3><h3><br></h3> <h3>བརྩེ་སེམས་འོ་ཆུ་གཅིག་ཏུ་འདྲེས་པའི་ལས་མཐུན་ཚོགས།</h3> <h3>དགེ་རྒན་ སློབ་མ་ཚོའི་རེ་བ་བཅོལ་ས།</h3><h3>ཁྱོད་ཀྱིས་ས་སྨྱུག་གི་དར་ཆ་འཕྱར་བཞིན།</h3><h3>སྒོ་སམ་གྱི་རྩྭ་ཐང་ཡངས་པོར།བཀྲ་ཤིས་པའི་ཕྱག་རྗེས་ཕབ་པ་ནས་བཟུང་།</h3><h3>ཆེས་ཐོག་མའི་དཀར་ནག་གི་སྤྱི་འགྲོས་ལ།</h3><h3>ཡིད་ཆེས་ཀྱི་ཁ་གཡང་རྨང་ནས་བསྒྲགས།</h3> <h3>མཐུན་སྒྲིལ་གྱི་ཨ་ལོང་གཅིག་ཏུ་སྦྲེལ་བའི་ངའི་ལས་མཐུན་ཚོ།</h3><h3>གཞན་ཕན་གྱི་བསམ་བློ་རྒྱུད་ན་མངའ་བའི་འཇིག་རྟེན་གྱི་མགོན་པོ། ཞོགས་པའི་ཉི་མ་འདྲེན་པའི་སྐྱ་རེངས་དང་པོ</h3><h3>སློབ་བུ་ཚོའི་མིག་ཟུང་ན་འཚེར་བའི་བཅོ་ལྔའི་དུང་ཟླ།</h3> <h3>སྲོག་གི་ལྗོན་པར་ལྕགས་ཀྱི་ཀ་བས་སྲུངས།།</h3><div>ཚེ་ཡི་གཙང་བོ་རྨ་འབྲིའི་རྒྱུན་གྱིས་སྲུངས།།</div><div>རླུང་རྟའི་དགེ་མཚན་རྨ་རྒྱལ་གངས་ཀྱིས་སྲུངས།།</div><div>ཨ་མའི་གཅེས་ལོའི་བསམ་དོན་ལྷུན་འགྲུབ་ཤོག།</div> <h3>ཨ་མའི་སེམས་ཀྱི་མར་མེ་ཚེ་འབར་ཡིན།།</h3><h3>ཨ་ཕའི་སེམས་ཀྱི་རེ་བའི་རི་མོ་ཡིན།།</h3><h3>ཤ་མར་ཐུལ་གྱིས་སྡེར་ཀ་མ་བཤམས་ཡང་།།</h3><h3>ཁ་གཡང་ཚིག་གིས་བུ་ཆུང་སྐྱེས་སྐར་བསུ།།</h3> <p class="ql-block">ཉིས་སྟོང་ཉེར་གསུམ་ལོའི་སྤྱི་ཟླ་དགུ་བའི་ཚེས་བཅུ་ཉིན།</p>