<p class="ql-block">粤韵正字- “吃”系粤语中嘅多种讲法…</p><p class="ql-block">传说广东人系全世界最识食嘅人，甚至形容系“四只脚除咗台凳唔煮，会飞嘅除咗飞机唔食，水里面就剩潜艇唔咬”，但系你有冇留意过，北方话嘅“吃”字，响广东话里面有几多种讲法呢？</p><p class="ql-block">“吃”，粤语读音：hek3（近似音“潶”），普通话读音：chi1（近似音“痴”）。就系我哋日常书面语使用得最多嘅“吃”，一般都系用系书面语写文章等场合。</p><p class="ql-block">“食”，粤语读音：sik6（近似音“蚀”），普通话读音：shi2（近似音“食”）。呢个系广东话日常口语中用得最多嘅讲法，“食饭”“食饱”等等。</p><p class="ql-block">“齰”，粤语读音：jaak3（近似音“呀”“吔”），普通话读音：ze2（近似音“则”）。呢咯响粤语中系好经典嘅用词，张学友嘅电影中就有一句呶人嘅“你齰屎啦！”粤中、粤西一带也都习惯讲呢咯“齰”，但系近年来好多城市年轻人觉得佢带有土味，逐渐好多人改口讲“食”。</p><p class="ql-block">“砌”，粤语读音：cai3（近似音“妻”发去声），普通话读音：qi4（近似音“气”）。呢个字有拼装嘅意思，但系粤语中也用来表示大吃，如“我哋去砌返餐咯！”动作比较豪迈。</p><p class="ql-block">“唰”，粤语读音：caat3（近似音“刷”），普通话读音：shua4（近似音“刷”）。也有人写成“嚓”。如“我哋去唰返餐！”同样动作、语气都比较粗犷豪迈。</p><p class="ql-block">“嗒”，粤语读音：djap1（近似音“叠”读懒音），普通话读音：da1（近似音“答”）。原意系指用嘴唇细细品味，也带有喜欢、暧昧嘅含义。如“呢条女，我好嗒佢糖。”</p><p class="ql-block">“啃”，粤语读音：kang2（近似音“吭”），普通话读音：ken2（近似音“肯”）。呢个字既有狼吞虎咽嘅意思，也可以表示难吞咽。如“呢条‘菜’好恶啃喔！”</p><p class="ql-block">“噍”，粤语读音：ziu6（近似音“赵”），普通话读音：jiao4（近似音“嚼”）。字面上嘅意思实际就系咀嚼，所以也可以写成“嚼”，食咗两碗饭也可以讲“噍咗两碗饭”。日常生活中，“噍”同“嗒”有时都会用响一啲比较轻佻嘅语境…</p>