<p class="ql-block"> <span style="font-size: 18px;">དྲུག་གཅིག་བྱིས་པའི་དུས་ཆེན་ནི་བརྩེ་དགའ་དང་སྤྲོ་སྐྱིད་གྱི་འཛུམ་མདངས་ཕྱི་རུ་མངོན་སའི་གར་སྟེགས་ཡིན་ལ།དྲུག་གཅིག་བྱིས་པའི་དུས་ཆེན་ནི་གླུ་གར་དང་ཞབས་བྲོ་ཡི་དབྱངས་སྙན་བར་སྣང་ལ་ཁྱབ་པའི་ཉིན་མོ་ཡིན།</span></p><p class="ql-block"> དུས་དེ་རིང་།དབྱར་ཟླ་དྲུག་པའི་དགུང་ཨ་སྔོན་གྱི་དབྱིངས་རིམ་གཡའ་དག་ཅིང་སྤྲིན་དཀར་པོ་ཡི་འདབ་བརྒྱ་རྣམ་པར་གྲོལ་ཏེ། བཀྲ་ཤིས་རྟེན་འབྲེལ་གྱི་ཉི་འོད་ཅིག་དྲོད་ལམ་ལམ་གྱིས་ཤར་བྱུང། དུས་དེ་རིང་།དབྱར་ཟླ་དྲུག་པའི་ས་དོག་མོ་ཡི་བང་རིམ་རྡུལ་དག་ཅིང་། ཆུང་བྱིས་པའི་བློ་རིག་གི་ཁོ་ལག་རྣམ་པར་རྒྱས་ཏེ།ལྷད་མེད་དྭངས་གཙང་གི་གླུ་སྐད་ཅིག་སྙན་ལྷང་ལྷང་གིས་གྲགས་བྱུང་།</p><p class="ql-block"> </p> <p class="ql-block"> སྦྱང་བརྩོན་གྱི་རིག་ལམ་གློག་ལྟར་མྱུར་ཞིང་ཡ་རབས་ཀྱི་སྤྱོད་པ་ཚུལ་བཞིན་ལྡན་པའི་ངའི་སྙིང་ཉེ་བའི་གྲོགས་པོ་ཆུང་ཆུང་ཚོ། ཁྱེད་རྣམས་པའི་སྐུ་ཁམས་བཟང་།ངས་འདི་ནས།དིར་བཞུགས་ཀྱི་འགོ་ཁྲིད་དང་དགེ་རྒན། ཁྱེད་ཅག་གི་ཕ་མ་དང་ཕྱོགས་ཡོངས་ནས་ཕེབས་པའི་ལྟད་མོ་བ་ཡོངས་ཀྱི་ཚབ་བྱས་ཏེ། ཁྱེད་ཀྱི་དྲུག་གཅིག་བྱིས་པའི་དུས་ཆེན་ལ་བཀྲ་ཤིས་བདེ་ལེགས་ཀྱི་ཁ་གཡང་དང་ཚེ་རིང་ལོ་བརྒྱ་ཡི་སྨོན་ཚིག་འབུལ།</p> <p class="ql-block"> དེ་རིང་བཀྲ་ཤིས་དགའ་སྟོན་གྱི་མཆོད་ཆང་དང་པོ་ཁྱེད་ལ་འདྲེན།ཁྱེད་ཀྱིས་སེམས་ཀྱིས་བཞེས་ཤིང་ལྷོད་ཀྱིས་རོལ་དང་ངལ་དུབ་ཀྱི་སྡུག་ཡུས་སེལ། དེ་རིང་རྟེན་འབྲེལ་ལེགས་ཚོགས་ཀྱི་འོ་ཇ་དང་པོ་ཁྱེད་ལ་འདྲེན།ཁྱེད་ཀྱིས་བརྩེ་བའི་བཞེས་ཤིང་དུང་བའི་འཐུང་དང་ལུས་ཁམས་ཀྱི་སྣང་བ་སྐྱིད།</p><p class="ql-block"><br></p> <p class="ql-block"> དེ་རིང་ཕ་དམ་པ་ཞིག་གི་ཡ་ཐོད་ཀྱི་མིག་དང་། མ་བྱང་སེམས་ཅན་ཞིག་གི་ཡ་ཆུང་གི་སྙིང་ལྟར་གཅེས་པའི་སྙིང་ཉེ་བའི་གྲོགས་པོ་ཆུང་ཆུང་འདི་ཚོས།ལུས་ལྡེམ་མྱུར་ལྡན་པའི་བྲོ་ཞིག་འཁྲབ་རྒྱུ་རེད། ངག་སྐད་གསེང་མཐོན་པོའི་གླུ་ཞིག་ལེན་རྒྱུ་རེད།ཁ་སྨྲ་ལྕེ་དག་པའི་གཏམ་ཞིག་བཤད་རྒྱུ་རེད།</p><p class="ql-block"><br></p> <p class="ql-block"> ང་ཚོས་ལུས་ཀྱི་ཉམས་འགྱུར་ལ་དབྱངས་ཀྱི་རྣམ་ཤེས་བསྩལ་ཞིང་ཚོར་བ་ཡི་རི་མོ་འབྲི་བཞིན་གནས་འདི་རུ་འཛོམས། ང་ཚོས་གདོང་གི་འཛུམ་མདངས་ལ་དགའ་སྤྲོའི་ཚོན་མདངས་བྲིས་ཤིང་ངག་གི་སྨོན་འདུན་ཁྱེར་ནས་གནས་འདི་རུ་འཛོམས། </p><p class="ql-block"><br></p> <p class="ql-block"> བཀྲ་ཤིས་དབྱངས་ཀྱི་གླུ་སྐད་ཀྱིས་དགེ་རྒན་བཟང་པོའི་གཟིགས་སྐྱོང་དང་ཕ་མ་བཟང་པོའི་བཀའ་དྲིན་མཚོན་ལ།བཀྲ་ཤིས་ལུས་ཀྱི་སྟངས་སྟབས་ཀྱིས་ན་མཉམ་གྲོགས་པོའི་བརྩེ་འདང་དང་སློབ་ར་གྲུ་བཞིའི་དགོད་སྒྲ་མཚོན།ང་ཚོས་སྙན་མོ་ངག་གི་གླུ་དབྱངས་ལེན་ཞོར། བདེ་མོ་ལུས་ཀྱི་བྲོ་གར་འཁྲབ་བཞིན།དྲུག་གཅིག་བྱིས་པའི་དུས་ཆེན་བསུ།</p><p class="ql-block"><br></p><p class="ql-block"><br></p> <p class="ql-block"> དེ་རིང་སྙན་དབྱངས་ཀྱི་གུར་ཁྱིམ་ལ་འཇའ་ཚོན་གྱི་མེ་ཏོག་འཛུགས།དེ་རིང་གསུང་རབས་ཀྱི་ཡན་ལག་ལ་ཤེས་རབ་ཀྱི་གཤོག་ཟུང་འཛུགས།འདི་ནི་མེས་པོའི་མཛད་འཕྲིན་ངག་ལ་བརྒྱུས་སའི་དུས་རབས་ཀྱི་ཕོ་ཉ་ཞིག འདི་ནི་རེ་བའི་རྨི་ལམ་སེམས་ཀྱིས་བསྟོད་སའི་མཚར་སྡུག་གི་གར་སྟེགས་ཤིག</p> <p class="ql-block"> གར་གྱི་སྟངས་སྟབས་རེ་རེ་ན་ཁྱོད་ཀྱི་ལང་ཚོ་དང་མཛེས་ཉམས་ཡོད་ལ།ལང་ཚོའི་ལྟེམས་ཁུག་རེ་རེ་ན་ཁྱེད་ཀྱི་བྱིས་དུས་དང་རྨི་ལམ་ཡོད། </p> <p class="ql-block"> ཤེས་རབ་དང་སྤོབས་སེམས་ཀྱི་འོད་སྣང་མེ་རུ་སྒྲོན་སའི་སྟེགས་བུ།ལང་ཚོ་དང་ཟིལ་ཤུགས་ཀྱི་ལྡེམ་མྱུར་རྩལ་གྱིས་སྟོན་སའི་གར་སྟེགས།ལྟོས་དང། གནས་འདི་ན།ཤེས་བྱའི་ཐང་ཆེན་ན་འགྲན་རྩོད་གྱི་བང་ཁ་ལྷོད་མ་མྱོང་བའི་སྟག་ཤར་སྟོང་གི་ལང་ཚོའི་ཟིལ་ཤུགས་ཡོད།ཉོན་དང་། གནས་འདི་ན།མཛའ་བརྩེའི་དཔུང་ཆེན་ལ་སྐྱིད་སྡུག་གི་ལས་དབང་ཡལ་མ་མྱོང་བའི་སྟག་ཤར་སྟོང་གི་མཐུན་སྒྲིལ་གྱི་ཀི་སྒྲ་ཡོད།</p><p class="ql-block"><br></p> <p class="ql-block"> མེས་པོ་བཀའ་དྲིན་ཞིག་གིས་བུ་རབས་བསོད་ནམས་ཅན་ཞིག་ལ་བཞག་པའི་མཛད་འཕྲིན་གསེར་གྱི་གདངས་དབྱངས།</p><p class="ql-block">སྨྱུག་རྩལ་མཚོན་དོན་ཅན་ཞིག་གིས་སྐད་ངག་སྒྱུ་རྩལ་ཅན་ཞིག་ལ་བཞག་པའི་སྒྲ་སྙན་སྟོང་གི་འགྱུར་ཁུགས། འདི་ན་མི་ལོ་སྟོང་གི་དབྱངས་རྟའི་དབུས་ན་འགྱུར་ཁུགས་སྒྲ་ཡི་བརྩེ་བ་འཁྱིལ་ཡོད།འདི་ན་དུས་རབས་འགྲོས་ཀྱི་གོམ་སྟབས་བར་ན་ཕུགས་བསམ་འོད་ཀྱི་རེ་བ་མཚོན་ཡོད། </p>