<p class="ql-block">འཇིག་རྟེན་གྱི་མཐོ་ས་ན། མེ་ཏོག་བཞིན་འཛུམ་པའི་ཁྱོད་ཚོ། ཡུལ་ལྗོངས་ཤིག་གི་མཛེས་སྡུག་ཡིན། </p> <p class="ql-block"><br></p><p class="ql-block"><span style="font-size: 18px;"> ས་སྒང་གི་སྒལ་གཞུང་ན་མེ་རུ་བཞིན་འཕྱུར་བའི་ཁྱོད་ཚོ། མི་རིགས་ཤིག་གི་དྲོད་ཁོལ་ཡིན། </span></p> <p class="ql-block"><span style="font-size: 18px;">མི་ཡུལ་གྱི་འཁྱག་ས་ན། ཉི་འོད་བཞིན་འཚེར་བའི་ཁྱོད་ཚོ། དུས་ཚིགས་ཤིག་གི་ཞི་འཇམ་ཡིན། </span></p> <p class="ql-block">བཅུ་ཕྲག་ཤེས་བྱའི་སྐྱེད་ཚལ་ཡངས་པའི་གཞིར།།</p><p class="ql-block">སྣ་ཚོགས་རིག་པའི་མེ་ཏོག་རབ་ཏུ་མཛེས།།</p><p class="ql-block">བརྩོན་པའི་གཤོག་ཟུང་བརྐྱངས་བའི་རྐང་དྲུག་</p><p class="ql-block">ཚོགས།།</p><p class="ql-block">དགོས་འདོད་ནོར་བུའི་ཟེའུ་འབྲུར་ཅི་དགར་རོལ།།</p><p class="ql-block"><br></p><p class="ql-block"><br></p> <p class="ql-block">རབ་དཀར་ཀེ་ལ་ཤ་ཡི་ཁྱད་འཕགས་ནོར།།</p><p class="ql-block">རིག་གཞུང་འོ་མའི་རྒྱ་མཚོ་ལྟེམས་མེར་འཁྱིལ།།</p><p class="ql-block">བློ་གྲོས་རླབས་ཕྲེང་གཡོ་བའི་བར་གསེང་ནས།།</p><p class="ql-block">རིན་བྲལ་རིག་པའི་མར་ལོ་འཁྲུང་པར་ཤོག།</p> <p class="ql-block">ང་ནི་དབྱངས་གསལ་སོ་བཞིའི་གླུ་དབྱངས་ལེན་མཁན་དེ་ཡིན་པས།</p><p class="ql-block">ང་ནི་བོས་ན་མིང་དང་བགོས་ན་སྐལ་ཅན་པོ་དེ་ཡིན་པས།</p><p class="ql-block">ང་ནི་བཙན་པོའི་དམག་གི་རུ་དཔུང་ལས་ཆད་པའི་གདོང་རྒྱུད་ངོ་མ་དེ་ཡིན་པས།</p><p class="ql-block">འཚོ་བ་དང་བར་ཐག་ཉེ་ས་ཞིག་ཏུ།</p><p class="ql-block">ང་ཡིས་འབད་བརྩོན་ཅི་ལ་མི་བྱེད།</p><p class="ql-block"><br></p><p class="ql-block"><br></p> <p class="ql-block"><br></p><p class="ql-block">ང་ནི་ཀ་ཁ་ག་ངའི་འགུལ་རྒྱན་སླེ་མཁན་དེ་ཡིན་པས།</p><p class="ql-block">ང་ནི་གངས་དཀར་ཨ་མའི་འདབས་རོལ་ནས་འོང་བའི་རྩྭ་ཐང་གི་བུ་རྒོད་དེ་ཡིན་པས།</p><p class="ql-block">ང་ནི་མི་རབས་ཤིག་གི་ལས་དབང་ཕྲག་གོང་དུ་ལེན་མཁས་པའི་ན་གཞོན་རིག་བཟང་བོ་དེ་ཡིན་པས།</p><p class="ql-block">འགྲན་རྩོད་ཀྱི་བང་རིམ་གསེབ་ནས།</p><p class="ql-block">བརྩོན་སེམས་ཀྱི་འདུན་པ་ནམ་ཡང་ལྷོད་མི་རུང་། </p> <p class="ql-block">མདུན་རི་རྒྱལ་བོ་གོ་ཆེན་མཁའ་རུ་བསྙེག།།</p><p class="ql-block">རྒྱབ་རི་བློན་པོ་བླ་བཀྲ་བརྟན་པོར་འགྱིང་།།</p><p class="ql-block">འབའ་ཆུའི་བཞུར་རྒྱུན་སྙན་པའི་འགྲམ་ངོགས་ན།།</p><p class="ql-block">སྙན་པ་སྲིད་ན་འཕུར་བའི་གླིང་ཀ་རུ།།</p><p class="ql-block">མ་བོས་མགྲོན་དུ་འདུས་པའི་གཞིའི་ཁྱིམ་ཞིག།</p><p class="ql-block"><br></p><p class="ql-block">གཅིག་ན་རླབས་ཆེན་མེས་པོའི་མཛད་རྗེས་དང་།།</p><p class="ql-block">གཉིས་ན་མི་རིགས་ཤིག་གི་བླ་སྲོག་སོགས།།</p><p class="ql-block">གངས་དཀར་ཨ་མའི་ལས་དོན་འགྲུབ་པའི་ཆེད།།</p><p class="ql-block">དཀའ་སྡུག་ཐོད་ཀྱིས་བསུ་བས་དཔའ་བོའི་ཚོགས།།</p><p class="ql-block">མདུན་བསྐྱོད་གོམ་ཁ་བསྒྱུར་བའི་བསམ་བློ་བརྟན།།</p><p class="ql-block"><br></p><p class="ql-block">ཆོས་ཐང་བཅའ་སྡོད་རིག་པའི་སྐྱེད་ཚལ་ན།།</p><p class="ql-block">ཤེས་བྱའི་བདུད་རྩི་ལེན་པའི་རྐང་དྲུག་ཚོགས།།</p><p class="ql-block">ཆེ་བཀུར་ཆུང་བྱམས་བྱེད་པའི་སྲོལ་བཟང་ཆགས།།</p><p class="ql-block">མཐོ་དམན་བཙན་གཉོམ་བར་གྱི་ཁེ་དབང་མེད།།</p><p class="ql-block">རང་རང་དགའ་སྐྱིད་འོད་ཀྱི་ལམ་ལ་ཞུགས།།</p>