<p class="ql-block"> བྱིས་པ་ནི་རྒྱལ་ཁབ་ཀྱི་མ་འོངས་བ་དང་མི་རིགས་ཀྱི་རེ་བ་ཡིན། བྱིས་པའི་བདེ་ཐང་འཚར་ལོངས་ནི་ཁྱིམ་ཚང་ཁྲི་སྟོང་མང་པོའི་བདེ་སྐྱིད་དང་འབྲེལ་བ་ཡོད། གལ་ཏེ་ལོ་ཆུང་བྱིས་པ་རེ་བའི་མྱུ་གུ་ལ་དཔེ་བཞག་ན། རེ་བའི་མྱུ་གུ་འདི་དག་བདེ་ཐང་ངང་འཚར་ལོངས་བྱུང་བར་ངེས་པར་དུ་སློབ་གསོའི་ཆུ་གཏོར་དགོས། དེ་བས། བྱིས་པའི་རྒྱུད་ལ་ཆུང་དུས་ནས་བདེ་ཐང་ནི་ཐམས་ཅད་ཀྱི་རྩ་བ་ཡིན་པའི་ས་བོན་འདེབས་རྒྱུ་ནི་ང་ཚོ་དགེ་བཟོ་བའི་ཡོངས་ཀྱི་ཕྲག་ཏུ་བབས་པའི་འོས་འགན་ཡིན། བྱིས་པའི་སློབ་གསོའི་ཁྲོད་བདེ་འཇགས་ནི་གཙོ་བོ་དང་བྱ་བ་ཀུན་གྱི་སྲོག་ཤིང་ཡིན། དེ་བས། བྱིས་པ་ལ་ཆུང་དུས་ནས་བདེ་འཇགས་འདུ་ཤེས་དང་རང་སྲུང་ནུས་པ་མཐོར་འདེགས་སུ་གཏོང་བར་ངེད་བྱིས་སྐྱོང་ཁང་གིས་2021ལོའི་ཟླ་3པའི་ཚེས16ཉིན་འཛིན་གྲྭ་ཆུང་བར་འགྲིམ་འགྲུལ་བདེ་འཇགས་དང་འཛིན་གྲྭར་ཆེ་བར་རིམས་ནད་སྔོན་འགོག འཛིན་གྲྭར་འབྲིང་བར་མེ་སྐྱོན་སྔོན་འགོག་སོགས་ཀྱི་བདེ་འཇགས་སློབ་གསོའི་བྱ་འགུལ་སྤེལ་བ་ཡིན།</p> <h3>འཛིན་གྲྭའི་ཆུང་བའི་དགེ་རྒན་གྱིས་སྤེལ་བའི་"འགྲིམ་འགྲུལ་བདེ་འཇགས་ཀྱི་བྱེད་སྒོའི"་ནང་དགེ་རྒན་དང་བྱིས་པ་མཉམ་དུ་"ཇི་ལྟར་བྱས་ནས་གཞུང་ལམ་བགྲོད་དགོས་སམ་"སོགས་ཀྱི་གནད་དོན་ལ་གྲོས་བསྡུར་བྱས་པའི་ཡུལ་ངོས།</h3> <h3>ཁྱིམ་གཞིས་མཉམ་ལས་ཀྱི་རྣམ་པ།</h3> <h3>ཁྱིམ་གཞིས་མཉམ་ལས་ཀྱི་རྣམ་པ།</h3> <h3>དགེ་རྒན་གྱིས་བྱིས་པ་དང་མཉམ་དུ་མེ་ཟོན་རྒྱུན་ཤེས་ལ་གྲོས་བསྡུར་དང་རང་སྐྱོབ་བྱེད་ཐབས་ཤེས་རྟོགས་བྱས་ཏེ་སྲོག་ཉེན་ལས་ཐར་བའི་ཐབས་ལམ་ངོ་སྤྲོད་བྱེད་པའི་ཡུལ་ངོས།</h3> <h3>འཛིན་གྲྭ་འབྲིང་བའི་དགེ་རྒན་གྱིས་བདེ་ཐང་གི་རྩ་བ་ནི་དུས་དང་རྣམ་པ་ཀུན་ཏུ་འཕྲོད་བསྟེན་བགྱིས་དགོས་པའི་བྱ་འགུལ་སྤེལ་བའི་རྣམ་པ།</h3> <h3>བྱིས་པའི་ཧུར་ཐག་གིས་བྱ་འགུལ་ནང་ཞུགས་པའི་ཡུལ་ངོས།</h3> <p class="ql-block"><span style="font-size: 18px;"> ཐེངས་འདིའི་བྱ་འགུལ་བརྒྱུད་ནས་བྱིས་པ་རྣམས་ཉེན་ཁ་ལ་འཕྲད་པའི་སྐབས་སུ་དངངས་འཚབ་བྱེད་མི་རུང་བ་ཤེས་སུ་བཅུག་ལ། རང་ཉིད་སྲུང་སྐྱོབ་བྱེད་པའི་ཐབས་ལམ་ཤེས་རྟོགས་བྱུང་བ་མ་ཟད། བདེ་འཇགས་དོགས་ཟོན་གྱི་འདུ་ཤེས་སྔར་བས་སྲ་བརྟན་དུ་བཏང་། རྗེས་ཕྱོགས་ཀྱི་བྱིས་པའི་སློབ་གསོའི་ཁྲོད་ངེད་བྱིས་སྐྱོང་ཁང་གིས་མུ་མཐུད་དུ་བདེ་འཇགས་སྔོན་ནས་འཛིན། བདེ་ཐང་གལ་ཆེར་བཟུང་བའི་རྩ་དོན་རྒྱུན་འཁྱོངས་བྱས་ནས་བྱིས་པ་རྣམས་བདེ་འཇགས་ངང་འཚར་ལོངས་ཡོང་རྒྱུར་ཆ་རྐྱེན་ངེས་ཅན་ཞིག་བསྐྲུན་ངེས་ཡིན།</span></p>