<p class="ql-block"><b style="font-size: 22px; color: rgb(1, 1, 1);">༄༅།།དགྲ་ལྷ་གཡུ་སྒྲ་རྟགས་མའི་བློ་འཛིན་བྱེད་སྒོ་སྐབས་ལྔ་བ།</b></p><p class="ql-block"> —ཆུ་ཁ་མ་སློབ་གྲྭའི་སྲོལ་རྒྱུན་རང་བཞིན་གྱི་བྱེད་སྒོ།</p><p class="ql-block"><span style="color: rgb(57, 181, 74);"> དུས་ཚོད། ༢༠༢༡.༣.༩ཉིན་གྱི་ཕྱི་དྲོའི་དུས་ཚོད། ༢:༢༠</span></p> <p class="ql-block"><br></p><p class="ql-block">ངོ་སྤྲོད་དང་དམིགས་ཡུལ།</p><p class="ql-block">བློ་འཛིན་འགྲན་སྡུར་འདི་ནི་ངེད་སློབ་གྲྭའི་སྐད་ཡིག་དགེ་རྒན་ཚོས་རྩོམ་བསྒྲིགས་བྱས་པའི་བློ་འཛིན་ལག་དེབ་<<བློ་གསལ་ཁྱེའུའི་འཇུག་ངོགས།>>གཞིར་བཟུང་ནས་དབྱར་གནང་དང་དགུན་གནང་གི་སྐབས་སུ་སློབ་བུ་ཚོར་བློ་འཛིན་ལས་བྱ་བཞག་པ་ཕྱིར་སློབ་མགོ་ཚུགས་པ་ན་སྐུལ་ལྕག་གི་ཚུལ་དུ་སྤེལ་བའི་བྱེད་སྒོ་ཞིག་ཡིན།བྱེད་སྒོའི་དམིགས་ཡུལ་ནི་སློབ་མ་ཚོའི་ཡིག་ཆོད་ཀྱི་ནུས་པ་གོང་མཐོར་གཏོང་བའི་ཆེད་དང་།བློ་རིག་ལ་སྦྱོང་བརྡར་ཐོབ་པའི་ཆེད།ཡིད་འཛིན་གྱི་ནུས་པ་སྐྱེད་སྲིང་།བོད་ཀྱི་སྔ་སྲོལ་བཟང་བོ་རྒྱུད་འཛིན་དང་དར་སྤེལ་གཏོང་བའི་ཆེད་དུ་ཡིན།</p> <p class="ql-block"><br></p><p class="ql-block">༣ཁ་བྱང་དང་འབྲེལ་བའི་གསལ་བཤད།</p><p class="ql-block">གཡུ་སྒྲ་ནི་ཆུ་ཁ་མ་ཕ་མྱི་སྔ་རབས་ནས་མཆོད་པའི་ཡུལ་ལྷ་གཞི་བདག་ཡིན་པས།མྱིང་འདི་འདྲ་ཞིག་གིས་ཆུ་ཁ་མའི་དབུ་འཕང་དང་ཁ་ལས་རླུང་རྟ་མཚོན་ལ།དེ་བཞིན་སློབ་བུ་ཚོར་གནས་གང་ལ་ཕྱིན་ཀྱང་ཕ་ཡུལ་ནི་རང་གི་ལ་རྒྱ་དང་གཟི་བརྗིད་ཡིན་ལ།ཁྱོད་ཚོ་གནས་གང་ལ་སོང་ཡང་ཕ་ཡུལ་གྱི་ཡུལ་མི་དང་གཞི་བདག་གིས་ནམ་ཡང་ཁྱོད་ཚོར་རྒྱབ་སྐྱོར་དང་སྡོངས་གྲོགས་བྱེད་ཁོ་ཐག་ཡིན་ཞེས་པའི་ཆོད་སེམས་ཀྱང་མཚོན།ལྷག་ཏུ་ཆུ་ཁ་མ་སློབ་གྲྭའི་ཁ་ལས་གོང་ནས་གོང་དུ་འཕེལ་བའི་སྨོན་འདུན་མཚོན།</p> <p class="ql-block">༤ལག་དེབ་ཀྱི་ཁྱད་ཆོས།</p><p class="ql-block"> བློ་འཛིན་ལག་དེབ་ཀྱི་ཁྱད་ཆོས་ཏེ། མདུན་ཤོག་གི་ཇུས་འགོད་གཞན་དང་མི་མཐུན་ལ།རང་སའི་མཁས་པ་སྟེ་བོད་ཀྱི་མིང་དུ་གྲགས་པའི་ན་གཞོན་རྩོམ་པ་པོ་སྐྱབས་ཆེན་བདེ་གྲོལ་ལགས་ཀྱིས་དཔེ་ཆའི་མཚན་བྱང་དང་མགོ་བརྗོད་བྲིས་ཡོད་པ།ནང་དོན་དུ་ཤེས་རབ་ཀྱི་ལྷ་ལ་བསྟོད་པའི་ཁག་དང་། བོད་ཀྱི་ལོ་རྒྱུས་ཀྱི་སྡོམ་ལྟ་བུའི་བཙན་པོ་རིམ་བྱོན་གྱི་མཚན་ཚིགས་སུ་བཅད་པ། དམངས་ཁྲོད་རིག་གནས་ཀྱི་ཁག་སྟེ་ཁེད་དང་གཏམ་དཔེ། ཞེ་ཚིག་དང་མངོན་བརྗོད།མཁས་པའི་ཞལ་གསུང་གི་ཁག་སྟེ་ལེགས་བཤད་དང་བསླབ་བྱ།བརྡ་སྤྲོད་ཀྱི་ཁག་སྟེ་ལེགས་བཤད་ལྗོན་དབང་དང་དག་ཡིག་བཅས་འདུས་པར་བྱས་ཡོད།</p> <p class="ql-block">བློར་འཛིན་བཞིན་པའི་རྣམ་པ།</p> <p class="ql-block">ཐེངས་འདིའི་དཔྱད་འདེམ་དགེ་རྒན་རྣམ་པ་དང་མདོ་འཛིན་པ།</p> <p class="ql-block">ཐེངས་འདིའི་བྱེད་སྒོའི་ཁྲོད་འཛིན་གྲྭ་དྲུག་ལ་གཟེངས་བསྟོད་བྱ་དགའ་ཐོབ།མཐར་དྲན་རྟེན་གྱི་མཉམ་པར་བསྒྲོན་ནས་བྱེད་སྒོ་བཀྲ་ཤིས་པའི་ངང་མཇུག་བསྡུས་པ་དགེ་ལེགས་འཕེལ་བའི་རྒྱུ་རུ་གྱུར་ཅིག</p><p class="ql-block"> ༢༠༢༡.༣.༩ཉིན།</p>