<p>དཔེ་ཀློག་ནི་མི་ཞིག་གི་མི་ཚེའི་ཧྲིལ་བོའི་སློབ་སྦྱོང་གི་གོ་རིམ་ཞིག་ཡིན་ལ། དཔེ་ཀློག་ལ་བརྟེན་ནས་ཤེས་བྱ་མང་པོ་སློབ་ཐུབ་པ་དང་། གྲོགས་པོ་མང་པོ་བསྒྲིགས་ཐུབ་པ། མིག་རྒྱང་སྐྱེད་ཐུབ་པ། རང་ཉིད་ཀྱི་རིན་ཐང་ཇེ་མཐོར་གཏོང་ཐུབ་པ་སོགས་ཀྱི་དགེ་མཚན་ཆེན་པོ་འདུག</p> <p>ཁྱེད་ཀྱིས་དཔེ་ཀློག་གི་གཤོག་ཟུང་བརྐྱངས་ནས་རང་མཚར་སྡུག་གི་རྒྱལ་ཁམས་འགྲིམ་དང་།དཔེ་ཀློག་སྒྲོན་མེ་དེ་ཡིས་མ་རིག་གི་མུན་སེལ་ཡོང་། གཅེས་ཕྲུག་ཚོ་དཔེ་ཀློག་ལ་འབད་དང་།དཔེ་ཀློག་ནི་ཁྱེད་ཀྱི་དགོས་འདོད་ཀྱི་ནོར་བུ་དེ་ཡིན་པ་གདོན་མི་ཟ།</p> <p><br></p><p>དཔེ་དེབ་ལས་ང་ཚོས་གང་འདྲ་བྱས་ན་གྲོགས་པོ་མང་པོ་སྒྲིག་ཐུབ་པ་དང་། གང་འདྲ་བྱས་ན་ལས་ཀ་ཡག་པོ་འཚོལ་ཐུབ་པ། གང་འདྲ་བྱས་ན་སེམས་སྐྱིད་པོ་ཡོང་ཐུབ་པ། སྐད་ཆ་གང་གིས་མི་གཞན་ལ་གནོད་པ་དང་། ཡང་སྐད་ཆ་གང་གིས་མིའི་སེམས་ལ་ཕོག་ཐུག་གཏོང་གི་ཡོད་པ་སོགས་ཤེས་ཐུབ།</p> <p>རང་ལ་དགོས་བའི་ཡོན་ཏན་དེ།།ཉི་མ་རེ་ལ་ཚིག་རེ་ཟུངས།།</p><p>གང་ཞིག་ཉིན་བརྒྱ་སོང་བ་ན།།ཚིག་བརྒྱ་མ་ལུས་ཁོང་དུ་ཆུད།།</p>