粵語識字（三）

戒烟如你

濕𣲷𣲷 sap1 nap6 nap6 解釋：形容物件或者地方表面好濕嘅意思。例句：點解個廁所濕𣲷𣲷嘅！ 字源資料［參考］。［𣲷］字係形容濕貌。　《廣韻》：𣲷，尼立切，音孴。濕𣲷也。　《類篇》：𣲷，濕𣲷，水貌。 其他辭彙［參考］。濕𣲷𣲷：。溼納納：。濕笠笠：。濕立立： 黐𥹉𥹉 ci1 nap6 nap6 解釋：形容物件或者地方表面黐黐黏黏嘅意思。例句：天時暑熱, 周身黐𥹉𥹉。 字源資料［參考］。［黐］字形容用膠黏住，例如：用膠紙黐住。　《廣韻》：黐。丑知切，音摛。黐膠所以黏鳥。　《玉篇》：黐。黏也。。［𥹉］字形容黏住，𥹉黐黐、黐黐𥹉𥹉。　《集韻》：𥹉，昵洽切，黏也。 其他辭彙［參考］。黐𥹉𥹉。黐笠笠。黐立立 𧽻一聲 cyut1 jat1 seng1 解釋：形容人或動物狂奔急走個樣。例句：佢𧽻一聲就唔見咗人！ 字源資料［參考］。［𧽻］字原本係形容詞，指「狂奔急走」個樣。 今日多數用來做擬聲詞。　《說文》：𧽻，狂走也。從走矞聲。 其他辭彙［參考］。𧽻一聲：《說文》狂走也。形容快速，狂奔急走嘅意思。。猝一聲：《玉篇》暴疾也，突也。形容突然發生嘅事變。。𠽌一聲：粵語象聲詞，一般用來形容啲嘢好快經過嘅聲。 𠽌𠽌聲 syut1 syut1 seng1 syut3 syut2 seng1 / syut4 syut2 seng1 解釋：粵語象聲詞，一般用來形容啲嘢好快經過嘅聲。例句：日本人食拉麪會食到𠽌𠽌聲！ 字源資料［參考］。［𠽌］ 其他辭彙［參考］。𠽌𠽌聲：。雪雪聲：。𠽌一聲：比𠽌𠽌聲再快 其他資料：食麪時發出嘅［𠽌𠽌聲］係吸入聲；而講說話嘅［雪雪聲］呼出聲。食麪，點樣食至可以食到𠽌𠽌聲呢？咪就係要啜得快，𠽌𠽌聲咁囉！ 白雪雪 baak6 syut1 syut1 解釋：形容好白，白到好似雪咁嘅意思。例句：佢啲皮膚白雪雪，一啲都唔似係本地人。 字源資料［參考］。［白］字係形容好似雪或乳汁嘅素淨颜色。　《唐韻》：白，薄陌切，音帛。　《說文》：白，西方色也。殷用事物色白。。［雪］字係係指由天空飄落來嘅白色雪花（結晶體）。　《唐韻》：雪，相絕切，音㡜。　《說文》：雪，本作䨮。凝雨，說物者。相絕切，从雨彗聲。 其他辭彙［參考］。白雪雪：。白𠽌𠽌。白䨮䨮 吔吔聲 jaa1 jaa1 seng1 / jaa6 jaa2 seng1 解釋：形容痛苦或痛楚嘅叫聲。例句：床板夾手拍，痛到吔吔聲。 字源資料［參考］。［吔］　《五音篇海》：吔，音也。 其他辭彙［參考］。吔吔聲。也也聲。廿廿聲 一緡雞 jat1 man1 gai1 解釋：係指港幣單位〔壹圓〕嘅意思。例句：喺香港，一緡雞可以買到啲咩？ 一緡雞美金可以換到幾多港幣？ 字源資料［參考］。［緡］古代穿銅錢用嘅；亦係古代計量單位。 錢十緡（即十串銅錢，每串一千文）。　《廣韻》：緡，武巾切，音珉。　《字註》：緡，被也。又錢貫也。 其他辭彙［參考］。緡錢：用絲線串起來嘅錢，每串一千文。　 《前漢．武帝紀》：初筭緡錢。。緡繦：穿錢嘅繩，引申爲錢。 其他資料［參考］香港一圓硬幣：1圓＝10毫＝100仙＝1000文。一圓：香港壹圓＝1圓（1868年起發行）。一毫：香港一毫＝0.1圓（1863年起發行）。一仙：香港一仙＝0.01圓（1866年-1941年發行）。一文：香港一文＝0.001圓（1863年-1866年發行） 1866年改稱為香港一千，即一圓千份之一。 搲爛塊面 waa2 laan6 faai3 min6 / we2 laan6 faai3 min6 解釋：比喻感情破裂，公開爭詏嘅意思。例句：個男仔搲爛塊面要同個港女分手。 字源資料［參考］。［搲］字係用手捉物或手爬物嘅意思。　《集韻》：上聲 ‧ 馬韻 ‧ 烏瓦切。「吳語」俗謂手爬曰［搲］。。［𢱑］音 waa2，意思不詳。（有推斷：抓、搔） 其他辭彙［參考］。搲爛：。搲損：。搲銀： 𢯎痕 aau1 han4 / ngaau1 han4 解釋：係用硬物刮皮膚去達到止痕嘅效果．例句：做乜成日𢯎痕架？皮膚乾就搽潤膚膏啦。 字源資料［參考］。［𢯎］ 其他辭彙［參考］。𢯎痕：。搲痕：。𢲷痕：。抓痕： 不溜 bat1 lau1 解釋：粵語用來形容一向，一直，向來，經常嘅意思。例句：佢不溜都唔食辣嘅。 字源資料［參考］。［溜］ 其他辭彙［參考］。不溜：。不嬲：。不摟：。不留：。不遱：。不朽：。不撓：。畢漏： 挨挨凭凭 aai1 aai1 bang6 bang6 解釋：用嚟形容人唔企好，挨住埲牆或條柱度嘅意思。例句：佢好似冇腰骨嘅咁，成日喺度挨挨凭凭！ 字源資料［參考］。［凭］字係依靠，仗恃嘅意思。異體字［凴、憑］。　《唐韻》：皮孕切，𠀤憑去聲。義同。　《說文》：依几也。从几从任。　《周書》：凭玉几。讀若馮。皮冰切。　《字注》臣鉉等曰：人之依馮，几所勝載，故从任。。［憑］字通［凭］，可指依靠，例如［憑欄］。　《廣韻》：扶冰切，音凭。依也，託也。　《書．顧命》：憑玉几。 唐．杜甫《登嶽陽樓》：戎馬關山北，憑軒涕泗流。 宋．寇準《書河上亭壁》：岸闊檣稀波渺茫，獨憑危檻思何長。 宋．岳飛《滿江紅》首句：怒髮衝冠，憑欄處，潚潚雨歇。 其他辭彙［參考］。挨挨凭凭：。挨挨凴凴：。挨挨憑憑：。挨挨倗倗： 帶挈 daai3 hit3 / daai3 kit3 / daai3 hip3 解釋：用嚟形容受人提攜；帶嚟著數嘅意思。例句：見親你都冇好帶挈，今次又想點呀？ 字源資料［參考］。［挈］字可以解做提、舉、帶領。例如：［提綱挈領］　《荀子．勸學》：若挈裘領，詘五指而頓之，順者不可勝數也。　《穀梁傳．僖公二年》：［挈其妻子以奔曹。］ 其他辭彙［參考］。帶挈：。帶協：。帶歇： 乜斜 me2 ce3乜乜斜斜 me2 me2 ce3 ce3 解釋：形容事或物件擺放唔正嘅意思。例句：你嘅字寫得咁乜斜嘅？ 你掛到幅畫乜乜斜斜嘅，快掛番正佢！注意：乜斜爲本字，俗寫爲歪斜，音近如咩且。 斜，讀且音陰去聲，例如：樓梯好斜嘅斜。 字原資料［參考］［乜］瞇眼斜視。［歪］字本義為偏斜、不正。［竵］古同［歪］。《說文》：竵，不正也。段玉裁注：俗字作歪。 其他辭彙［參考］乜斜：me2 ce3歪斜：waai1 ce3竵斜：waai1 ce3 竵竵斜斜 waai1 waai1 ce3 ce3／me2 me2 ce3 ce3 解釋：形容事或物件擺放唔正嘅意思。例句：你掛到幅畫竵竵斜斜嘅，快掛番正佢！ 字源資料［參考］。［竵］字本義為偏斜、不正，與「正」相對。　《說文》：竵，不正也。从立，聲。段玉裁注：俗字作歪。　《廣韻》：火媧切，音。。［歪］字本義為偏斜、不正，與「正」相對。 元．馬致遠〈殘曲‧集賢賓〉：酷吟得詩句穩，忙寫得字兒歪。。［乜］字解眼睛眯成一條縫，眼略斜視。 元．關漢卿《望江亭》：鬼祟醉眼乜斜。 其他辭彙［參考］。竵竵斜斜：［waai1 waai1 ce3 ce3］。歪歪斜斜：［waai1 waai1 ce3 ce3］。乜乜斜斜：［me2 me2 ce3 ce3］ ＊＊［注意：乜斜爲本字，俗寫爲歪斜，音近如咩且。 斜，讀且音陰去聲，例如：樓梯好斜嘅斜。 軟癩癩 jyun5 laai4 laai4 解釋：形容物件太軟，唔夠硬嘅意思。例句：本書軟癩癩，冇硬嘢墊住好難喺上面寫嘢。 字源資料［參考］。［癩］ 其他辭彙［參考］。軟癩癩：形容物件太軟，唔夠硬。攰癩癩：形容全身都好攰；冇力氣做嘢。癐癩癩：［同上］。長癩癩：指軟而長嘅物件 搣開 mit hoi1 解釋：用手指去捏然後再用力扭或撕開嘅意思。例句：大家食橙嘅時候，會切開定係搣開啲橙呢？ 字源資料［參考］。［搣］字解用手捏住後扭或撕。　《說文》：㧗也。从手，烕聲。亡列切。　《唐韻》：亡列切，音滅。　《廣韻》：手拔也。又摩也，捽也。　《集韻》：莫列切，音滅。　《正韻》：彌列切，音滅。 其他辭彙［參考］。搣開：食橙，我會搣開一楷楷嚟食。。搣碎：。搣爛：。撕開：。撕碎：。撕爛： 一䊆飯 jat1 gau6 faan6 解釋：形容人唔夠醒目，對做事表現得呆滯或者理解唔清晰。例句：喺幾十年前有唔少媽咪會用一舊飯來形容自己嘅仔女。 其他辭彙［參考］一䊆飯：［］一嚿飯：［］一丩飯：［］ 其他資料［參考］ 。［䊆］［gau6］/［kaau3］　《廣韻》：䊆，其九切，𠀤音臼。　《集韻》：䊆，巨九切，𠀤音臼。　《篇海》：䊆，乾飯屑。　《說文》：䊆，釋之為「舂糗」。糗者，乾飯屑。　段玉裁注：米麥已熬，乃舂之而蓰之成勃，鄭所謂擣粉也， 而後可以施諸餌将从将从餈。 。［嚿］［gau6］ 嚿，音［舊］，意指一團或一件，粵語用字。　《篇海》：嚿，胡白切，音嚄。誇也。 。［丩］［gau1］/［giu2］/［kau1］　《集韻》：丩，居尤切，音鳩。延蔓也。象牽連交繚形。 瓜藤之屬，遇他物縈繞之，乃得上引。 又居虯切，音樛。義同。 又巨夭切，音撟。與糺糾通。或作𢒥。 𦧲脷 loe2 lei2 解釋：形容人講嘢唔正發音時有賴過嘅意思。例句：媽媽好擔心個女講嘢𦧲脷嘅情況會惡化落下去！ 𦧲𦧲脷 loe2 lei2例句：講嘢𦧲𦧲脷，係咪即係叫做黐脷根呢？ 字源資料［參考］［𦧲］字有吐出嘅意思。 其他辭彙［參考］𦧲飯：［loe1 faan6］𦧲骨：［loe1 gwat1］𦧲血：［loe1 hyut3］𦧲地：［loe2 dei2］𦧲脷：［loe2 lei2］𦧲𦧲脷：［ loe2 lei2］ 揦脷 laa2 lei6 解釋：形容價格太高，令人接受唔到嘅意思。例句：呢個價錢太揦脷啦，有無得平啲啊？ 字源資料［參考］。［揦］古同［攋］，毀裂；使開裂。　《廣韻》：攋，盧達切，音辣。撥攋，手披也。或作揦。　《集韻》：攋，洛駭切，賴上聲。把攋，弃去也。 其他辭彙［參考］。揦脷。攋脷。乸脷。嗱脷 翳侷 ai3 guk6 解釋：形容悶熱，空氣唔流通嘅意思。例句：今日天氣咁翳侷，等陣可能會落雨。 字源資料［參考］。［翳］字意為遮蔽，障蔽。　《廣韻》：翳，烏奚切。　《說文》：翳，華蓋也。从羽，殹聲。〔於計切〕。［侷］字意為侷限，侷促。　《廣韻》：侷，渠玉切。 其他辭彙［參考］。翳侷。翳焗。曀侷。曀焅 大步𨂾過 daai6 bou6 naam3 gwo3 解釋：形容大步跨過嘅意思，粵語用詞。例句：今次係我第四次考車牌，希望可以大步檻過啦！ 其他辭彙［參考］。大步𨂾過：［daai6 bou6 naam3 gwo3］。大步𨈇過：［daai6 bou6 laam3 gwo3］。大步檻過。大步攬過。大步躐過 字源資料［參考］。［𨂾］字意指跨。粵語。。［𨈇］字意指跨。客家話、粵語。。［檻］字本義指關牲畜嘅柵欄，後來引身指門下橫木［門檻］。　《說文》：檻，櫳也。从木，監聲。一曰：圈。。［攬］字本義係指執、持。　《說文》：擥，撮持也。从手，監聲。。［躐］字意指踐踏，踩，超越（超越等級，不按次序）。　《廣韻》：躐，良涉切　《集韻》：躐，力涉切，音獵。　《玉篇》：躐，踐也。 家生 gaa1 saang1 解釋：係指喺屋企嘅家具，居室用品，器具等。例句：呢咋家生，都係嗰本清代小說介紹嘅，唔知堅定流。 辭源資料［參考］。［家生］一家生計西漢．司馬遷《史記．扁鵲倉公列傳》：文王病時，臣意家貧，欲為人治病，誠恐吏以除拘臣意也，故移名數，左右不脩家生，出行游國中，問善為方數者事之久矣，見事數師，悉受其要事，盡其方書意，及解論之。 。［家生］家中器具總稱 宋．吳自牧《夢粱錄．諸色雜貨》：家生動事，如桌、櫈、涼牀、交椅、兀子。也作「傢生」。 明．馮夢龍《古今小說．沉小官一鳥害七命》：二人收了，作別回家，便造房屋，買農具家生。 清．西周生《醒世姻緣傳》第二四回：吃完了酒，收拾了家生，日以為常。 清．韓邦慶《海上花列傳》第三八回：梳頭傢生搭衣裳教我故歇就拿得去。 近．魯迅《書信集．致母親》：日前給他買了一套孩子玩的木匠家生。 。［家生］奴僕於主人家所生子女 唐．王重民《敦煌變文集．捉季布傳文》：兀髠髮剪頭披短褐，假作家生一賤人。 元．鄭廷玉《后庭花》第一折：老夫汴梁人氏，姓趙名忠字德方，嫡親三口兒，夫人張氏，有一個家生的孩兒是王慶。 清．施耐庵《水滸傳》第六十一回：吳用向前與把門軍士陪話道：小生一言難盡！這個道童，又聾又啞，只有一分蠻氣力；卻是家生的孩兒，沒奈何帶他出來。 。［家生］生物由人工飼養或栽培，相對［野生］而言 北魏．賈思勰《齊民要術．養豬》：牡性游蕩，若非家生，則喜浪失。 近．《新華半月刊》1959年第22期：對于那些經濟價值較大，需要量大，而生產不足的野生植物，還要在可能條件下，提倡人工培育，改進品種質量，變野生為家生，以發展生產，保證需要。 。［家生］武器 清．施耐庵《水滸傳》第二回：史進又不肯務農，只要尋人使家生，較量鎗棒。 清．施耐庵《水滸傳》第五回：再説魯智深就客店住了幾日，等得兩件家生都已完備，做了刀鞘，把戒刀插放鞘內，禪杖卻把漆來裹了。 其他辭彙［參考］。家生：。傢生：。架生：。架撐： 擸架生 laap3 gaa3 saang1 / laap3 gaa3 caang1 解釋：形容用手執起工具或者武器嘅意思。例句：兄弟擸架生，一齊去捉賊佬！ 字源資料［參考］。［擸］字有執，持之意。　《唐韻》：擸，良涉切，音獵。　《說文》：擸，理持也。从手巤聲。良涉切　《字註》：擸，躐字宜从手。廣雅云：擸，持也。。［架］字有建造；搭設；支撐之意。 唐．白居易《秦中吟．傷宅》：繞廊紫藤架，夾砌紅藥欄。 唐．杜牧《阿房宮賦》：架樑之椽 明．徐霞客《徐霞客遊記．遊黃山記》：架木通之 清．邵長蘅《青門剩稿》：架大炮擊城 其他辭彙［參考］。擸架生：。擸架撐：。擸家生：。擸傢生： 石矢 sek6 si2 解釋：用英泥撈沙同石仔加水溝成嘅建築材料。 有時會加入粉煤灰，亦可以加入添加劑來改變特性。例句：石矢乾咗之後會繳硬，通常係用來起樓同整馬路。 字源資料［參考］。［矢］字通［屎］，指人或動物排出嘅糞便。　《廣韻》：屎本作矢。　《左傳．文公十八年》：殺而埋之馬矢之中。　《莊子．人間世》：以筐盛矢。　《荀子．榮辱》：是人也，所謂以孤父之戈钃牛矢也。　《史記．廉頗藺相如列傳》：頃之，三遺矢矣。。［屎］字係指人或動物排出嘅糞便。　《廣韻》：屎，式視切，音豕。　《集韻》：作屎。　《說文》：糞也。本作蓾，从艸胃省。　《莊子．知北遊》：道在屎溺。 其他辭彙［參考］。石　矢：。石　屎：。三合土：。混凝土： 仆街 puk1 gaai1 解釋：原意係指人仆倒街頭，後來又引申為橫死街頭嘅咀咒語。例句：（自由創作） 字源資料［參考］。［仆］字係指失足跌倒，含突然下滑姿勢。 讀音另有［付 fu6］、［僕 buk6］。　《廣韻》：仆，前倒、倒也。　《說文》：仆，傾也。從人，卜聲。芳遇切。　唐．孫樵《祭梓潼神君文》：跛馬慍僕，前仆後踣。　唐．柳宗元《永州韋使君新堂記》：或立或仆。　宋．歐陽修《新唐書．房杜傳贊》：興仆植僵。　清．朱駿聲《說文通訓定聲》：前覆曰仆，後仰曰偃。 辭源資料［參考］。仆街：古時有稱［仆地］、［仆路］、［仆道］。　西漢．司馬遷《史記．項羽本紀》：衛士仆地。　唐．李延壽《南史．吳平侯勱傳》：或遇風雨，仆臥中路...　唐．韓愈《祭湘君夫人文》：舊碑斷折，其半仆地。　宋．王安石《遊褒禪山記》：有碑仆道，其文漫滅。 其他辭彙［參考］。仆街：。扑街：。僕街：。撲街： 舐嘢 laai2 je5 解釋：原本係指用脷舔物，又隱喻碰上麻煩事嘅意思。 意思係指有人條脷唔小心舔到一啲唔應該舔嘅嘢。例句：有衰野、有好野、有筍野、貴野、賤野，最棹忌就舐野。 字源資料［參考］。［舐］字意庶以舌舔物； 文讀［saai5］，白讀［laai2］、［lem2］。　《廣韻》：舐，俗舓字。以舌取物也。　《莊子．田子方》：舐筆和墨，在外者半。　《莊子．列禦寇》：秦王有病召醫，破癕潰痙者得車一乘，舐痔者得車五乘。　《後漢書．楊彪傳》：愧無日磾先見之明，猶懷老牛舐犢之愛。　《警世通言．王安石三難蘇學士》：舉筆舐墨，依韻續詩二句。 其他辭彙［參考］。舐嘢。瀨嘢。𦧺嘢。領嘢。中招 棹忌 zaau6 gei6 解釋：係指人出於迷信而對某啲事物有忌諱嘅意思。例句：講呢啲衰嘢，人哋擺酒好棹忌喎。 其他辭彙［參考］。棹忌。驟忌。掉忌 沙哩弄銃 saa1 li1 lung6 cung3 / saa1 li1 lung6 cung6 解釋：形容人做嘢亂咁嚟，冇章法輕率莽撞嘅意思。例句：佢哋沙哩弄銃咁就話做完，真係唔知邊個嚟埋尾嘞？ 字源資料（參考）。［銃］字係指斧頭上裝柄嘅部分。 又指一種舊式武器，例如：火銃、鳥銃。　《集韻》：銃，斧穿也。　《元史．達禮麻識理傳》卷一四五：糾集丁壯苗軍，火銃什伍相聯。 其他辭彙［參考］。沙哩弄銃。沙哩弄種。沙哩弄重 時哩沙啦 si4 li1 saa4 laa4 解釋：係形容事情進展好快，或者迅速收拾物件嘅聲音。 又有用來形容某啲嘢磨擦時發出嘅聲音。例句：佢時哩沙啦執好晒啲嘢，跟住就滾水淥腳走咗啦！ 辭源資料（參考） 其他辭彙［參考］。時哩沙啦。時利沙啦 嘰哩咕嚕 gi1 li1 gu1 lu1 / gi3 li1 gu3 lu3 解釋：形容人講嘢口齒不清，或者聽唔明人哋嘅意思。 又有形容人飢餓同絞痛時，肚入面發出嘅聲音。例句：嗰兩個鬼佬喺度嘰哩咕嚕，都唔知佢哋噏緊乜！ 佢今朝冇食早餐，所以依家個肚嘰哩咕嚕咁叫。 有肚痛，嘰哩咕嚕個肚！ 辭源資料（參考）。［嘰哩咕嚕］　吳沃堯《二十年目睹之怪現狀》第七七回：忽又聽見他們嘰哩咕嚕的説起外國話來，我以為他們請了外國客來了。　巴金《春》十一：錢嫂不服氣，在廚房里嘰哩咕嚕地自言自語。　茅盾《瘋子》：老婆婆代了老當家坐在那里，卻老是嘰哩咕嚕罵些我聽不懂的話。 其他辭彙［參考］。嘰哩咕嚕。咭力骨碌 污哩馬查 wu1 li1 maa5 caa5 / wu1 lei1 maa5 caa5 解釋：形容人字迹潦草、或者亂七八糟嘅意思。例句：阿陶呢篇文章，真係污哩馬查！ 辭源資料（參考） 其他辭彙［參考］。污哩馬查。烏哩馬查。烏哩馬搽．烏喱馬叉。胡哩馬叉 嘩鬼 waa1 gwai2 解釋：係形容啲好嘈又百厭、成日搞搞震嘅細孥或者後生仔。例句：呢班嘩鬼百厭星，成日走來搞搞震，真係冇佢哋符！ 辭源資料（參考） 其他辭彙［參考］。嘩鬼。哇鬼 刁僑扭擰 diu1 kiu4 nau2 ning6 解釋：形容人調皮唔聽話、好難應付或難調教嘅意思。例句：森哥話，最怕女仔刁僑扭擰份應該。 辭源資料（參考） 其他辭彙［參考］。刁僑扭擰。刁喬扭擰。刁橋扭擰 乒鈴嘭唥 bing4 ling1 baang4 laang4 解釋：形容一啲易碎硬物跌落地或者互相撞擊時發出嘅聲音。 又例如搬嘢嘅時候發出嘅噪音。例句：兩個細路一早起身就兵鈴嘭唥追嚟追去。 你想整爛個廚房咩？做咩搞到乒鈴嘭唥咁？ 啲嘢乒鈴嘭唥噉跌晒落地。 其他辭彙［參考］。乒鈴嘭唥：物件掉落地時嘅噪音。砰鈴嘭唥：物件掉落地發出嘅噪音 毛管戙 mou4 gun2 dung6 解釋：形容起雞皮疙瘩嘅意思。例句：聽歌容易毛管戙，可能係天生感性嘅人。 字源資料（參考）。［戙］　《廣韻》：戙，徒弄切，音洞。　《玉篇》：戙，船板木也。　《說文》：戙，迭也。　《全唐詩》：猗嗟戙之為，彬彬堅且直。 其他辭彙［參考］。毛管戙。起雞皮 楔灶罅 sit3 zou3 laa3 / sip3 zou3 laa3 解釋：形容將冇用物件塞入灶底。比喻女仔嫁唔出去嘅意思。例句：唔嫁唔嫁，唔通留翻嚟楔灶罅咩！ 字源資料（參考）。［楔］填充空隙之物，木橛、木片等。　《說文》：楔，櫼也。先結切，从木，契聲。。［揳］指將釘、橛等捶打到其他物件之內。　《唐韻》：揳，先結切，音屑。㩢揳，不方正也。又撚也，塞也。　《韻會》：揳，私列切，音薛。義同。。［攝］攝氏，攝政　《說文》：攝，引持也。書涉切，从手，聶聲。 段玉裁注：謂引進而持之也。。［灶］從火，從土，本義為生火炊煮嘅架生，又作［竈］。　《左傳．成公十六年》：塞井夷灶，陳於軍中，而疏行首。　《論語．八佾》：與其媚於奧，寧媚於灶。。［竈］字見於金文秦公簋，做本義用。　《說文》：竈，炊竈也。則到切，从穴，鼀省聲。　其他辭彙［參考］。楔灶罅：。揳灶罅：。攝灶罅： 口窒窒 hau2 zat6 zat6 解釋：形容人講嘢唔流暢，有好多冇必要嘅停頓同重覆。例句：阿明口窒窒咁問︰你-你-你叫做乜-乜嘢名啊？ 字源資料（參考）。［窒］　《廣韻》：窒，陟栗切，音挃，滿也。　《說文》：窒，塞也。 劖亂歌柄 zaam6 lyun6 go1 beng3 解釋：形容唱歌時被人擾亂，或者說話時被人打斷嘅意思。例句：人哋講緊嘢，你就咪劖亂歌柄啦！ 字源資料（參考）。［劖］　《唐韻》：劖，鋤銜切，音巉。　《說文》：劖，斷也。鉏銜切，从刀，毚聲。一曰：剽也。釗也。 其他辭彙［參考］。劖亂歌柄：zaam6 lyun6 go1 beng3。暫亂歌柄：zaam6 lyun6 go1 beng3。柵亂歌柄：zaap6 lyun6 go1 beng3。岔亂歌柄：caa5 lyun6 go1 beng3 吱吱斟 zi4 zi4 zam4 解釋：形容用幾乎聽唔到嘅聲線，喺度細細聲講嘢。例句：你哋兩個女仔吱吱斟咁喺度講咩啊？ 字源資料（參考）。［斟］　《廣韻》：斟，職深切，音針。　《說文》：斟，勺也。　《廣雅》：斟，酌也。 攪攪震 gaau2 gaau2 zan3 解釋：形容人專係搗亂，製造麻煩嘅意思。配詞：攪攪震冇幫襯！例句：唔好再攪攪震喇！快啲開始做嘢啦！ 其他辭彙［參考］。攪攪震。搞搞震 刁蠻 diu1 maan4 解釋：形容人任性而刁鉆，蠻橫唔講理嘅意思。例句：佢作風雖然刁蠻，但重未至於無理取鬧。 字源資料［參考］。［刁］一種古代行軍用具，斗形有柄，銅質。　《唐韵》：都聊切，音貂。古者軍有刁斗。。［蠻］古時對南方民族嘅泛稱。　《說文》：蠻，南蠻，蛇穜。从虫䜌聲。 段玉裁注：王制云：南方曰蠻。 辭源資料（參考）。［刁蠻］形容狡猾蠻橫，又有乖巧機靈嘅意思。　清．錢學綸《語新》：予忿嶽田雖俱重價，且負租累累，人又刁蠻，但貧富無常，究緣困迫所致。 其他辭彙［參考］。刁蠻。野蠻。橫蠻 詞例資料［參考］。［刁］刁蠻、刁難、刁鑽古怪、刁民、刁頑、刁滑、刁風拐月。［蠻］蠻橫、蠻幹、蠻荒、蠻行、野蠻 喂哇鬼叫 wi1 waa1 gwai2 giu3 / wai1 waa1 gwai2 giu3解釋：形容人極度痛楚而大聲喊或者叫嘅意思。例句：一講鬼故，竟嚇到啲細孥喂哇鬼叫！ 字源資料［參考］。［喂］　《玉篇》：喂，同餧、餵，音委，飼也。　《玉篇》：喂，於韋切，音威。恐也。其他辭彙［參考］。喂哇鬼叫：［鬼哭狼號］。喴哇鬼叫：。咿嘩鬼叫：［ji1 waa1 gwai2 giu3］。依嘩鬼叫：。伊哇鬼叫： 虢礫緙嘞gwik1 lik1 kaak1 laa3 / kwik1 lik1 kuak1 laa3 解釋：形容有好多嘢，林林總總嘅意思；未知出處。例句：乜你間屋咁多虢礫緙嘞嘢架，好心你執執佢啦！ 字源資料［參考］《說文》：虢，虎所攫畫明文也。从虎，寽聲。《說文》：礫，小石也。从石，樂聲。