粵語識字（二）

戒烟如你

喂喂喂 wai4 wai1 wai3 / wai4 wai2 wai6 讀音：圍威喂／為位衛解釋：形容關系友好，做事心照不宣嘅意思。例句：今晚約咗班朋友上我度「圍威喂／為位衛」，你有冇興趣一齊來玩？ 字源資料［參考］。喂：wai1《玉篇》於韋切，音威。恐也。。喂：wai2。喂：wai3《玉篇》餧，飼也。。喂：wai4。喂：wai6 搋澄鋹 caai1 cing4 cam4 解釋：係指一種遊戲，又叫做（猜）包剪䂿。 ［搋］指撳著某個人來毆打 ［澄］指持政大太監龔澄樞 ［鋹］指南漢后主暴君劉鋹 典故：搋澄鋹［傳］據講來自五代十國時期，當中南漢嘅末代皇帝劉鋹治國無方，太監龔澄樞等人把持朝政，導致民怨沸騰。後來宋太祖趙匡胤滅咗南漢，劉鋹投降，龔澄樞被處死，大家為咗慶祝，就發明［搋澄鋹］呢種酒令。後來發音流變成［猜呈尋］。 包剪䂿 baau1 zin2 dap6 解釋：係指一種遊戲，又叫做（猜呈尋）。 招式有三種：包、剪、䂿。 包贏䂿，䂿贏剪，剪贏包，相同就打和。例句：依家剩番一塊朱古力餅，我哋猜包剪䂿，邊個猜贏邊個食。 字源資料［參考］。［䂿］字本義係［捶打］舂、擣。而捶打就係由上而下嘅動作。　《說文》：䂿，舂已，復擣之曰䂿。从石沓聲。　《注》：舂已複擣之曰䂿。䂿之言沓也。取重沓之意。　《廣雅》：䂿、舂也。 其他辭彙［參考］。包剪䂿。包剪揼。猜呈尋。猜澄鋹 其他資料［參考］。䂿骨：［捶背］正係由上而下嘅動作，所以寫做［䂿骨］。 ［䂿］再引伸為一般嘅打，例如「䂿佢一身」。 鏗鈴哐唥 king1 ling1 kwaang1 laang1 解釋：形容懸弔物太多，或碰撞、打碎等發出嘅聲音。例句：啲嘢一下鏗鈴哐唥就打爛晒！ 字源資料［參考］［鏗］《廣韻》：鏗，口莖切，音䃘，撞也。《集韻》：鏗，丘耕切，𠀤音䃘。《正字通》：鏗，同硻。本作硜。鹽鐵論，器多堅䃘。 其他辭彙［參考］乒鈴嘭唥：物件掉落地時嘅噪音砰鈴嘭唥：物件掉落地發出嘅噪音 眼睄睄 ngaan5 saau3 saau3 解釋：形容眼睛向人左右掃視嘅意思。例句：你眼睄睄咁，有咩唔滿意呀？ 字源資料［參考］。［睄］　《集韻》：［睄，所教切，小視也。］ 其他辭彙［參考］。眼眧眧：ngaan5 ciu1 ciu1　《玉篇》：目弄人也。。眼瞧瞧：ngaan5 ciu4 ciu4；同［眼睄睄］　［瞧］：從目，焦聲。表示眼目昏蒙之貌，又表示偷睇。 眼眧眧 ngaan5 ciu1 ciu1 解釋：形容目光挑逗人嘅意思。例句：你眼眧眧，唔順眧呀？ 字源資料［參考］。［眧］　《廣韻》尺沼切，超聲。　《集韻》齒紹切，超上聲。　《玉篇》目弄人也。　《類篇》以目玩人謂之眧。 其他辭彙［參考］。眼䚕䚕：。眼矋矋：憤怒地盯着。 雞𣚺 gai1 hong2 解釋：係指未生過蛋嘅雞乸［即係少女雞］。因為雞生過蛋之後嘅雞肉質會變老，所以廣府人由食用嘅角度將雞乸進一步分成雞𣚺、雞乸、老雞乸。 其他雞嘅稱呼［參考］。雞公：。雞乸：。雞仔： 粵語分［公乸］：。雄性為［公］，狗公，豬公，老公；。雌性為［乸］，雞乸，牛乸，老虎乸。 鏾雞 sin3 gai1 解釋：係指經過去勢手術嘅閹雞。例句：其實閹雞重有一個別稱，就係叫「太監雞」。 字源資料［參考］。［鏾］字音線。雄雞已閹曰鏾。　《正字通》：雄雞去勢謂之鏾。　《戴復古詩》：通作線。區別鄰家鴨。羣分各線雞。 其他辭彙［參考］。扇雞：扇，同［騸］。。騸雞：騸音扇，从馬，用於馬。。鏾雞：鏾音扇，閹割。鏾雞，鏾貓。。線雞：線音扇，有食家解釋，閹雞時用線取雞子而得名。。鐓雞：鐓音隊，閹割。鐓雞，鐓豬。。閹雞：閹音淹，閹割。閹雞，閹豬。。太監雞：閹雞一隻。 其他資料［參考］［閹］六畜去勢曰閹。《癯仙肘後經》：［扇馬。宦牛。羯羊。閹猪。鏾雞。 善狗。淨貓。各有名目。］《郭崇韜傳》：［謂繼岌曰。當盡去宦官。至於扇馬亦不可騎。］《說文》：［牛之已閹者曰犗。音戒。騬牛也。又曰犍。音堅。］《易》　：［猪之已閹者曰豶。豶豕之牙吉。］ ［馬之已閹者曰騬。音增。謂之曰攻特。］《周禮》：［祭先牧攻特。羊之已閹者曰羠。］ 雞膥 gai1 ceon1 解釋：係指雞乸未成肉嘅卵或蛋。例句：雞膥咁密實嘅都菢得出雞仔！ 其他辭彙［參考］。雞子：係雞公嘅睾丸。。膥子：係睾丸嘅俗稱。。雞膥巷：喺廣州番禺沙灣鎮車陂街。。爛膥袋：係暗指嗰啲地痞流氓，蠱惑仔。 蔽翳 bai3 ai3 / bai3 ngai3 解釋：形容人內心不安、心情抑鬱，有苦惱嘅意思。例句：今日唔使蔽翳嘅，明天應該會更好！ 其他辭彙［參考］。閉翳：。怫㥜：《廣州語本字》：怫㥜，音費胃。心不安。。贔屭：《廣東俗語考》：贔屭，讀若蔽翳，愁苦之狀。 其他資料［參考］［贔屭］係傳說一種像龜動物。　東漢．張衡《西京賦》：巨靈贔屭，高掌遠蹠。　唐．元稹《野節鞭》：緊紉野節鞭，本用鞭贔屭。　明．焦竑《玉堂叢語．文學》：一曰贔屭，形似龜，好負重，今石碑下龜趺是也。 包詏頸 baau1 aau2 geng2 解釋：形容人專門頂嘴，鬥氣，過唔去嘅意思。例句：你呢個人專係要同人包詏頸嘅！ 字源資料［參考］。［包］字本義係包孕。包係胞嘅初文。　《集韻》：班交切，音苞。　《說文》：包，象人褱姙。 已在中，象子未成形也。元氣起於子。。［詏］字俗多借拗字代用，如拗頸，喻爭辯。　《集韻》：詏，於敎切，妖去聲。言逆也。。［頸］字本義為頭部與軀幹連接部分。　《集韻》：頸，頭莖也。从頁，巠聲。 蛇𠺌 se4 gwe1 解釋：形容細膽；懦弱；直譯自英文 "scared"。例句：你唔好咁蛇𠺌啦，少少頭痛唔使睇急症呀！ 烏哩單刀 wu1 li1 daan1 dou1 / wu1 lei1 daan1 dou1烏里單刀 wu1 li5 daan1 dou1 解釋：形容啲嘢嘅色彩或整潔程度好邋遢或立立亂。 又有形容為人做事一塌糊塗嘅意思。例句：相傳大宋時期，南宋有位名將個名嗌 “烏利單刀”，不過後嚟讀音轉變成［烏哩單刀］。 其他辭彙［參考］。烏哩單刀。污哩單刀。烏里單刀。烏利單刀 ＊＊ 烏哩單刀／烏里單刀嘅傳聞［其中之一］ 相傳喺1278年，宋末元初元軍統帥張弘範率大軍，殂擊宋軍至香山縣［中山］一帶，宋軍包括忠臣陸秀夫、張世傑同埋皇帝仔宋帝昺。當其時，元軍有個勇猛剽悍嘅百夫長叫烏里，佢嘅武器係一把精鋼打造嘅單點鋼刀，重三十幾斤，喺所有南宋將領之中未逢敵手，南宋涯海戰敗之後，陸秀夫背主赴海，南宋滅亡，元軍就駐紮喺廣東新會，作為守軍，烏里亦留喺當地。 後來烏里追趕宋軍去到香山坦洲，幾名受傷南宋將士得到當地村民幫助，坐艇仔渡河。烏里快馬趕到，揮舞單刀，策馬大叫一聲，想跳馬過河，糊哩糊塗就連人帶馬跌落河，因為唔熟水性，掙紮幾下就浸瓜咗。 蒙古人消滅新會崖山嘅宋軍之後，怒迫當地人立廟祭烏里，廣州城區亦曾建三座烏里將軍廟。當年喺廣州啲百厭星見廟入面供奉咗一個黑面神，手持單刀，又聽聞佢係侵略軍嘅將領，曾經喺坦洲糊塗送命，就笑笑佢係［烏里單刀］，形容人處事一塌糊塗。至於烏里把單刀，依家重藏喺新會博物館，屬於三級文物。 無傝𠎷 mou5 daap3 saap3 解釋：形容人辦事唔可靠、冇交代、唔負責任嘅意思。例句：佢做嘢好無傝𠎷，你最好跟緊啲。 其他辭彙［參考］。冇搭霎：《粵典》：冇搭霎。冇搭颯：《中大．粵語對照資料庫》：冇搭颯。冇搭撒：《西游記》第三九回》：沒搭撒。冇搭煞：《金瓶梅．第五七回》：沒搭煞。冇答颯：《南史．卷三三．鄭鮮之傳》：答颯。冇撻煞：《喻世明言．卷三九．汪信之一死救全家》：沒撻煞 其他資料［參考］。冇嚟搭霎：《粵典》：冇嚟搭霎。冇厘搭霎：《謎圖小學雞》：冇厘搭霎。冇釐搭霎：《粵典》：冇釐搭霎。無離搭圾：。無籬搭颯： 胳肋底 gaak3 laak1 dai2 解釋：係人嘅身體部位，膊頭下面，身體同臂個骹位內側。例句：大多數嘅中童或者成人都有啲毛喺胳肋底嗰度，叫胳肋底毛，細孥仔就冇嘅。 字源資料［參考］。《說文》：胳，亦下也。 清．段玉裁．注：亦、腋，古今字。 腳膼䯖 goek3 gwaa1 nong1 解釋：意思係指膝頭髁以下小腿肚部位。例句：黎根叔對腳膼䯖好勁呀！ 字源資料［參考］。［膼］腿部，常見於腳膼，又引申指手臂上嘅肌肉。　《廣韻》陟瓜切，膇也。　《集韻》張瓜切，𠀤音檛。腿也。。［䯖］又叫腳䯖肚，指小腿肌肉。　《廣韻》：䯖，䯑䯖股肉䯑。苦光切。 其他資料［參考］。［瓜瓤］gwaa1 nong4，瓜類之肉。　《本草綱目》：瓜瓤，甘、淡、寒、無毒。 哱哱㲳 but3 but3 zit1 / bu4 bu4 dzit1 解釋：用手指㲳落啤啤仔面上或胳肋底或腰肢時講嘅說話，然後彼此失笑。 字源資料［參考］。［哱］　《廣韻》：哱，吹氣聲。　《集韻》：哱，薄沒切，音孛。聲也。。［㲳］　《說文》：㲳，觸也。从氐失聲。 奀咕咕 an1 gu4 gu4 / ang1 gu4 gu4 解釋：初生啤啤幾個月大，未識講嘢嘅時候，會因為口腔活動而自然發出［奀咕咕］咁嘅聲音。而好多大人就會當係［啤啤話］，會用返呢種聲音去同個啤啤仔互動、啗啤啤。 食𩜠𩜠 sik6 mam1 mam1 解釋：指畀嬰幼兒食嘅糊狀或流質食物。通常疊用成［𩜠𩜠］。 字源資料［參考］。［𩜠］係指軟而爛嘅幼兒飯。同［𩛎］。　《廣韻》：謨敢切，音㛧。　《篇海》：俗呼哺兒曰𩛎。 淆底 ngaau4 dai2 解釋：形容發生事件後臨陣退縮，唔敢繼續做落去嘅意思；又形容做咗虧心事唔敢承認責任嘅意思。例句：嘩﹗要喺班教授面前分享讀書心得，搞到我都好淆底啫﹗ 其他辭彙［參考］。爻底：《易經》初九，潛龍勿用。六爻之最底一爻。。熬底：指湯料因沉喺煲底而未能見到，引申為唔敢露面。。縮沙：。驚青：。蛇𠺌：。揗雞： 躝癱 laan1 taan2 解釋：指咒罵或形容人全身或半身癱瘓嘅意思。 又有引申用嚟鬧人冇責任感嘅軟皮蛇。例句：你條死躝癱，工又唔返，一日到黑掛住索Ｋ。 字源資料［參考］。［躝］表示人身體有問題，唔可以用腳行要喺地下躝爬。　《韻會》：躝，郞干切，音闌。　《玉篇》：躝，踰也。。［癱］本義係風癱、癱瘓，意謂身體全部或局部失去活動能力。　《正字通》：癱，風癱，筋脈拘急，麻痺不仁。 其他辭彙［參考］。攔坦：有解做用石頭堆高嘅石圍牆或者石籠。。蘭單：精疲力竭。。蘭彈：《詠死兔》唐．蘇頲： 兔子死蘭彈，將來掛竹竿。。蘭驒：《釋疾文》唐．盧照鄰： 草木扶疏兮如此，余獨蘭驒兮不自勝。 膝頭髁 sat1 tau4 go1 解釋：係指連住大髀同細髀嘅部份，亦都係人體最大嘅關節。 字源資料［參考］。［髁］係指膝骨　《廣韻》：髁，平聲，戈韻。膝骨。　《說文》：髁，髀骨也。 其他辭彙［參考］。膝頭䯊：《廣韻》：䯊，苦何切，音珂。膝骨。 《玉篇》：䯊，腰骨也。與髂𩩱同。 其他俗語［參考］。膝頭哥唔食辣椒醬。膝頭哥矯眼淚 欂櫨蓋 bo1 lo4 goi3 解釋：喻指膝頭髁部位突出來嘅一塊膝蓋骨［髕骨］。備注：有學者表示［欂櫨蓋］呢個出現於明代，而［欂櫨］一詞喺宋代就被［鋪作］取代咗，所以呢兩個唔可能係本字。資料：維基辭典 字源資料［參考］。《黃侃文字聲韻訓詁筆記》︰欂櫨，蘄春謂膝頭骨曰欂櫨骨。。［欂櫨］柱上承梁之短木。　《淮南子．本經》：標枺欂櫨，以相支持。　〈進學解〉唐．韓愈：欂櫨侏儒，椳闑扂楔。也稱為［斗拱］。。［斗拱］斗拱為古代建築中，介於楹柱與橫梁間承接部分。 斗，指拱與拱之間連繫之木塊。 拱，從柱頂一層層伸出之方木。 其他辭彙［參考］。跛羅蓋：。跛骼蓋：。波落蓋：。波羅蓋： 屌屌捹 diu4 diu2 fing3［粗鄙］ 解釋：本義係指男人嘅子孫根隨意晃動，捹下捹下咁。　 ［捹］：兩手捹捹下 《集韻》：捹，蒲悶切，手亂貌。　 ［揈］：一拳揈埋去 《廣韻》：揈，呼宏切，擊也。 其他辭彙［參考］。條條捹：tiu4 tiu2 fing3。吊吊揈：diu4 diu2 fang4。弔弔捹：diu3 diu2 fing3。掉掉揈：diu6 diu2 fang4 可惱也 ko1 naauje1 / ko1 naau1 je1 解釋：表示惱恨時口嘅用語，源自粵劇表演嘅戲棚官話。 字源資料［參考］［惱］《廣韻》：惱，奴皓切，音腦。懊惱也。《說文》：惱，有所恨也。本作㛴。从女，𡿺省聲。今作惱。《增韻》：惱，事物撓心也。 辭源資料［參考］。［可惱也］　《說文》：可惱也，有所恨也。 其他資料［參考］粵劇［廣東大戲］早期係用中州音（戲棚官話）來唱嘅，所以呢個詞保留咗中州音嘅發音。 尷尬 gaam1 gaai3 / gaam3 gaai3 解釋：形容某啲人、事、物，因某原因或巧合發生或出現喺相對唔合時嘅情況，而對於處事人產生窘迫、困窘、難堪、手足無措、臉紅等嘅情緒反應。例句：講嘢唔經大腦衝口而出，就會造成尷尬嘅場面。資料：粵辭典 辭源資料［參考］［尷尬］處境困窘或事情棘手，難以應付。《哨遍．過隙駒難留時暫套》元．王伯成： 謾贏得此身良苦，家私分外，活計尷尬。《水滸傳·第一六回》： 前日行的須是好地面，如今正是尷尬去處。 其他辭彙［參考］。老尷：非常尷尬。老尬：就係尷尬囉。老烏：擺咗大烏龍 薄設設 bok6 cit1 cit1 / bok6 cit3 cit3 解釋：形容單薄或非常薄嘅意思。例句：妳件衫薄設設，唔驚攝親咩？ 字源資料［參考］。元．關漢卿《一半兒．題情》曲：　乍孤眠好教人情興懶，薄設設被兒單，一半兒溫和一半兒寒。。元．無名氏《云窗夢》第三折：　薄設設衾寒枕冷，愁易感好夢難成。 其他辭彙［參考］。薄怯怯：形容單薄［官話音：bó què què］。薄濕濕：形容單薄。薄溼溼：形容單薄。薄鬆鬆：形容薄而柔細 鬎鬁 laat6 lei1 解釋：係指生喺頭上使人甩髮嘅〔禿瘡〕皮膚病。例句：嗰個人成頭生晒禿瘡，畀人改咗個花名叫鬎鬁頭。 字源資料［參考］。明．馮夢龍《掛枝兒．假相思》：禿鬎鬁，梳了箇光光油鬢。。明．劉淑英《天雨花》第六回：背駝滿面黑麻星，頭上鬎鬁瘡雪白。 其他辭彙［參考］。鬣癧：即係指［鬎鬁］。。鬣鬁：。鬎癧：。瘌痢： 博懵 bok3 mung2 解釋：形容有人趁混亂時乘機佔人家便宜。例句：頭先搭𨋢有個男人迫入嚟，重越迫越埋，分明係想博懵！ 字源資料［參考］。［博］字有廣大、眾多，換、獲取、賭錢之意。 如：博取同情、博君一笑、博得美人心。　《廣韻》：博，廣也、大也、通也。　《荀子．修身》：多聞曰博；少聞曰淺。　《史記．荊軻傳》：魯句踐與荊軻博。 其他辭彙［參考］。博大懵：。博晒懵：。博大霧： 同義辭彙［參考］。索油：一般用於佔女性便宜。。揩油：佔人便宜，借指調戲婦女。。抽水：或［抽油水］，指佔人家便宜。 博大霧 bok3 daai6 mou6 解釋：形容人趁混亂時乘機混水摸魚佔人家便宜。例句：正話響𨋢有個男迫埋我度，分明係想博大霧喇！字源：［博］字有廣大、眾多，換、獲取、賭錢之意。 如：博取同情、博君一笑、博得美人心。 《史記．荊軻傳》：魯句踐與荊軻博。 ［博］博彩、博亂、博懵、博傻、博拉 ［搏］搏鬥、搏擊、搏命、搏盡、搏棋 其他辭彙［參考］。博大懵：bok3 daai6 mung2。博晒懵：bok3 saai3 mung2 一楷楷 jat1 kaai2 kaai2 解釋：形容一塊塊半月形嘅果肉。例句：阿啤想要一楷沙田柚。 阿媽將個蘋果切成一楷楷。 字源資料［參考］。［楷］語詞，量詞。　《廣州話方言詞典》：用於半月形之果肉，即柚、柑、桔之瓣兒。 ＊＊ ［楷］又指楷樹，木名，枯而不朽；古字［𣗀］。《唐韻》：［楷，苦駭切，音鍇。］《說文》：［楷，木也，孔子冢蓋樹之者。］《淮南子．草木訓》：［楷木生孔子冢上，其榦枝疎而不屈，以質得其直也。］ 其他辭彙［參考］。一塊塊。一片片。一搣搣 籮柚趷趷 lo1 jau2 gat6 gat6 解釋：形容人屁股向上翹起嘅樣子。例句：行路籮柚趷趷嘅代表係邊個？咪就係唐老鴨先生囉。 字源資料［參考］。［籮柚］又稱屁股、屎窟、籮噼，又係（碌柚）嘅諧音。。［籮］底方上圓盛物之竹器。 形較大者，音（羅）；狀較小者，音（囉）。　《玉篇》：籮，竹器也。。［趷］翹起之意。例如：趷起條尾。 扯颬 ce2 haa1扯晒颬 ce2 saai3 haa1 解釋：形容呼吸困難或哮喘時，發出嘅喘氣聲。例句：佢行咗幾十級樓梯就扯晒颬。 字源資料［參考］字源資料［參考］。［颬］字係指開口吐氣貌。　《廣韻》：颬，許加切，音煆，吐氣又風皃。。［晒］與（曬）同，異體字。　《韻會》：晒，所寄切，音躧。　《說文》：晒，暴也。。［曬］《玉篇》：暴乾物也。亦作䵘。。［䵘］《字彙》：所嫁切，沙去聲。與曬同。曰乾物也。。［㬠］《正字通》：俗曬字。 其他辭彙［參考］。扯哮 ce2 haau1 食人唔𦧲骨 sik6 jan4 m4 loe1 gwat1 解釋：形容人喪盡天良，特別指害到人家好慘嘅人。例句：你幾時學到咁食人唔𦧲骨㗎！ 字源資料［參考］［𦧲］係將口入面嘅嘢經口唇整出口外面。 吐；𦧲骨，𦧲痰《廣州話正音字典》 吐出；𦧲血《粵語同音字典》 其他辭彙［參考］。唔𦧲骨：。𦧲口水：。𦧲飯應： 腦囟未生埋 nou5 seon2 mei6 saang1 maai4 解釋：形容人好似啤啤仔咁幼稚、唔成熟嘅意思。例句：成二十歲人腦囟都未生埋，人哋講佢就信。 字源資料［參考］。［囟骨］天靈蓋。　《玉篇》：𠙷，古文囟字。。［腦囟］係啱啱出世孲𤘅子頭骨嘅兩個軟軟哋嘅地方。　《說文》：囟，頭會匘蓋也。象形。凡囟之屬皆从囟。 鬼拍後尾䪴 gwai2 paak3 hau6 mei5 zam2 解釋：形容人有事隱瞞，但一時口快而不打自招嘅意思。例句：唔應該講嘅嘢都講埋出來，呢次重唔係鬼拍後尾䪴。 字源資料［參考］。［䪴］係指頭骨後。　《廣韻》：䪴，章荏切，音枕。頭骨後。。［枕］睡臥時頭頸所墊嘅木。例如：枕木、涼枕、枕頭。　《說文》：枕，臥所以薦首者。 神推鬼㧬san4 teoi1 gwai2 ung2 / san4 teoi1 gwai2 ngung2解釋：形容好似有神鬼驅使一樣，唔自覺咁做咗原先冇想到要做嘅事。 字源資料［參考］。神推鬼擁：《博雅》：擁，推也。　　　　　　《說文》：擁，抱也。。神推鬼㧬：《說文》：㧬，擁也。　　　　　　《廣東俗語考》﹕㧬，音甕上聲。以手推門曰㧬。。神推鬼𢫨：《廣韻》：𢫨，拒也，亦作軵。　　　　《集韻》：𢫨，亦音宂，拒也。《博雅》：𢫨，推也。 其他辭彙［參考］。神差鬼使：。神差鬼遣： 虢礫緙嘞gwik1 lik1 kaak1 laa3 / kwik1 lik1 kuak1 laa3 解釋：形容有好多嘢，林林總總嘅意思；未知出處。例句：乜你間屋咁多虢礫緙嘞嘢架，好心你執執佢啦！ 字源資料［參考］《說文》：虢，虎所攫畫明文也。从虎，寽聲。《說文》：礫，小石也。从石，樂聲。 倀雞 caang4 gai1倀雞妹 caang4 gai1 mui2倀雞婆 caang4 gai1 po2 解釋：形容好惡、講嘢大聲、成日鬧人嘅女人。例句：嗰個老闆娘好鬼倀雞㗎，日日都鬧啲伙記。 其他辭彙［參考］。掁雞：。棖雞：。殘雞：。鋹雞： 一䊆雲 jat1 gau6 wan4 解釋：形容對事物表達或理解得唔清晰。例句：呢個人講嘢一嚿雲噉。／我聽到一嚿雲噉。 其他辭彙［參考］一䊆飯：［］一嚿飯：［］一丩飯：［］ 其他資料［參考］ 。䊆［gau6］　粵語同音字典（增訂本）　語詞，即嚿本字，無定形團或塊，如「䊆飯」。　據《攷正字彙》此字本音同語詞，舂糗也，即乾飯團。　詳見《廣州話本字考》 。䊆［kaau3］　《篇海》：［䊆，乾飯屑。］　《說文》：［䊆，釋之為「舂糗」。糗者，乾飯屑。］　［段玉裁注］：［米麥已熬，乃舂之而蓰之成勃，鄭所謂擣粉也，而後可以施諸餌将从将从餈。］ 葾肨爛臭 jyun1 bang1 laan6 cau3 解釋：形容有機物（食物）放得耐變質而發出嘅臭味。例句：［我今朝早打開雪櫃，聞到裡邊嚿豬肉葾肨爛臭，先至知道部雪櫃壞咗。資料：粵辭典 其他辭彙［參考］。蔫肨爛臭：。𣩙肨爛臭：。冤崩爛臭： 姣屍燉篤 haau4 si1 dan3 duk1 解釋：形容女性風騷、放蕩嘅姿態嘅意思。例句：佢成日都姣屍燉篤，向男人放電。 其他辭彙［參考］。姣屍燉篤：《粵典》。姣屍燉㞘：。姣屍扽篤：《粵辭正典》。姣屍炖篤：。姣屍躉督：。姣屍凳篤：。姣厮扽䐁：《維基辭典》。效施頓督：。姣施扽篤：。姣施躉督：。姣思撉篤：。姣思扽篤：。姣思噔督：。姣屎燉㞘： 打爛沙盤璺到㞘daa2 laan6 saa1 pun4 man6 dou3 duk1 解釋：形容人對事情窮追猛打或尋根究柢嘅意思。例句：如果唔係有人打爛沙盤璺到㞘，大家都重唔知個疑犯竟然係幫人頂罪嘅。 字源資料［參考］。［璺］字係指沙盤爛咗但未碎裂之前出現嘅裂紋。 璺字同問字係同音，因此被人引申來形容尋根究底。。［㞘］字係指底部。 其他辭彙［參考］。沙盆：［］。沙盤：［］。沙鍋：［］。砂鍋：［］。砂盤：［］ 譖氣 cam3 hei3 解釋：形容人好多嘢講、好長氣，係噉重覆，令人煩厭。例句：唔好咁譖氣啦，我知點做㗎喇。 字源資料［參考］。［譖］字有講人壞話，誣陷，中傷之義。　《玉篇》：譖，讒也。　《韻會》：譖，子念切。與僭通。不信也。 其他辭彙［參考］。譖氣：《粵典》。唚氣：《粵典》。噆氣：《粵典》。侵氣：［］。噚氣：［］。嚵氣：《廣韻》 嘥氣 saai1 hei3 解釋：形容做嚟都冇用，浪費心力，徒勞無功嘅意思。例句：講得咁清楚佢都唔明，真係嘥氣！ 其他辭彙［參考］。嘥氣：。哂氣： 其他資料［參考］。嘥咗：。嘥晒：。嘥時間：。嘥精神：。嘥心機： 晦氣 fui3 hei3 解釋：形容人倒霉神行衰運或面有病色嘅意思。例句：外面有一個晦氣色臉嘅和尚，喺前門口度鬧事。 其他辭彙［參考］。悔氣：。晦氣：。誨氣：。餯氣：。痗氣：。顪氣：。喙氣：食物腐爛發出嘅臭氣。 虓䰧 aa1 wu1 / hau1 fu1 解釋：舊時用來形容一隻會捉細孥走嘅妖怪。例句：再唔聽話嘅話，虓䰧就來捉走你㗎啦！ 字源資料［參考］。［虓］字係指老虎叫聲。　《說文》：虓，虎鳴也。一曰：師子。从虎，九聲。　《廣韻》：虓，虎聲，許交切。。［䰧］字係指鬼樣。　《說文》：䰧，鬼皃。从鬼虎聲。　《廣韻》：䰧，鬼貌，荒烏切。 其他辭彙［參考］。虓䰧。鴉烏。丫烏。吖嗚。坳胡 虓䰧婆 aa1 wu1 po2 解釋：以前用來形容一位會捉細孥走嘅妖怪女人。例句：好夜囉，唔好自己一個人走開喇。 再唔聽話走嘅，虓䰧婆就嚟㗎啦！ 字源資料［參考］。［虓䰧］音（hau1 fu1）。［虓］字係指老虎叫聲。　《說文》：虓，虎鳴也。一曰：師子。从虎，九聲。　《廣韻》：虓，虎聲，許交切。。［䰧］字係指鬼樣。　《說文》：䰧：鬼皃。从鬼虎聲。　《廣韻》：䰧，鬼貌，荒烏切。 其他辭彙［參考］。虓䰧婆：《廣東俗語考》。鴉烏婆：《粵典》。丫烏婆：［］。吖嗚婆：［］ 其他資料［參考］。坳胡：《南史》列傳三十 鴉烏婆 aa1 wu1 po2 解釋：以前用來形容一位會捉細孥走嘅醜怪女人。例句：當啲細孥百厭，佢阿媽就會嚇下佢哋，同佢講再唔聽話嘅話就會畀鴉烏捉咗。 其他辭彙［參考］。鴉烏婆：《粵典》。丫烏婆：［］。吖嗚婆：［］。虓䰧婆：《廣東俗語考》 其他資料［參考］。坳胡：《南史》列傳三十 𢳂碗湯 bat1 wun2 tong1 / fat1 wun2 tong1 / pat1 wun2 tong1 解釋：形容用殼或者匙羹撈起物件嘅意思。例句：你去廚房𢳂碗湯飲吖！ 字源資料［參考］［𢳂］字有撈起之意。《集韻》：匹蔑切，音瞥。牽也。 其他辭彙［參考］。𢳂碗飯。𢳂雪糕。𢳂嘢食 𪘲牙聳䚗 ji1 ngaa4 sung1 gong6 解釋：原意系形容人狼吞虎咽，大飲大食嘅食相。後來又引申為用來形容人諸事同誇張嘅神態。例句：睇人捉棋有條規矩就係［旁觀者，唔准𪘲牙聳䚗］；意思即係［唔准騷擾］！ 字源資料［參考］。［𪘲］字本音宜，齒露貌。　《唐韻》：楚宜切，音差。　《廣韻》：昨何切，音醝。　《說文》：齒參差。。［䚗］字从角公聲，舉角也。　《集韻》：古雙切，音江。　《說文》：舉角也。 其他辭彙［參考］。𪘲牙聳䚗。齮牙竦觥。依牙鬆鋼。依牙鬆槓。咿牙鬆弶 㤿憸 jim1 zim1 / jim1 cim1 解釋：形容人挑剔、難侍候嘅意思。例句：呢個女人好㤿憸架。資料：黃氏《粵語古趣談正續編合訂本》 字源資料［參考］。［㤿］字有挑剔之意。　《集韻》：㤿，平聲鹽韻，於監切，音懕。 㤿憸，多意氣貌。 其他辭彙［參考］。㤿憸：。腌臢：。奄尖：。淹尖： 㷫過焫雞 hing3 gwo3 naat3 gai1 解釋：焫雞本身係一種焊接用嘅架生，好高溫度嘅； 㷫杠身可以係指［熱］，亦都可以指［嬲］，用焫雞去形容㷫嘅程度，即係好嬲嘅意思。例句：佢家陣㷫過焫雞，你都係過一陣再搵佢啦。 其他辭彙［參考］。㷫過焫雞。㷫過辣雞。㷫過火屎。㷫過火爐 煎䭔 zin1 deoi1 解釋：一種用糯米粉、爆穀、瓜子、芝蔴、糖做嘅圓球形油炸食品。例句：老婆係一定要娶嘅，正所謂年晚煎䭔，人有我有啊嘛。 字源資料［參考］。［䭔］字係指大嘅餅。　《廣韻》：䭔，都回切，音磓，餠也。　《集韻》：䭔，或作𩛍𪌤䊚。　《李萼．饞語詩》：拈䭔舐指不知休。 其他辭彙［參考］。煎䊚：。煎𩛍：。煎𪌤：。煎堆： 廣東俗語［參考］。年晚煎䭔，人有我有。煎䭔碌碌，金銀滿屋 齊戢戢 cai4 cap1 cap1 解釋：形容事物整齊企理嘅意思。例句：做乜將啲留海剪到齊戢戢咁。 辭源資料［參考］唐。張籍《採蓮曲》：青房圓實齊戢戢，爭前競折蕩漾波。清。劉綸《賦得山雞舞鏡》：似擬投林齊戢戢，可能對語便闗闗。 𦧲飯應 loe1 faan6 jing3 解釋：形容條件非常有利，所以唔經考慮就即刻應承。例句：呢份工咁筍，俾我就𦧲飯應喇。 字源資料［參考］。［𦧲］字有表示吐，吐出之意。 意思係將口入面嘅嘢經口唇整出口外面。 其他辭彙［參考］。𦧲骨：《廣州話正音字典》。𦧲痰：《廣州話正音字典》。𦧲血：《粵語同音字典》 霉髧墮 mui4 dam3 doe3 解釋：形容人嘅運氣同際遇差到極嘅意思。例句：睇見佢個款咁鬼霉髧墮，就知成世無發達啦！ 字源資料［參考］。［霉］字本義為物件因霉菌作用而變質。　《說文》：同黴，從黑，微省聲。。［髧］字有指頭髮下垂嘅狀況。　《廣韻》：𠀤徒感切，音蓞。髮垂也。。［墮］字本義為向下墜落。　《廣韻》：落也。徒果切，又他果切。 鵮屎唔偷食 daam1 si2 m4 tau1 sik6 解釋：形容人老實守規矩，有挖苦成分。 原本係指狗鵮著屎而冇食到，鵮返去狗竇餵狗仔。例句：睇佢平時鵮屎唔偷食，原來都系扮出嚟嘅。 字源資料［參考］。［鵮］字本意係指禽鳥、獸類同嘴進食或搬移物件。 　《廣韻》：苦鹹切《集韻》丘咸切，音嵁。鳥啄物也。　《廣韻》：竹咸切《集韻》知咸切，音詀。義同。。［擔］字係指用肩挑負重物。　《說文》：從「手」，「詹」聲，本義為肩挑。　《正韻》：都藍切，膽平聲。與儋同。背曰負，肩曰擔。 其他辭彙［參考］。鵮屎唔偷食：係指禽鳥、獸類同嘴搬移物件。。擔屎唔偷食：係挖苦倒夜香嘅人老實可靠，佢哋喺擔屎嘅時候，係唔會去偷食嘅。。擔屍唔偷食：。儋石不偷食： 其他資料［參考］。鵮返口大雪茄：係用口咬住支雪茄。　。擔返口大雪茄：係用手指架住支雪茄。。擔凳仔霸頭位：係用手搬動凳仔；而［擔］係指用肩負重物。 光棍恩緣．初版［1952年］梁醒波擔番口大雪茄，充生晒認聲架，靠我講假話，得到 my dear，你講乜嘢架？呢啲 english 歐西化，我哋確一樂也，哈哈哈哈哈，你真正多鬼馬，唔係啩不過將嬌詐，你說得真羞家，我又要擳叩十吓...... 光棍恩緣［1953年］梁醒波擔番口大雪茄，充生曬認經理，撈世界要醒目，一於當玩把戲之嘛，著起西裝革履，成副USA歐西美，我實在無乜聲氣。時常去靠滾，完全係棍返嚟，剛啱有只大鷓鴣，肥就確係肥，今天佢仲約咗我去睇大戲。 讕醒 laan2 sing2 解釋：形容人自高自大，自以為聰明。例句：你咪咁讕醒，做完至知。 字源資料［參考］。［讕］字係指抵賴、唔承認；誣陷。　《說文》：讕，怟讕也。从言，闌聲。譋，讕或从閒。　《玉篇》：讕，誣言相加被也。 其他辭彙［參考］。讕　醒：。讕　叻：。讕有型：。讕巴閉：。讕聰明： 讕㔹 laan2 lek1 解釋：形容人自高自大，自以為有料（能力）。例句：你咪喺度讕㔹，等你做到先講啦。 字源資料［參考］。［讕］字係指抵賴、唔承認；誣陷。　《說文》：讕，怟讕也。从言，闌聲。譋，讕或从閒。　《玉篇》：讕，誣言相加被也。。［㔹］字係形容才華或者技術高過其他人。　《廣韻》：㔹，功大。勒　《說文》：㔹，材十人也。从十，力聲。　段玉裁註：十倍於人也。十人為㔹，千人為俊。　 其他辭彙［參考］。讕㔹：。讕嚦：。讕叻：。懶叻：。爛叻： 庹縮 dou6 suk1 解釋：形容一啲好會精打細算，極度縮骨嘅人。例句：呢位朋友出名庹縮，樣樣嘢都同係計到足架。 字源資料［參考］。［庹］字係指成人兩臂左右平伸時之間距離，約合五尺　《字彙補》：庹，兩腕引長謂之庹。。［庹］字又係一個比較生僻嘅姓氏。　《海篇》：音佗。姓也。　《萬姓統譜》：萬曆閒，有河南之陽衞指揮庹五常，慈州人。 其他辭彙［參考］。庹縮：。度縮：。度叔：。鐸叔： 挐掕 naa1 lang3　解釋：形容互相有關連嘅意思。例句：我同你哋原本就冇乜挐掕，唔好再嚟煩我！ 字源資料［參考］。［挐］字解作牽引。　《廣韻》：挐，平聲．魚韻，牽引。　〈送區冊序〉唐．韓愈　「有區生者，誓言相好，自南海挐舟而來。」。［拏］字解做執持，同拿。　《說文》：拏，牽引也。从手奴聲。　《漢書註》：拏，亂相持搏也。一作挐。 其他辭彙［參考］。挐掕：。拏掕：。拏褦：。啦掕：。冇挐冇掕 無拏無掕 mou4 laa1 mou4 lang3　冇拏冇掕 mou5 laa1 mou5 lang3 解釋：形容各不相干，毫無關係嘅意思。例句：我同你哋無拏無掕㗎喇，以後唔好再嚟煩我喇。 字源資料［參考］。［拏］牽引。又拘捕罪人曰拏。俗作拿。　《廣韻》：拏，奴加切，音呶。　《說文》：拏，牽引也。漢書註：亂相持搏也。一作挐。。［挐］字解作牽引。　《廣韻》：挐，平聲．魚韻，牽引。　〈送區冊序〉唐．韓愈　「有區生者，誓言相好，自南海挐舟而來。」 其他辭彙［參考］。無拏無掕。冇拏冇掕。冇啦冇掕。無挐無掕。冇挐冇掕 一抽二掕 jat1 cau1 ji6 lang3 解釋：形容拎住好多嘢，左一抽右一袋嘅意思。例句：做乜你攞到一抽二掕咁呀？快啲入嚟坐。 字源資料［參考］。［掕］字有用繩或者勾掛住；連埋一齊嘅意思。　《說文》：止馬也。或作。　《唐韻》：里甑切。　《集韻》：里孕切，陵去聲，音掕。 其他辭彙［參考］。一抽二掕。一抽二褦。冇挐冇掕 藤掕瓜瓜掕藤 tang4 ling4 gwaa1 gwaa1 ling4 tang4 解釋：形容人與人之間嘅關系互相聯系著嘅意思。由最初嘅用繩索勒馬，引申為縛住嘅意思。例句：人同人嘅關系，就好似一條藤連著個瓜、然後另一個瓜又連著同一條藤嘅互動關系，總之就係藤掕瓜瓜掕藤啦。 字源資料［參考］。［藤］係泛指匍匐莖或者係攀援莖植物，例如瓜藤，葡萄藤。　《唐韻》《正韻》：徒登切，音騰。　《說文》：藟也。今總呼草蔓延如藟者。。［掕］字嘅本意係止馬之意，即係用繩索勒馬使其停止。　《說文》：止馬也。或作。　《集韻》：里孕切，陵去聲，音掕。 其他辭彙［參考］。藤掕瓜瓜掕藤。藤㨢瓜瓜㨢藤。藤褦瓜瓜褦藤 瓜葛 gwaa1 got3 解釋：意思係比喻輾轉相繫嘅親戚關係。例句：我同呢件事冇任何瓜葛，詳細嘅情形請去問當事人。 辭源資料［參考］。［瓜葛］　《晉書．王導傳》：導嘗共悅弈棋，爭道，導笑曰： 『相與有瓜葛，那得為爾邪！』　［三國魏］曹叡〈種瓜篇〉：與君新為婚，瓜葛相結連。 轇轕 gaau1 got3 解釋：形容複雜混亂，牽扯不清嘅關係。例句：自此你我各奔前程，唔再有任何轇轕。 辭源資料［參考］。［轇轕］指雜亂之貌。　《東京賦》張衡：雲罕九斿，闟戟轇轕。　〈袁家渴記〉柳宗元：又有異卉，類合歡而蔓生，轇轕水石。。［膠葛］指交錯糾結。　《史記．司馬相如傳》：紛湛湛其差錯兮，雜遝膠葛以方馳。　《漢書．揚雄傳上》：齊總總撙撙，其相膠葛兮，猋駭雲訊，奮以方攘。 戙高床板 dung6 gou1 cong4 baan2 解釋：形容人做嘢不眠不休嘅意思。例句：後日就考試，呢兩晚真係要戙高床板嚟溫書，唔係就好易肥佬。 字源資料［參考］。［戙］字有豎起嘅意思。　《廣韻》：徒弄切，音洞。　《玉篇》：船板木也。繫船之柱亦曰戙。。［棟］字本義係屋嘅正梁。　《說文》：棟，極也。從木，東聲。 屋內至中至高之處亦曰阿，俗謂之正樑。。［幢］字古時指豎起嘅帳幕或旌旗。　《說文新附》：旌旗之屬。从巾，童聲。 其他辭彙［參考］。戙高床板。棟高床板 扚起心肝 dik1 hei2 sam1 gon1 解釋：形容人決斷而認真開始去做一啲拖咗好耐嘅事。例句：佢今年決定扚起心肝做運動減肥。 字源資料［參考］。［扚］字有拉開，手掐之意。　《集韻》：丁歷切，𠀤音的。引也。　　《字彙》：丁歷切，音的，引也；又，手掐。　《說文》：疾擊也。从手，勺聲。 牙詀詀 ngaa4 zaam5 zaam5 解釋：形容人講嘢好叻，有駁口駁舌，包頂頸嘅意思。例句：衰仔，咁識得牙詀詀，第樣又唔見你咁叻？ 字源資料［參考］。［詀］字係形容人說話多。　《玉篇》：詀，多言。　《廣韻》：詀，諵語聲。 嘴藐藐 zeoi2 miu2 miu2 解釋：形容人多管閒事，態度煩擾嘅意思。例句：你個樣成日嘴藐藐，好似想撩人打交咁。 字源資料［參考］。［藐］貌聲，表示幼小、弱小。 行路打倒褪 haang4 lou6 daa2 dou3 tan3 解釋：形容人行起路來，會唔不由自主咁變成向後退。例句：褪車時，一定要睇後鏡！資料：粵語詞彙研究所 字源資料［參考］。［褪］字有退後，倒後行嘅意思。　宋《泛舟阻風》：十篙八九褪，逆劫何乃爾。　元《瀟湘雨》：待趨前，還後褪，我則索慌忙施禮半含羞。 噒骨 leon1 gwat1 解釋：形容用口吸或啃乾淨骨頭周圍啲肉嘅意思。例句：我成世人最討厭噒骨！資料：現代標準漢語與粵語對照資料庫 字源資料［參考］。［噒］字係指啃骨頭。　《廣州話方言詞典》。［噒］古時意思係（舌單）「言不正」。　《集韻》﹕噒﹐靈年切，音蓮。與（舌單）同。 其他辭彙［參考］。噒骨頭：。吮骨頭：。嘬骨頭： 細孥 sai3 lou6 解釋：係指家庭內年紀細小嘅子女，兒童，小孩等嘅意思。例句：細孥仔放咗學就唔好周街蒲，返屋企做功課啦！ 字源資料［參考］［孥 nou4］字係指子女，亦指妻子同兒女之意。《玉篇》：孥，子也。 餖飣 dau6 ding3　豆釘 dau6 ding3 / dau6 deng1 解釋：形容堆疊嘅食品蔬果。又比喻文章羅列堆砌詞藻。例句：將食品堆疊喺盤入面就叫餖飣，例如［餖飣魚菜贍］。 辭源資料［參考］。［餖飣］係指堆疊或堆積食品之意。　〈好事近．今歲度元宵〉宋．郭應祥： 客來草草辦杯盤，餖飣雜蔬果 。　〈慶清朝慢．調雨為酥〉宋．王觀： 晴則個，陰則個，餖飣得天氣，有許多般。　《桃花扇．凡例》清．孔尚任： 詞中所用典故，信手拈來，不露餖飣堆砌之痕。。［豆釘］係形容身材矮細嘅細孥。 其他辭彙［參考］。餖飣：堆疊嘅食品蔬果。。鬥飣：同餖飣，堆積食品蔬果。。豆釘：指身材矮細嘅細孥。 攴攴齋 bok1 bok1 zaai1 解釋：係指舊時私塾，先生用戒尺攴學生個頭以示警戒。例句：原來攴係戒尺，攴又指輕敲，而齋就解私塾，明嘞。 字原資料［參考］。［攴］字係指輕輕擊打，古時同撲，戒尺。　《說文》：攴，小擊也。　《集韻》：匹角切，音璞。本作。楚也。或作撲扑。。［卜］字係形容連續不斷嘅響聲。 例如：卜卜（啄木聲音）；卜通（象聲詞）。。［扑］同撲，即係擊打。　《淮南子·說林》：蔭不祥之木，為雷電所撲。　《說文》：撲，挨也。。［㩧］字係拍用棍敲打，例如：㩧穿個頭。 辭源資料［參考］。攴攴齋：。卜卜齋：。扑扑齋：。㩧㩧齋：［廣州話方言字字典］ 䁽下眼 laap3 haa5 ngaan5 解釋：形容好快咁望下，冇詳細咁睇。例句：佢䁽一下眼就知道邊個唔係好人。 字源資料［參考］。［䁽］　《集韻》：力涉切，𠀤音獵。　《玉篇》：目暗也。　《類篇》：病視也。 其他辭彙［參考］。䁽一眼。䁽一䁽。䁽下眼。䁽過下 嗍氣 sok3 hei3 解釋：形容人氣喘吁吁，用力吸氣嘅意思。例句：行幾級樓梯就嗍氣，依家啲後生真係差咗啲。 字源資料［參考］。［嗍］字係指吮吸之意。。［嗍氣］就係用力吸氣嘅意思。 餛飩 wan4 tan1 解釋：用麪皮包住菜、肉、蝦等餡料嘅嘢食。例句：有朋友嚟香港，唯一會點名要食嘅就係餛飩麪。 辭源資料［參考］。［餛飩］一種麪粉做成薄皮，內包肉餡之食品。　《廣韻》：餛，戸昆切，𠀤音魂，餛飩。　《玉篇》：飩，餛飩也。　《正字通》：餛飩卽餃餌別名，俗屑米麫爲末，空中裹餡。　《南粵志》：閩人十月一日作京飩，祀祖告冬。　《食物志》：餛飩，或作餫飩。 「餛飩」因為同音，被民間寫為「雲吞」；「雲吞」亦被視為正字，呢件事係始於廣東知名狀師［何淡如］嘅一則無情對對聯：「有酒何妨邀月飲，無錢那得食雲吞」。 其他辭彙［參考］。餛飩麪／雲吞麪　用餛飩同蛋麪煮成嘅嘢食；　通常用大地魚做湯底，加韭黄同少少醋嚟調味。　 其他資料［參考］。細蓉：一個一両重嘅乾麪餅，配四粒餛飩。中蓉：。大蓉： 㿺㿭 baau3 caak3 解釋：皮膚因爲天氣乾燥而裂開，甩皮、甚至會流血。例句：嘩，你隻手㿺㿭得好勁，快啲搽啲膏啦。 字源資料［參考］。［㿺］字係指表皮凸起。　《玉篇》：㿺，步角切，音雹。肉膭起也。。［㿭］字係指皮膚皸裂。　《集韻》：㿭，恥格切，音坼。皴㿭也。 其他辭彙［參考］。㿺㿭。爆擦。爆拆。爆坼。𦢊坼 搞軭晒 gaau2 waang1 saai3 解釋：形容人將事情攪壞嘅意思。例句：重偷拍？成個電影業俾你搞軭晒！ 字源資料［參考］。［軭］字係指車輪扭曲。　《說文》：軭，車戾也。戾者、曲也。 其他辭彙［參考］。搞軭晒。搞禍晒。搞壞晒。搞衰晒。搞掂晒 窵腳 diu3 goek3 解釋：形容路途遠，唔方便嘅意思。例句：嘩，呢處好窵腳喎，要過來交通極唔方便。 字源資料［參考］。［窵］窵遠，指距離遙遠。　《集韻》：窵，多嘯切，音弔。　《說文》：窵，窅深也。 其他辭彙［參考］。窵腳：。吊腳： 霅爧 sip3 leng5 解釋：係廣府話對閃電嘅舊稱，通常同埋行雷一齊用。例句：嘩，今日個天又行雷又霅爧，都係唔好出街囉。 字源資料［參考］。［霅］霅霅，係指雷電交加。　《說文》：霅，霅霅，震電貌。。［爧］字係形容火光。　《廣韻》：爧，火光貌。 𥹉懦 nap6 no6 解釋：形容人做嘢慢吞吞、唔夠快脆嘅意思。例句：你做人真𥹉懦，樣樣都慢人幾拍嘅。 字源資料［參考］。［𥹉］字形容黏住，𥹉黐黐；又指行動遲慢「𥹉懦」。　《集韻》：𥹉，昵洽切，黏也。 其他辭彙［參考］。𥹉懦：。𥹉糯： 蛋𪏙 daan2 wong2 / daan6 wong2 解釋：係指蛋殼入面被蛋清圍著嘅蛋𪏙。例句： 字源資料［參考］。［𪏙］蛋入面俾蛋白包住嘅黃色部份。　《集韻》：𪏙，胡光切，音黃。卵中黃。 其他辭彙［參考］。蛋殼。蛋膜（卵膜）。蛋白（蛋清）。蛋黃（一般指蛋內嘅黃色液體） 𩥇床𩥇蓆 din2 cong4 din2 zik6 解釋：形容人喺床上面捵來捵去，貌好辛苦咁嘅樣。例句：你成晚𩥇床𩥇蓆，係咪辛苦到瞓唔著？ 字源資料［參考］。［𩥇］字原本係指馬喺泥土裡面翻滾； 後來引申指其他動物喺地上翻滾； 再後來又引申到指人喺床下面翻滾。　《廣韻》：𩥇，𠀤陟扇切，展去聲。馬土浴也。　《玉篇》：𩥇，馬轉臥土中。。［蓆］用竹片、草莖等編成嘅墊。通［席］。　《詩經．鄭風．緇衣》：緇衣之蓆兮，敝，予又改作兮。 其他辭彙［參考］。𩥇床𩥇蓆：捵來捵去，好辛苦貌。。捵床捵席：翻來滾去，辛苦貌。。輾轉反側：翻來覆去，瞓唔著。 《詩．周南．關雎》 參差荇菜，左右流之。窈窕淑女，寤寐求之。 求之不得，寤寐思服。悠哉悠哉，輾轉反側。 《經典釋文》輾，本亦作［展］。。展轉反側：《說文》展，轉也。从尸，𧝑省聲。 𥄎眉𥄎眼 cik1 mei4 cik1 ngaan5 解釋：形容人快速上下移動眼角來發出暗號。例句：今日打麻雀嗰陣，阿昌同阿祥兩條友猛咁喺道𥄎眉𥄎眼，唔知係唔係有蠱惑。 字源資料［參考］。［𥄎］　《說文》：𥄎，舉目使之也。从攴从目。　《廣韻》：𥄎：舉目使人。　《類篇》：𥄎，目小動也。 其他辭彙［參考］。𥄎眉𥄎眼：。戚眉戚眼：。嘁眉嘁眼： 𧽽瘦 liu1 sau3 解釋：最初係形容人腳長，後來引申指人肢體或身軀瘦。例句：佢個人好𧽽瘦。 字源資料［參考］。［𧽽］　《玉篇》：𧽽，落迢切，音遼。脚長貌。 其他辭彙［參考］。𧽽瘦：。撩瘦：。嫋瘦： 瘦𩖊𩖊 sau3 ling2 ling2 / sau3 maang5 maang5 解釋：形容人或動物好瘦嘅意思。例句： 字源資料［參考］。［𩖊］字係指人面瘦淺之意。　《說文》：𩖊，面瘦淺𩖊𩖊也。从頁，霝聲。　《廣韻》：𩖊，音靈，瘦也。　《集韻》：𩖊，郞丁切，音靈。 其他資料［參考］。瘦𩖊𩖊：《廣州語本字》（音：瘦猛猛） 嫋嫋瘦瘦 liu1 liu1 sau3 sau3 解釋：形容身材細細長長/瘦瘦長長嘅意思。例句：個女仔嘅身材生得好嫋嫋瘦瘦。資料：現代標準漢語與粵語對照資料庫 字源資料［參考］。［嫋］嬌柔美好，細細長長。　《廣韻》：嫋，奴鳥切，長弱貌。　《說文》：嫋，㚩也。从女从弱，奴鳥切。　《史記．司馬相如傳》：柔橈嬛嬛，嫵媚姌嫋。通裊。 其他辭彙［參考］。嫋嫋瘦瘦：。𧽽𧽽瘦瘦：。撩撩瘦瘦：。裊裊瘦瘦： 罨耷 ap1 dap1 / ngap1 dap1 解釋：形容地方簡陋、污糟邋遢、霉霉哋嘅意思。例句：嗰間餐廳好罨耷，我唔敢入去食飯，驚食咗肚痛。 字源資料［參考］。［罨］字嘅本義係捕魚或捕鳥用嘅網； 引申為覆蓋、敷﹐例如罨芽菜。 中醫亦有所謂熱罨法同冷罨法。　《廣韻》：罨，於檢切，音奄，鳥網。　《說文》：罨，罕也。《玉篇》：罨，以罔魚也。　《左思．蜀都賦》：罨翡翠，釣鰋鮋。　《徐霞客遊記．滇遊日記八》：峽中西望，重峰罨映。 其他辭彙［參考］。罨耷。罨汁。罨庢 饕餮 tou1 tit3 解釋：指傳說中象徵貪婪嘅凶獸，亦係青銅器上面嘅紋飾。例句： 字源資料［參考］。［饕］字亦作叨、𧈐，從貪之義，又引申指饞嘴。　《說文》：饕，貪也。從食號聲。叨，饕或從口刀聲。𧈐，籒文饕從號省。　《廣雅疏證》：貪財、貪食，總謂之饕餮。　《呂氏春秋．先識覽》：周鼎著饕餮，有首無身，食人未咽，害及其身，以言報更也。　《左傳﹒文公十八年》：天下之民以比三凶，謂之饕餮。 箍煲 ku1 bou1 解釋：用鐵線將爛砂煲箍住整好，引申指救返破裂嘅關係。例句：佢激嬲咗女朋友，依家喺度煩緊點箍煲。 字源資料［參考］。［箍］字係指用竹篾或金屬條束緊，用繩帶之類勒住。 又指束緊物體嘅環狀物。例如：頭箍、髮箍、金箍。　《集韻》：箍，攻乎切，音孤。以篾束物也。 其他資料［參考］。［箛］gu1 / ku1；竹名，樂器。　《說文》：箛，吹鞭也。从竹，孤聲。〔古乎切〕　《廣韻》：箛，古胡。 贔屭 bei6 hei3 解釋：古代傳說中一種形似大海龜嘅神獸，常見於馱碑。例句： 辭源資料［參考］。［贔屭］係舊時碑下所刻嘅仙龜，又指作力之貌。　《張衡．西京賦》：巨靈贔屭，高掌遠蹠。　《左思．吳都賦》：巨鼇贔負，首冠靈山。　《王安石．同王浚賢良賦龜》：北歸與俱度大庾，兩夫贔屭苦不勝。 字源資料［參考］。［贔］贔𠩠，作力之貌。　《廣韻》：贔，平秘切，𠀤音備。贔屓壯士作力皃。。［屭］贔屭，作力之貌。　《廣韻》：屭，虛器切，𠀤音戲。 其他資料［參考］。龍生九子，出自明朝對古代傳說嘅創作，有幾個版本。 　楊　慎《升庵外集》　贔屭、螭吻、蒲牢、憲章、饕餮、蚣蝮、睚眥、狻猊、椒圖 　李東陽《懷麓堂集》：　囚牛、睚眥、嘲風、蒲牢、狻猊、贔屓、狴犴、負屭、螭吻 　其　他：　螭首、麒麟、蹬龍、貔貅、龍馬、虭蛥、鰲魚、獸𧉚、金吾、　金猊、螭虎、𧖣𧊲、憲章、徙牢、蟋蜴、蚵蛉、望天吼 蛋饊 daan6 saan2 解釋：用麪粉雞蛋同豬油整成嘅油炸食品。例句：食蛇羹一定要落蛋饊先正㗎！ 字源資料［參考］。［饊］　《廣韻》饊，蘇旱切，飯也。　《集韻》饊，顙旱切，𠀤音散。　《說文》饊，熬稻粻䊗也。。［散］　《廣韻》：散，散誕。　《說文》：散，作𢽳分離也，又作𢿱雜肉也。 其他辭彙［參考］。蛋散：形容冇用嘅人，唔係主角，係二打六嘅角色。。彈散： 捩棄 le2 he3 / ne2 he3 解釋：形容人做事得過且過，一塌糊塗嘅意思。例句：佢份人好捩棄嘅，唔使搵佢幫手嘞！ 字源資料［參考］。［棄］指求其，唔認真，馬虎，得過且過； 多數係用嚟形容人敷衍同懶散。　《說文》：棄，捐也。从廾推𠦒棄之，从𠫓。𠫓，逆子也。 其他資料［參考］。棄日：耗費時日，虛度光陰。《漢書．司馬相如傳》：嗟乎，此大奢侈！朕以覽聽餘閑，無事棄日。 䂻爆 zaang6 baau3 解釋：形容塞太多嘢入某個有限嘅空間。例句：啲銀仔太多啦，䂻爆咗我個褲袋。 字源資料［參考］。［䂻］　《廣韻》：䂻，塞也。　《集韻》：䂻，𠀤除更切，棖去聲。磨也。 其他辭彙［參考］。䂻爆：。𢹑爆：《集韻》𢹑，豬孟切。與幀同。 《文字指歸》𢹑，開張畫繪也。本作㡧。。掙爆：《集韻》掙，初耕切，音鐺。同撐。 唔䎺 m4 zai3 / ng4 zai3 解釋：即係表示唔肯，唔同意嘅意思。例句：人哋都唔䎺，你就唔好逼人啦。 字源資料［參考］。［䎺］：　《集韻》：䎺，征例切，音制。聞也。或作𦕶。　《玉篇》：䎺，入意也。 其他辭彙［參考］。咪䎺：

粵語識字（二 ）

戒烟如你

粵語識字（二）