粵語識字（一）

戒烟如你

齮齕 gi1 gat6齮齮齕齕 gi1 gi1 gat6 gat6 / gi4 gi1 gat6 gat6 解釋：形容對人諸多批評，凡事頂嘴，諸多不滿嘅意思。例句：煮咗俾你就食啦，咁多齮齕！ 你有料到咪上囉，係度齮齮齕齕冇用架。 字源資料［參考］［齮齕］意思為側齒咬噬；形容咬牙切齒嘅場面；毀壞、毀傷。《史記．卷九四．田儋傳》中道： 且秦復得志於天下，則齮齕用事者墳墓矣。 ［齮齕］原意係指毀壞、毀傷，後嚟引申變成阻頭阻勢。《龔自珍．題王子梅盜詩圖》：室家何搶攘，朝士亦齮齕。 捩咁棄 ne2 gam3 he3 解釋：形容人做事得過且過，一塌糊塗嘅意思。（未知出處）例句：佢份人捩咁棄，唔好搵佢一組啦！ 䒐䒏 mang4 zang2䒐䒐䒏䒏 mang4 mang4 zang2 zang2 解釋：形容人神色煩悶，心情欠佳，情緒不安嘅意思。例句：睇佢個樣咁䒐䒏，梗係俾老細照完肺啦！ 佢成日都咁䒐䒐䒏䒏，梗係俾男朋友激親頂嘞！ 字源資料［參考］《類篇》：母亙切，音孟。䒐䒏，色惡。《廣韻》：武登切。《集韻》：彌登切，𠀤音萌。《集韻》：䒏，思登切，音僧。䒐䒏，神不爽也。 其他辭彙［參考］。忟憎：。䁅盯：。懞掙：。毷氉：。憫憎：。𤷪𤺧：。𢛴憎：。蠻倀：。眊矂： 岩巉 ngaam4 caam4岩岩巉巉 ngaam4 ngaam4 caam4 caam4 解釋：形容物件凹凸不平、唔整齊、唔完善嘅意思。例句：唔得喎，份嘢咁岩巉，我點交畀老細啊！ 你份文件搞到岩岩巉巉咁，點交得畀個客架！ 字源資料［參考］。［巉］字原指係山势高峻，山峰峻峭。　《徐霞客遊記》：循溪行山下，一帶峭壁巉崖。。［巖巉］指物件凹凹凸凸，高低不平，唔整齊之意。　《太平御覽》卷四十一·地部·廬山： 山北有五老峰，於廬山最為峻極，橫隱蒼穹，積石巖巉。。［儳巖］參差不齊。　《左傳》僖公二十二年：聲盛致志，鼓儳可也。 晉·杜預註：儳巖，未整陳。 其他辭彙［參考］巖巉：（同岩巉）。巖巖巉巉： 掗拃 ngaa6 zaa6掗掗拃拃 ngaa6 ngaa6 zaa6 zaa6 解釋：形容人張大手腳、佔用好多空間、礙事嘅意思。又引申為〔霸道〕嘅含意。例句：你借過啦，又唔喺唔知自己掗拃！ 呢個桶放喺度掗掗拃拃，阻住晒啲地方！ 字源資料［參考］《廣東俗語考》釋地理篇錄：［阻止去路曰乍。］《說文》：［掗，跨步也。］ 其他辭彙［參考］𦜖膪：義為肥胖或者佔地方，再引伸為霸道。《玉篇》：肉部「𦜖」；烏價切，膪，肥也。 又「膪」；陟嫁切，𦜖膪。齖齰：意指牙齒不齊合。 詐型 zaa3 jing4詐嗮型 zaa3 saai3 jing4 解釋：形容人畀面色其他人睇嘅意思。例句：唔得！老虎乸詐嗮型，我要即刻返屋企氹番佢，唔係又要發爛渣啦！ ［詐型］係一種隱誨表達唔滿嘅講法，可以視乎情境、程度，講成［埋怨］、［畀面色人睇］、［發脾氣］、［發爛渣］等意思。 ［詐嗮型］就係由畀面色人睇升級變成對人［黑口黑面］。 空豂豂 hung1 liu1 liu1 / hung1 liu4 liu4 解釋：形容物件內空空如也、一無所有嘅意思。例句：今朝買件豬柳蛋，打開包裝紙，空豂豂得返兩塊麵包皮，點解要咁對我！ 字源資料［參考］［豂］原意係形容空曠深嘅山谷。　《說文》：豂，空谷也。 滑捋捋 waat6 lyut3 lyut3 解釋：形容物件光滑、順滑嘅意思。例句：舊番梘滑捋捋，跌咗落地好難執啊！ 字源資料［參考］［捋］字係形容順著物件撫摩或拿捏嘅動作，例如捋鬍鬚。《說文》：捋，取易也。 其他辭彙［參考］滑捋捋：滑嫩嫩：滑劣劣： 毛鬙鬙 mou4 sang4 sang4 解釋：形容動物或物件上啲毛又長又密嘅意思。例句：嘩條毛毛蟲，成身毛鬙鬙，睇到都驚。 字源資料［參考］［鬙］字取自［鬅鬙］一詞。 係形容頭髮散亂嘅樣。 香馩馩 hoeng1 pan3 pan3 / hoeng1 ban1 ban1 解釋：形容有香氣冒出、香氣四溢嘅意思。例句：係囉～日日洗頭，依家咪香馩馩冇人嫌你臭囉！ 臭肨肨 cau3 bang1 bang1 解釋：形容動物或物件發出異味、臭氣昏天嘅意思。例句：你幾多日冇洗頭？一痴埋嚟成個人臭肨肨！ 字源資料［參考］［肨］字原本係［月夆］或［胮］，有腫脹之意。［肨］字又衍生出臭嘅意思，例如：蔫肨爛臭。《廣韻．絳韻》：月夆，脹臭貌。 脹畐畐 zoeng3 buk1 buk1 解釋：形容物件膨脹到成個鼓咁嘅意思。例句：明明前日出完糧銀包脹畐畐，點解依家得返啲碎銀..］ 字源資料［參考］［畐］字形容填滿、逼滿嘅狀態。　《說文》：畐，滿也。 眼瞏瞏 ngaan5 king4 king4 解釋：形容人受驚或受挫而變得目瞪口呆嘅表情。例句：撞鬼嚟呀？做咩眼瞏瞏發哂呆咁嘅？ 字源資料［參考］［瞏］字係形容人受驚而睜大雙眼嘅樣。《說文》：瞏，目驚視也。 硬弸弸 ngaang6 bang1 bang1 解釋：形容人緊張僵硬嘅狀態，或人性格倔強、唔識得變通。例句：規距係死嘅，人就生嘅，做人唔好咁硬弸弸，要靈活變通吓。 字源資料［參考］［弸］字係形容拉開弓弦時其繃緊嘅狀態。《說文》：弸，弓彊貌。 擏錫 geng4 sek3 解釋：形容人對事物有珍惜、重視嘅意思。例句：擏錫住用啊！部新電話好貴架！ 字源資料［參考］［擏］字原指有約束自己行動或動作之意。　［錫］字古代時亦做［睗］、［賜］之用。《尚書．洪範》：［天錫禹洪範九範］。《詩．簡兮》：［公言錫爵］［錫］字又指金屬，為冶鍊青銅主要原料之一。《說文》：銀鉛之間也，從金，易聲。 擏惜 geng6 sek3 解釋：形容小心、愛惜處置使用物件嘅意思。例句：阿嫲好擏惜呢張酸枝枱嘅。 陰騭 jam1 zat1 解釋：形容人行為缺德、冇良心嘅意思。例句：呢個人實喺做得陰騭嘢多，搞到而家咁嘅下場。 字源資料［參考］［陰］係指暗中、唔顯露；［騭］係指安定。［陰騭］原意係指陰德。廣東俗語就相反，係指缺德。《書經·洪範》曰：惟天陰騭下民，相協厥居。 戽被 fu3 pei5 解釋：形容人用腳蹬開被［棉被］嘅意思。例句：做咩尋日唔開冷氣瞓啊？你戽哂被啦！戽，出自［戽斗］，係農民用嚟引水灌溉田地嘅斗形用具。而用手猛力向外撥嘅動作稱為［戽水］。 佗佻 taa1 tiu4佗佗佻佻 taa1 taa1 tiu4 tiu4 解釋：形容人從容不迫、輕鬆悠閒嘅意思。例句：我都好想好似佢咁佗佻，攤喺度煲劇。 字源資料［參考］［佗佻］就有從容、輕松之意。［佗佗］音移移，解做雍容自得之意。《詩經·君子偕老》：委委佗佗，如山如河。［佻佻］獨行之樣子。《詩經·小雅．大東》：佻佻公子，行彼周行。 老悈悈 lou5 nget3 nget3 解釋：形容人年紀大行動又緩慢嘅意思。例句：有時睇到啲老悈悈既公公婆婆，七十幾歲人係街執紙皮，真係好心悒！ 字源資料［參考］《廣州語本字》卷五：老悈悈：悈者，老也。悈悈者，重言之以形容其老也。 㧻魁 duk1 fui1 解釋：形容暗中㧻出指證罪魁禍首，有告密、［㧻背脊］嘅意思。例句：呀邊個邊個又㧻魁，話嗰日單嘢係佢做㗎！ 篤灰 duk1 fui1另外，又有人話［篤灰］呢句嘢係來自黑社會，黑道人士會叫白粉做［灰］，所謂［跳灰］就解運毒［走粉］，聞說以前黑社會人士會先畀少少錢去引誘一啲後生仔去帶些少粉入境，但同時又會向海關［篤］出呢個後生仔身上有毒品［灰］，當海關人員集中搜查呢個後生仔時，身上帶有大量毒品嘅人就可以成功入境，呢重行為就稱為［篤灰］。 字源資料［參考］［㧻］字表示擊、推之意；亦有指出嘅意思。［魁］字其中一個解釋為首領，領頭人嘅意思。《漢書・游俠傳》：諸公之間陳遵為雄，閭里之俠原涉為魁。 大穮禾 daai6 pau1 wo4 解釋：形容人或事物達唔到期望嘅意思。又引申為指喜歡吹牛同講大話嘅人。例句：美國大學畢業生寫篇英文稿咁多語法錯誤？你正一大穮禾來嘅。 字源資料［參考］［穮］原本指睇起身好大棵，但係結唔出太多米嘅禾。《集韻》：穮，禾虛貌。 奢大奅 ce1 daai6 paau3 解釋：形容人行為喜歡吹噓、浮誇嘅意思。例句：佢成日就係識奢大奅，有事搵佢就乜都搞唔掂！ 字源資料［參考］《說文》：奢，張也。奢字本義係誇張、吹噓。《說文》：奅，大也。《正字通大部》：大言冒人曰奅。 大奅當然就係講大話。 心悒 sam1 ngap1 / sam1 jap1 解釋：形容人內心不安嘅意思。例句：隻貓咪之前原來俾人虐待過，聽到都心悒。 字源資料［參考］《大戴禮記．曾子立事》：君子終身守此悒悒。 娿哿 o1 go6 / ngo1 go6娿娿哿哿 o1 o1 go6 go6 / ngo1 ngo1 go6 go6 解釋：形容人姿姿整整、三心兩意、猶豫不決嘅意思。例句：三姨真係娿哿，出門口時總係要搞多幾個字至行得！ 快啲啦，重喺度娿娿哿哿未行得，我哋遲大到啦！ 字源資料［參考］《正韻》：娿，於何切，音阿。媕娿，不決也。《韻會》：娿，倚可切，音㫊。娿娜，弱態貌。亦姓。《說文》：哿，可也。《左傳》昭公八年：哿矣能言，巧言如流。 㪐㩿 laak1 kaak1㪐㪐㩿㩿 laak1 laak1 kaak1 kaak1 解釋：形容人講嘢斷續、唔順暢、含糊不清嘅意思。例句：望住嚟讀都讀到咁㪐㩿，重學人參加朗誦喎！ 呢位兄台講嘢咁㪐㪐㩿㩿，都唔知佢講乜！ 字源資料［參考］［㪐㩿］原本解做唔穩或唔平滑之意， 後來引伸為形容說話結結巴巴、含糊不清。《玉篇．⽁部》：㪐㩿，不滑利。《廣韻．沒部》：㪐㩿，不穩、不利。《類篇．⽁部》：㪐㩿，不滑利或物不安貌。 躘蹱 leon6 zeon6躘躘蹱蹱 leon6 leon6 zeon6 zeon6 解釋：形容人笨手笨腳、行動不便嘅意思。例句：又跌損個膝頭哥咁躘蹱呀！ 叫咗你慢慢行唔好跑，講極都唔聽！ 字源資料［參考］。［躘蹱］原本係形容例如細路仔學行路踉蹌欲跌嘅樣，後來又引伸出唔方便、麻煩等意思。　《玉篇》：躘蹱，小兒行貌。 其他辭彙［參考］論盡：《粵典》吝盡：《粵典》遴迍：《粵語俗字考》：［音吝屯。］龍鐘：《邛竹杖賦》北周．庾信：［霜風色古，露染斑深。每與龍鐘之族，幽翳沉沉。］ 靡摩 mi1 mo1靡靡摩摩 mi1 mi1 mo1 mo1 解釋：形容人行動慢吞吞、磨磨蹭蹭、慢條斯理嘅意思。例句：做少少嘢都咁靡摩，快啲做哂啲暑期作業咪可以玩囉！成日都要我咁勞氣！ 字源資料［參考］［靡］字有緩慢嘅意思，而［靡靡］就係指腳步遲緩。［摩］字古通［磨］，有消磨時間、拖拉、拖延之意。《詩·王風·黍離》一句：行邁靡靡，中心搖搖… 童謠：靡靡摩摩摩洛哥，行去非洲搵表哥。 冚唪唥 ham6 baang6 laang6 解釋：表示全部所有、統統嘅意思。例句：冚唪唥咪郁，雙手舉高趴埋牆！ 其他辭彙［參考］。冚唪唥：。冚嘭唥：。冚𠾴唥：。冚辦爛：。陷辦難：。咸辦難：。咸不論：。咸不剌：。闔不剌： 其他資料［參考］冚唪唥，又寫［咸不剌］、［闔不剌］，意思係「全部、冇例外」咁解。根據國學大師饒宗頤嘅考證，［冚唪唥］係古代波斯話，係由拜火教教徒喺唐代嗰陣傳入嘅。不過，又有一啲學者就有好多唔同嘅睇法，認為可能係洋涇濱英語、蒙古話、吳語、官話，或者土著底層詞、粵語本源詞等，各有各講。 輘輷 ging2 gwang2 解釋：形容事情曖昧或不可告人嘅意思。例句：靜靜雞喺度咬耳仔！你哋究竟有咩輘輷？ 字源資料［參考］［輘輷］本義係古代用來形容馬車路過嘅隆隆巨響，之後又引申為現代嘅［有事發生，秘不可宣］嘅事。《文選．洞簫賦》王褒：故其武聲，則若雷霆輘輷。 李善注：輘輷，大聲也。 其他辭彙［參考］輘輷聲：形容馬車路過嘅聲音。有輘輷：有不可告人嘅秘密。］ 旮旯 kaa1 laa1 解釋：形容一個偏遠、隔涉、荒蕪，冇人去嘅地方。例句：我住唔慣啲山旮旯地方啊，又遠又隔涉。 辭源資料［參考］。［旮旯］意思係（角落）；指狹窄偏僻嘅地方。係東北話詞語。 晉語音（卡啦）；同東北話講（旮旯）嘅發音好接近。 粵音有（哥囉）；意思正係指（角落）。 其他辭彙［參考］。山旮旯：意思係［山邊角落］。。旮旯兒：意思即係［角落頭］。 補充資料［參考］旮旯（卡啦），係一個東北話嘅常見詞語；呢個詞出現時間其實唔長，要去到清代先出現。。清朝．文康《兒女英雄傳》第二七回：解扣鬆裙，在炕旮旯裏換上。 山旮旯 saan1 kaa1 laa1山角落 saan1 gok3 lok1 解釋：形容一個地方偏遠、隔涉、荒蕪；冇人去嘅山邊角落。例句：我住唔慣啲山旮旯地方啊，又遠又多蚊，都係住市區好啲。資料：粵典 words.hk 辭源資料［參考］［旮旯］意思係（角落）；又指狹窄偏僻嘅地方。係東北話常見語詞。 晉語音（卡啦）；同東北話講（旮旯）嘅發音好接近。 粵音有（哥囉）；意思正係指（角落）。［角落］粵語讀（gok3 lok1）；主要意思係相交兩墙形成嘅内角。 其他辭彙［參考］角落頭：gok3 lok1 tau2 與東北話［旮旯兒 kaa1 laa1］同義。 《禮記．檀弓下》： 公室視豐碑。鄭玄注：形如石碑，於槨前後四角樹之。 唐孔穎達疏：謂槨前後及兩旁樹之，角落相望，故云四角。 補充資料［參考］旮旯 kaa1 laa1，呢個詞出現時間其實唔長，要去到清代先出現。清朝．文康《兒女英雄傳》第二七回：解扣鬆裙，在炕旮旯裏換上。 發怐愗 faat6 ngau6 dau6 解釋：形容人呆頭呆腦、懵懵懂懂、冇乜神采嘅樣貌。例句：你次次開會都發怐愗，老闆當然睇你唔順眼。 字源資料［參考］［怐愗］本意係形容人愚昧無知。 之後引申為意指發呆、放空之意。《玉篇》：怐愗，愚貌。 怐愗 ngau6 dau6怐怐愗愗 ngau6 ngau6 dau6 dau6 解釋：形容人愚昧無知。後引申為指發呆、放空之意。例句：次次見到佢都係怐怐愗愗咁，佢係咪有病呀？ 字源資料［參考］《玉篇》：怐愗，愚貌。《楚辭》九辯。戰國·宋玉：然潢洋而不遇兮，直怐愗而自苦。《南山》唐·韓愈：茫如試矯首，堛塞生怐愗。 發噏瘋 faat3 ngap1 fung1 解釋：形容某啲說話完全係違反常理嘅意思。例句：黎彼得首《一水隔天涯》入面句（妹愛哥情重），呢句話真係發噏瘋。 踎墩 mau1 deon1 解釋：係指人失業、無工開嘅意思。例句：又講錯嘢得罪咗老細？你今次等踎墩都得囉。［踎墩］原本係對等嘢做嘅搬運苦力嘅稱呼。喺早期香港，失業嘅男人會聚喺碼頭，又踎喺縛船纜嘅矮柱上面等工頭請佢哋開工，所以就稱呢班等嘢做嘅苦力為［踎墩］。後來［踎墩］又引伸為形容失業嘅情況。 眼眢 ngaan5 jyun1 解釋：形容對人或事物睇唔順眼、討厭、反感嘅意思。例句：啲情侶當街當巷攬攬錫錫，見到就眼眢。 字源資料［參考］［眢］本意係指眼睛枯陷失明或乾枯。《說文》：眢，目無明也。［眼眢］意思係睇到討厭嘅嘢時如同傷害自己嘅眼睛。 打甂爐 daa2 bin1 lou4 解釋：意思係將生肉、蔬菜放入涫水裡面，即煮即食。例句：打甂爐要打得過癮，咩嘢最緊要呀？喺個爐要安全呀！ 字源資料［參考］［甂］字係指鍋口闊大嘅瓦盆仔，係盛食物嘅器皿。《說文》：似小瓿。大口而卑。用食。从瓦扁聲。《廣韻》：下平聲，先，邊；小盆。·《玉篇》：小盆，大口而卑下。［邊］字係指事物地嘅邊緣界限。例如：遠在天邊，近在眼前。《登高》［唐．杜甫］：無邊落木蕭蕭下，不盡長江袞袞來。 辭源資料［參考］打邊爐：《廣東新語》［清．屈大均］：冬至圍爐而食，曰打邊爐。《清稗類鈔》［清．徐珂］： 廣州冬日，酒樓有邊爐之設，以創自邊某，故曰邊爐。《墅談》［明．胡侍］： 暖飲食之具，謂之僕憎，雜投食物於一小釜中， 爐而烹之，亦名邊爐，亦名暖鍋。 團坐共食，不復置几案，甚便於冬日小集， 而甚不便於僕者之竊食，宜僕者之憎也。《來鶴亭集》［元．呂誠］： 南海口號六首．其五 炎方物色異東吳，桂蠹椰漿代酪奴。 十月煖寒開小閣，張燈團坐打邊爐。《恩平縣志》：［清］ 十一月冬至，作粉丸祀祖。食鱠為家宴，以腥膻臘味雜烹， 環鼎而食，謂之打邊爐，即東坡所謂'骨董羹'也。 凡遇天寒，召客皆用之。 鼻齃窿 bei6 go1 lung1 解釋：係指鼻腔最出面用嚟呼吸空氣嘅部份。空氣就經呢度出入，一個鼻有兩個鼻窿，入面有鼻毛。例句：呢部私家車過馬路時突然遇到鬼探頭，嚇到鼻齃窿都冇肉。 得敕 dak1 cik1得得敕敕 dak1 dak1 cik1 cik1 解釋：形容人得意、神氣、洋洋自得嘅意思。例句：你睇下擦鞋仔個樣幾得敕？有老闆撐腰係唔同啲。 字源資料［參考］［敕］意指敕令，即皇帝嘅詔書。古時若得到敕令，就係奉聖旨而行，無論做咩都冇可以對你留難，所以自會得意洋洋。 崖广 ngaa4 jin1 解釋：形容情況危險嘅意思。例句：喂！你高空工作唔纜好安全帶，好崖广㗎噃！ 字源資料［參考］［崖广］本義係［順著山崖道勢起嘅屋仔］或者［起喺懸崖上面嘅屋仔］，後來引申為［危險］。《說文》：［因广爲屋。象對刺高屋之形。］ 尾禡 mei5 ngaa4 解釋：係指一年最後一次做禡拜土地公嘅儀式。例句：今晚公司尾禡大抽獎，頭獎係十萬蚊現金獎喎！ 其他資料［參考］［尾禡］喺農曆嘅十二月十六日，根據傳統，做生意嘅人會喺呢日請伙記一齊食飯，而家尾禡通常係指呢餐飯。 藞䕢 laa5 zaa2 解釋：形容地方唔乾淨、唔衛生嘅意思。例句：呢間餐廳好藞䕢，有好多曱甴。 字源資料［參考］［藞䕢］本意只係指地方衛生，之後引申義，指不可告人事情，即係唔見得光嘅嘢。例句：佢前世做埋啲藞䕢嘢太多，所以今世投胎先至咁慘。《玉篇》藞䕢，不中貌。 其他辭彙［參考］。藞䕢：《玉篇》。藞苴：《朱子語類》 。揦苴：《粵字典》。揦鮓：《粵典》。嗱喳：［俗讀］ 藞苴 laa5 zaa2 解釋：形容地方唔乾淨、唔衛生嘅意思。例句：呢間餐廳好藞苴，有好多曱甴。 字源資料［參考］［藞苴］本意只係指地方衛生，之後引申義，指不可告人事情，即係唔見得光嘅嘢。　例句：佢前世做埋啲藞苴嘢太多，所以今世投胎先至咁慘。 其他辭彙［參考］。藞䕢《玉篇》。藞苴《朱子語類》 。揦苴《粵字典》。揦鮓《粵典》。嗱喳［俗讀］ 謦欬 king1 gai2 解釋：形容人互相傾訴談心、聊天對話嘅意思。例句：幾時約出嚟敍下舊、謦下欬呀？ 字源資料［參考］［謦欬］本意係指咳嗽，之後引申意思為談笑、談吐。《莊子．徐無鬼》：莫以真人之言，謦欬吾君之側乎！ 唐朝黃滔《啟侯博士》：蜀璧端居，管牀兀坐，既佩茲謦欬，益勵彼顓愚。 宋朝蘇軾《黃州還回太守畢仲遠啟》：路轉湖陰，益聽風謡之美；神馳鈴下，如聞謦咳之音。 南宋曾幾：又得清新句，如聞謦欬音。 明朝王世貞西城宫詞：寒霜不敢蒙頭坐，暖閣時聆謦欬聲。 清朝舒白香《遊山日記》：文人之事，所以差勝於百工技藝，豈有他哉？以其有我真性情，稱心而談，絕無嬌飾，後世才子可以想見陳死人生前面目，如聆謦欬，如握手膝，燕笑一堂，不能不愛，則稱之，稱則傳，傳斯不朽。 《清史稿》：隔顏色而可親謦欬。 塞竇窿 sak1 dau6 lung1 解釋：形容嗰啲細粒又有啲機靈，但係又百厭難教嘅細孥仔。例句：你條塞竇窿，成日走去人哋鋪頭度搞搞震。 ［塞竇窿］呢個戲稱嘅來源故事有好多版本，唔同地方嘅都有。但多數嘅背後意思都唔係好嘢。其中有一個係咁講：話說廣東沿海地區，蝦民喜歡喺河海交界堰塞魚塘，飼養［基圍蝦］。每日潮漲時，蝦民打開閘門，俾啲微生物連同海水流入塘中，用嚟做蝦嘅食糧。堰塞漁塘因為全係泥土，所以塘底常會出現好多［窿］，而啲蝦亦會由呢啲地方游出大海。為咗減低損失，蝦民便要想法塞著啲窿。 而細孥仔嘅身型正好合用，所以當大人對某啲細孥唔滿意嘅時候，就會話［攞你嚟塞竇窿吖哪］！［塞竇窿］呢家嘢，當然只係攞嚟講嚇下細孥，梗係唔會咁做啦！ 狼戾 long1 lai2 解釋：形容人性格好鬼惡死兼野蠻嘅意思。例句：呢個女人真係狼戾，係佢老公至頂得佢住！ 字源資料［參考］《孟子．滕文公上》：樂歲粒米，狼戾。原意係：豐年時谷物散亂堆積。《戰國策．燕策》：夫趙王之狼戾無親，大王之所明見知也。原意係：趙王個人好鬼惡兼野蠻，唔可以同佢接觸㗎，大王你應該都好清楚啦。 發狼戾 faat3 long1 lai2 解釋：形容人為發洩怒氣怨氣，而突然變得無理取閙同咄咄逼人。例句：今次慘！老婆又發狼戾喇，少少事都嘈到拆天。 字源資料［參考］。［狼戾］：蠻橫無理　《戰國策．燕策》：夫趙王之狼戾無親，大王之所明見知也。呢句嘅原意係話［趙王呢個人好鬼惡兼野蠻，唔可以同佢接觸㗎，大王你應該都好清楚啦。］ 其他辭彙［參考］。發爛渣：。發脾氣：。發神經： 邋遢 laap6 taat3 / laat6 taat3邋邋遢遢 laap6 laap6 taat3 taat3 解釋：形容事物或環境唔衛生、唔乾淨嘅意思。例句：打完波，成身污糟邋遢。 年廿八，洗邋遢。 字源資料［參考］［邋邋遢遢］成語解釋：指人骯臟不整潔。《水滸傳》第82回：裹一項油油膩膩舊頭巾，穿一領邋邋遢遢潑戲襖。 輆澀澀 haai4 saap6 saap6 / haai4 sap6 sap6 解釋：形容食物嘅質感粗糙、唔嫩滑嘅意思。例句：呢塊牛扒輆澀澀，唔好食。 𤘅孲子 ngaa4 aa1 zai2解釋：形容啱啱出世嘅蘇孲崽。　　　《揚子方語》：吳人謂赤子曰孲𤘅。　　　　　　　　　　粵人稱［𤘅孲］。　　　《集韻》：孲，赤子也。 字源資料［參考］［蘇孲崽］又有寫成［蘇蝦仔］或者［臊孲子］《番禺縣志》：［廣州呼小兒曰蘇孲崽。蘇，生也，言新生者也。］ 肥揗揗 fei4 tan4 tan4 解釋：形容人肥得身上贅肉會隨身體動作而震動嘅意思。例句：你食咁多嘢儲脂肪呀？諗住肥揗揗過冬會暖啲？ 字源資料［參考］［揗］字可以解做順從。　《說文》：揗，摩也。 澩嫪 laau2 gaau6 / lao2 gao6澩澩嫪嫪 lao2 lao2 gao6 gao6 解釋：形容情況或事物雜亂、亂七八糟嘅意思。例句：你整到間房澩澩嫪嫪，又要係亞媽幫你執手尾！ 咁大個人，書包都唔識執，樣樣嘢都咁澩嫪，信唔信我話畀你老師知呀嗱？ 字源資料［參考］。［澩］字係形容波浪激盪嘅聲音。　《說文》：澩，夏有水冬無水曰澩。　《廣韻》：澩，涸泉。。［嫪］　《說文》：嫪，婟也。婟嫪，戀惜也。。［㺒］　《說文》：㺒，犬驚吠叫。亦有紛亂、擾亂意思。 辭源資料［參考］澩嫪：紛亂謂之澩嫪。《廣東俗語考》：紛亂謂之澩嫪。 澩，音撈上聲。嫪，音教下去聲。《左思吳都賦》：㒊矗澩嫪，交貿相競。［李善註］：澩嫪，眾相交錯之貌。《駢雅》：澩嫪，糾亂也。 其他辭彙［參考］。澩嫪：。澩㺒：。撈攪：。撈嚿：。摎搞：。繚繳：。澩澩嫪嫪：。撈撈攪攪：。撈撈嚿嚿：。摎摎搞搞：。繚繚繳繳： 俹簁 laa2 sai1 解釋：形容人處事輕率、欠責任感嘅意思。 即係輕率、無責任感、求其，是但咁解。例句：條竹升妹做嘢真係好俹簁。 字源資料［參考］［俹簁］本作倚簁，釋名倚簁。 倚簁，倚伎也，簁作清簁也， 言人多伎巧尚輕細如簁也。《廣州語本字》：俹簁者，作事苟且而不精細也。 蠄蟝 kam4 koei2 解釋：係一種無尾目蟾蜍科嘅兩棲動物。蠄蟝唔似蛤乸咁會蛤蛤聲，而係靜靜哋唔出聲。而且蠄蟝亦唔會跳嘅。蠄蟝皮上面嘅粒粒，其實唔係病，而係佢哋多數喺陸上走動，粒粒可以同周圍嘅環境配合，有保護作用，可以防範天敵捕食佢哋。有啲蠄蟝亦生有毒腺可以退敵。 其他稱呼［參考］蠄蟝：蟾蜍、蟾諸、癩蝦蟆蛤乸：蛤𧊅、蝦蟆、青蛙、田雞、水雞、石雞 蠄蟧 kam4 lou4 解釋：佢係一種蛛形綱蜘蛛目嘅節肢動物，蠄蟧唔係昆蟲綱嘅動物，依家通常叫佢做蜘蛛 zi1 zyu1。喺依家後生嗰代，好多都唔識［蠄蟧］呢個詞。因為佢哋返學讀書用書面語，所以見到蠄蟧只識叫［蜘蛛］。佢地最多都只係因為喺1950年代有齣港産電影《飛天蠄蟧》而聽過呢個詞；但係問佢地乜嘢係［蠄蟧］，佢地就未必答得出來。 癩蝦蟆 laai6 haa1 mou1 解釋：係一種好想食天鵝肉嘅動物。廣東話俗語有句叫［癩蝦蟆想食天鵝肉］，意思係［大想頭］。 其他稱呼［參考］。蛤乸：青蛙、田雞、水雞、石雞、蛤𧊅、蝦蟆。蠄蟝：蟾蜍、蟾諸、癩蝦蟆 李時珍《本草綱目》：蟾蜍入陽明經，退虛熱，行濕氣，殺蟲，為疳病、癰疽、諸瘡要藥也。 沈約《宋書》：張收嘗為猘犬所傷。食蝦蟆鱠而愈。 施耐庵《水滸傳》第百零一回：［我直恁這般呆！癩蝦蟆怎想吃天鵝肉！］ 曹雪芹《紅樓夢》第十一回：［平兒說道：『癩蝦蟆想吃天鵝肉』，沒人倫的混帳東西，起這樣念頭，叫他不得好死！］ 李汝珍《鏡花緣》第九回：［小弟攛空離地不過五六丈，此樹高不可攀，何能摘他？這是『癩蝦蟆想吃天鵝肉』了。］ 蛤乸 gaap3 naa2 解釋：蛤乸又叫蛤𧊅、蝦蟆、田鷄、青蛙等。佢同蠄蟝都喺屬於無尾目嘅兩棲動物。不過佢嘅表皮就比較光滑，唔似蠄蟝咁有粒粒，而多數喺水邊出沒，好叻游水。蛤乸識跳，亦會叫，蛤蛤聲。身多數濕軟，脷長，後腳強，跳得遠，叫得大聲。因為有唔少蛙都係青色，所以成日畀人叫青蛙，查實好多品種有唔同顏色，多數同棲息地嘅自然環境接近。有一啲蛙有毒，通常表皮有鮮艷嘅保護色，就好用嚟警告啲捕獵者咁。蛤乸就係大隻嘅蛤𧊅，脷長會食蚊蟲。 字源資料［參考］《漢書》：鄠杜之間水多蛙，魚人得不飢。《博物志》：東南之人…食水產者龜蚌螺蛤，以為珍味不覺其腥。《南楚新聞》尉遲樞：百越人好食蝦蟆，凡有筵會，斯為上味。《答柳柳州食蝦蟆》韓愈：居然當鼎味，豈不辱釣罩。《聞子由瘦》蘇東坡：舊聞蜜唧嘗嘔吐，稍近蝦蟆緣習俗。 烏黢黢 wu1 zeot1 zeot1 解釋：形容發亮嘅黑色，烏黑色嘅意思。例句：你啲頭髮生得烏黢黢，真係令人羨慕。 黑鼆鼆 hak1 mang1 mang1 / hak1 mang6 mang3 解釋：形容事物或環境漆黑嘅意思。例句：條街黑鼆鼆，黑到鬼都怕。 字源資料［參考］［鼆］《唐韻》：亡耿切，音黽。《集韻》：母耿切，音黽。句鼆，魯邑。 左傳．文十五年：一人門於句鼆。《唐韻》：鼆，武庚切，𠀤音盲。《集韻》：鼆，眉耕切，𠀤音盲。《說文》：鼆，冥也。从冥，黽聲。讀若黽蛙之黽。 其他辭彙［參考］。黑鼆鼆。黑蚊蚊。黑萌萌。黑擝擝 孻屘 laai1 mei1 解釋：係指最後、最尾一個嘅意思。例句：你睇下隔離明仔，年年考第一！你睇下你，考親都孻屘，生舊叉燒好過生你呀～ 字源資料［參考］［孻］係指家中排行最年幼嘅仔女，俗語［孻仔孻心肝，孻女孻內臟］就係指最年幼嘅仔女通常都係父母最疼惜嘅一個。［屘］就係對相同稱謂嘅親屬中排行最細嘅稱呼。 嗍晒氣 sok3 saai3 hei3 解釋：形容人氣喘吁吁，用力吸氣嘅意思。例句：行幾級樓梯就嗍晒氣，依家啲後生真係無用。 字源資料［參考］［嗍］字係指吮吸之意。［嗍氣］就係用力吸氣嘅意思。［晒］字係廣東話專用嘅補語，通常用喺動詞或形容詞嘅後面，表示「全」、「都」、「完」、「光」、「了」嘅意思。例如：講晒畀佢聽；大家出晒嚟；睇晒本書；魚畀貓食晒喇；滾攪晒；搞到無晒面；講到冇晒氣等等。 暓里 mau6 lei2 解釋：形容人蠢鈍、呆頭呆腦、愚昧無知嘅意思。例句：你條暓里，借咗錢咁耐都唔還，信唔信我起你釘！ ［玉篇］：［暓，音茂。亂明。］有人話［暓里］係英文［mullion］嘅音譯，解做豎框，係用嚟支撐陽台或窗台嘅木材。據誚當年英國工程師要求華工做豎框，就指著條木叫［mullion］，但係啲華工盲唔明係咩意思，就望住條木頭發呆，所以［暓里］就用咗嚟形容呆頭呆腦嘅人。亦有人講［暓里］係［謬戾］嘅變音，［謬戾］係指荒謬同狼戾合而為一嘅人，形容對方係奸險小人。 瞀里 mau6 lei5 解釋：形容人蠢、愚昧無知、唔識嘢嘅意思。根據台灣教育部異體字字典，［瞀］字即係雙目睇唔清楚嘅樣［眼盲］嘅意思，古籍等亦有記載。而［瞀里］就引伸為形容人［盲目］、蠢、愚昧無知同埋［唔識嘢］。《荀子．儒效》：其愚陋溝瞀而冀人之以已為知也。 其他辭彙［參考］瞀瞀：即係垂低對眼下望嘅樣。瞀亂：係精神錯亂嘅意思。瞀病：即係［頭目暈眩］嘅病。 瞀儒 mau6 jyu4 解釋：形容愚昧無知嘅儒生，即係讀死書嘅人，亦有未見過世面或啱啱出城［大鄉里］嘅意思。《荀子．非十二子》：世俗之溝猶瞀儒。《荀子．儒效》：其愚陋溝瞀而冀人之以已為知也。資料：粵辭典 字源資料［參考］《說文》：瞀，低目謹視也。《莊子．讓王》：湯又因瞀光而謀。《北史．卷三九房法壽傳》：真偽混淆，是非瞀亂。 其他辭彙［參考］瞀瞀：［即係垂低對眼下望咁嘅樣。］瞀亂：［精神錯亂咁解。］瞀病：［即係頭目暈眩嘅病。］瞀里：暓里；［話人傻更更，未見過世面嘅意思。］ 菂式 dik1 sik1菂菂式式 dik1 dik1 sik1 sik1 解釋：形容人或物件好細粒小巧、嬌小玲瓏嘅意思。例句：嗰個你同學嚟㗎？生到咁菂式嘅？肯定唔肯食菜啦！ 呢間鋪頭造嘅甜品好特別，樣樣都菂菂式式好精緻。［菂］字嘅古義係蓮子，由於蓮子形狀細粒，所以後來呢個字就引伸出形容物件好似蓮子咁嬌小玲瓏嘅意思。 其他辭彙［參考］菂薂：薂，蓮子別稱。 黃黚黚 wong4 gam4 gam4 解釋：形容物件暗暗黃黃，污糟邋遢嘅意思。例句：你棚牙黃黚黚噉咁邋遢㗎！ 字源資料［參考］《說文》：黚，淺黄黑也。 光掁掁 gwong1 caang4 caang4 解釋：形容光綫過強而刺眼嘅意思。例句：間房光掁掁嘅，我唔鍾意。 擤鼻涕 sang3 bei6 tai3 解釋：形容用手捏住個鼻，用氣噴出鼻涕。例句：你要用紙巾擤鼻涕先至衞生㗎。 走趲 zau2 zaan2 解釋：形容事情鬆動、有回旋餘地嘅意思。例句：得一日時間，冇得走趲。 字源資料［參考］《廣韻》：趲，則旰切，音讚。逼使走也。《集韻》：趲，子罕切，音攢。走也。 㜺鬼 zaan2 gwai2 解釋：形容事情出現奇妙、妙趣嘅意思。例句：呢隻古仔好㜺鬼。 伏匿匿 buk9 nei1 nei1 解釋：係指細孥仔之間好流行嘅尋人遊戲。 其他資料［參考］伏匿匿，又叫做［伏依人buk9 ji1 jan1］或［捉依人zuk7 ji1 jan1］，英文叫［Hide and Seek］，北方話叫［躲貓貓］，上海話就叫［幽老猫］，即係書面語所寫嘅［捉迷藏］。被捉嘅人喺約定嘅範圍內［匿埋］，而捉嘅人就要去［搵］佢哋出來。 砂煲罌罉 saa1 bou1 aang1 caang1 解釋：係指甁甁罐罐；罎罎罐罐；煲碗瓢盆嘅意思。例句：成間房都係砂煲罌罉。 唔好碰嗰啲砂煲罌罉。 其他辭彙［參考］沙煲㼜餐［俗讀，未有資料］沙煲冷餐［俗讀，未有資料］ 𧥺人 kwan1 jan4 解釋：係指欺騙人嘅意思。例句：你好易受人𧥺。 字源資料［參考］。［𧥺］　《集韻》：九峻切，音：呁，或作［訇］。 粵讀［昆］，欺言也，又騙也。 食夾棍：字本應為［𧥺］，音［棍］。　《玉篇》：𧥺，均俊切，音［棍］。 欺言也，亦騙也。 大滾友：滾紅滾綠嘅［滾］字，亦係用呢個［𧥺］字。 讀［滾］，騙子也，再引喻指愛情唔專一嘅人。　《正字通》：𧥺，于訓切，粵音［滾］，義同。 其他辭彙［參考］。［謴］順言，戲弄人。　《廣韻》：謴，古困切，袞去聲。 翫人也。又順言謔弄貌。。［䜇］同［謴］、［𧬪］　《類篇》：古困切，袞去聲。 與［言運］、謴同。䜇字从袞作。。［𧬪］同［謴］、［䜇］　《廣韻》：古困切，袞去聲。 摩人也，又翫人也。或作謴、䜇。 遞日 dai6 jat6 解釋：遞字有接續之意，表示改日、或以後嘅意思。 《廣東俗語考》記載：遞日者改日也。 ［遞日］係依照次序一日接一日嘅意思。例句：你依家唔讀書，遞日就喺街乞食㗎啦！ 其他辭彙［參考］。［遞日］　《南史．袁粲傳》： 時粲與齊高帝、褚彥回、劉彥節遞日入直，平決萬機。　《南史．儒林傳．孔子袪》： 事竟，敕子袪與右衛朱异、左丞賀琛於士林館遞日執經。　《貞觀政要．尊敬師傅》唐．吳兢： 太宗乃令洎（劉洎）與岑文本、馬周遞日往東宮與皇太子談論。。［遞年］　《夷堅丙志．朱氏蠶異》宋洪邁： 湖州村落朱家頓民朱佛大者，遞年以蠶桑為業，常日事佛甚謹，故以得名。　《西游記》第七五回： 我這洞里，遞年家沒個蒼蠅，但是有蒼蠅進來，就是孫行者。 九大簋 gau2 dai6 gwai2 解釋：形容極豐盛菜肴，隆重筵席嘅意思。例句：亞叔話，今晚整九大簋，你哋得早啲返來食呀！九大簋嘅［簋］字，相信好多人都對佢比較陌生，因爲呢個字屬偏僻字，一般情況下好少用到。但喺古時對佢就有詳細嘅解說。總言之［簋］字係古代盛食物嘅器皿，形狀不一，一般係圓肚，侈口，或者有兩耳、四耳。以前嘅人擺筵席一般用九個簋嚟裝九種菜肴爲最隆重。 其他資料［參考］俞偉超根據《三禮》進行考訂，認為［對正鼎而言，九鼎配八簋、七鼎配六簋、五鼎配四簋、三鼎配二簋、一鼎無簋，係周代常制。］但係儒家典籍反映嘅主要係兩周之際嘅理想規定，唔能夠代表西周古禮或實際運用嘅情形，考古發掘中經常有唔同對應嘅情況。 菢蛋 bou6 daan2 解釋：形容雀鳥伏卵孵蛋嘅意思。例句：菢蛋，菢鷄仔。 其他資料［參考］俗語：雞春咁密都菢出仔 沓正 daap6 zeng3 解釋：係指鐘錶嘅時、分、秒針指喺某一個數字上面。例句：每日沓正八點就要上堂。 啱啱沓正八點，好彩冇遲到。 生埗 saang1 bou2 解釋：形容對人或事物有陌生、不熟悉嘅意思。例句：三姑唔好介意呀吓～我個仔怕生埗，怕羞先唔叫人咋。［生］係［熟］嘅相對，即係唔親密、唔熟悉。而［埗］就係指靠近水邊嘅地方，又用來指停泊船隻嘅碼頭。［生埗］本意係形容坐船到咗一個新地方時嘅陌生感，而後來先引伸出形容兩個人初次認識時唔相熟嘅感覺。 其他辭彙［參考］。生暴：生暴人；生暴床　《廣州話字典》：陌生；面生。。生保：生保人，生保床　《粵典》：唔熟悉嘅，陌生嘅，唔習慣嘅；。暴到：　［粵語協會］：初嚟暴到 co1 lai4 bou6 dou3 鬼揞眼 gwai2 ngam2 ngaan5 解釋：形容本來可見到嘅事物同擺在眼前嘅事實，卻竟然視而不見，就好似被鬼遮住咗眼睛咁。例句：成份報告放係佢枱頭都話冇收到，鬼揞眼囉！ 字源資料［參考］《唐韻》：烏感切，庵上聲。藏也。手覆也。《集韻》：烏紺切，音暗。掩也。 湊仔婆 cau3 zai2 po2 解釋：謔稱帶細孥仔嘅婦女。例句：請個湊仔婆返嚟湊呢班嘩鬼，耳根都清靜啲。 其他辭彙［參考］。湊仔：帶細孥仔。。湊足：意思係籌集接近需要嘅數量。。湊埋：凑起來；收集起來。（湊湊埋埋） 糶灰 tiu3 fui1 解釋：即係話人賣白粉（海洛英）嘅意思。例句：好耐以前，喺香港賣白粉（走粉）就叫做糶灰。 字源資料［參考］。［糶］可以寫成［粜］，賣出米糧嘅意思；即係賣米，係［糴］嘅相反詞。　《說文》：糶，出穀也。从出从䊮，䊮亦聲。。［灰］就係指白粉，［海洛英］嘅俗稱。以前又叫［黑米］。。［糶灰］又叫［走粉］，即係買白粉、販毒，係犯法嘅。 糴米 dek6 mai5 解釋：表示有人去鋪頭買入米糧嘅意思。例句：喺超級市場未出現嗰陣時，好多人都係走到米鋪糴米。資料：粵辭典 字源資料［參考］《顏氏家訓．治家》：經霖雨絕糧，遣婢糴米，因爾逃竄，三四許日，方復擒之。《儒林外史．第十一回》：楊執中將這銀子，喚出老嫗，拿個傢伙到鎮上糴米。 其他辭彙［參考］糴糶：米稻嘅買賣 走趯 zau2 dek6走走趯趯 zau2 zau2 dek6 dek6 解釋：形容人奔走，奔波勞碌嘅意思。例句：睇佢成日走走趯趯，真係好辛苦！ 字源資料［參考］［趯］喺粵語中有走、跑、跳嘅意思； 有時更係連跳帶跑兼而有之，非常生動傳神。 其他辭彙［參考］趯走：係趕走嘅意思［趯走佢／趯佢走］。趯佬：意思係指人逃走［趯路］。趯更：原指落班收工，現指離開咗某處。趯落街：喻意係離開屋企，一般係戲稱。 冚家剷 ham6 gaa1 caan2 解釋：係咒人全家死清光，引申指有災難性嘅事情發生。例句：呢鑊你仲唔冚家剷？　 衍生辭彙［參考］。冚家呤：指家人死清光，得自己一個孤零零。。冚家祥：反語，表面上係祝人全家祥和，實際上等於講［冚家剷］。。冚家長：反語，表面上係祝人全家長壽，實際上等於講［冚家剷］。。冚家短：指咒當事人全家短命。。冚富貴：反語，表面上祝人全家富貴，實際上等於講（冚家剷）。 其他辭彙［參考］。咸家鏟：《維基辭典》。冚家剷：《粵典》。陷家鏟：［俗讀］。含家產：［俗讀］。闔家剷：［］ 諧音辭彙［參考］。喊加產：［］。杏加橙：［杏＋橙］。幸富貴：［幸＋富貴］ 咸家鏟 ham6 gaa1 caan2 解釋：係咒人全家死於非命嘅意思，又引申為［死亡］之意。例句：你咸家鏟啦你！ 你條友正一咸家鏟！　 字源資料［參考］［咸］字可以解做［都］、［皆］、［全］。 例：老少咸宜、四海咸服。《說文》：咸，皆也。悉也。从口从戌。戌，悉也。《書經．舜典》：殛鯀于羽山，四罪而天下咸服。 衍生辭彙［參考］。咸家拎：指家人全部死於非命，得自己一個孤零零。。咸家祥：反語，表面上係祝人全家祥和，實際上等於講（咸家鏟）。。咸家長：反語，表面上係祝人全家長壽，實際上等於講（咸家鏟）。。咸家短：指咒當事人全家短命。。咸富貴：反語，表面上祝人全家富貴，實際上等於講（咸家鏟）。 其他辭彙［參考］。咸家鏟：《維基辭典》。冚家剷：《粵典》。陷家產：［俗讀］。含家產：［俗讀］。闔家剷：［］。杏加橙：［諧音］。幸富貴：［諧音］ 滑潺潺 waat6 saan4 saan4 解釋：形容物件滑而帶粘液嘅意思。例句：唔知黐咗啲乜滑潺潺嘅嘢。 字源資料［參考］。［潺］係指喺動物身上嘅粘液。 其他辭彙［參考］。潺潺：水緩流嘅狀態；溪水、泉水流動嘅聲音。。潺湲：河水慢慢流嘅意思；涕淚橫流嘅情況。。潺菜：俗稱胭脂菜、藤菜、滑菜等； 因煮熟後有黏液分泌出來，故名潺菜。 窿窿罅罅 lung1 lung1 laa3 laa3 解釋：形容每個窿同罅，泛指每個細微嘅地方。例句：窿窿罅罅摷勻晒，始終都係搵唔到。 其他辭彙［參考］。山　窿：［］。子彈窿：［］。穿咕窿：［］。屎窟窿：［］。褲穿窿：［］。鼻齃窿：［］ 其他資料［參考］。［窟窿］洞，有大小。　《廣韻》：窟窿，力中切，音隆。穹窿。　《集韻》：窟窿，良中切，𠀤音隆。穹窿，天勢。 鑽竉鑽罅zyun1 lung1 zyun1 laa3 / gyun1 lung1 gyun1 laa3 解釋：形容到處走動，無處不入嘅意思。例句：小強成日鑽竉鑽罅周圍走，要捉佢都唔容易。 字源資料［參考］鑽：為『穿過』、『進入』之意。 讀書音為『專』和『轉』，口語讀作『捐』。竉：本音讀作『壟』，有孔洞之意。窿：本音『隆』，解作『隆起之狀』並無孔洞的意思。罅：係指『裂縫』、『縫隙』。 其他資料［參考］。［竉］孔穴；古地名用字（竉州）。　《廣韻》：力董切，音籠。孔竉，穴也。　《晉書》王澄傳：蜀流人作亂，澄襲之于竉州。。［窿］從穴，有孔穴之意。　《辭海》：窿，俗謂空竅曰窟窿。 其他辭彙［參考］。蜎窿蜎罅：蜎蜎，蟲蠕動屈曲貌。。瓹窿瓹罅：瓹（陶器），瓮底濾孔，用於過濾米酒。。捐窿捐罅：捐贈，捐助之意。 嚼完鬆 ziu6 jyun4 sung1 解釋：形容人佔咗便宜就走咗唔理人嘅意思。例句：嚼完鬆都唔緊要，唔好嚼完唱就得嘞。 字源資料［參考］《說文》：噍，齧也。從口焦聲。嚼，噍或從爵。《說文》：嚼，乃「噍」之或體。 其他辭彙［參考］。噍完鬆：。𡁻完鬆： 衍生辭彙［參考］。嚼完唱：佔咗人便宜走咗重周圍同人講。 嘴招招 zeoi2 zeu1 zeu1 解釋：形容人不斷反駁、加插意見嘅意思。例句：細孥你唔好再喺度嘴招招喇，快啲食嘢啦。 字源資料［參考］。［招］有逗、惹、引之意。　《書經．大禹謨》：滿招損，謙受益，時乃天道。　《紅樓夢．第十一回》：你別在這裡只管這們著，倒招的媳婦也心裡不好。。［招招］用手招人，示意前來。　《詩經．邶風．匏有苦葉》：招招舟子，人涉卬否？　《始之宣城郡》南朝齊．謝朓：招招漾輕楫，行行趨巖趾。　《桃源行》唐．劉禹錫：漁舟何招招，浮在武陵水。 其他辭彙［參考］。嘴逳逳：嘴唇微動，形容欲言又止或自言自語嘅樣。。嘴藐藐：噘嘴，撇嘴，表示不滿或不屑嘅意思。。嘴噍噍：形容人多話，多嘴。。嘴叼叼：叼，用嘴銜住。 咿挹 ji1 jap1咿咿挹挹 ji1 ji1 jap1 jap1 解釋：形容男女之間行為不軌嘅意思。例句：人前扮冷漠，台後好咿挹，佢哋都幾識扮嘢！ 呢對假情侶便攬頭攬頸，咿咿挹挹咁……想影番張鋪佢証網！ 字源資料［參考］。［咿］象聲詞，指呻吟。　《集韻》：咿，或省作吚。　《玉篇》：吚，喔咿嚅唲，謂強笑噱也。。［挹］有牽引之意。　《文選·郭璞·遊仙詩七首之三》：左挹浮丘袖，右拍洪崖肩。 䟴腳 ngan3 goek3 / un1 goek3 解釋：形容人不斷抖腿嘅意思。例句：你唔好成日䟴腳啦。 佢一坐低就系度䟴腳。 字源資料［參考］《唐韻》：［䟴，章刃切。］《集韻》：［䟴，之刃切，𠀤音震。］《說文》：［䟴，動也。］ 其他辭彙［參考］。䟴䟴腳：通常用來形容一重舒適、自在嘅狀態。。腳䟴䟴：係指身體下肢有節奏咁喺度抖動。 䟴䟴腳ngan3 ngan3 goek3 / un1 un1 goek3 解釋：形容人喺一重舒適、自在狀態嘅意思。例句：你就好喇，中咗馬票（馬標），依家䟴䟴腳嘞。 字源資料［參考］。［䟴］係肢體抖動嘅意思　《唐韻》：［䟴，章刃切。］　《集韻》：［䟴，之刃切，𠀤音震。］　《說文》：［䟴，動也。］ 其他辭彙［參考］。䟴高腳：形容提起腳踭嘅意思。。䟴跳板：形容搖擺或上下振動嘅意思。 腳䟴䟴goek3 ngan3 ngan3 / goek3 un1 un1 解釋：係指身體下肢有節奏咁喺度抖動嘅意思。例句：世榮好鍾意音樂，一聽到打鼓聲就開始腳䟴䟴嘞。 細藝 sai3 ngai6 解釋：係指細細嘅活動技能或消遣活動嘅意思。 ［細藝］其實係由［細務］轉變而來嘅。例句：今晚有乜細藝？ 字源資料［參考］。［細務］：瑣碎小事。　晉．葛洪《抱樸子．崇教》：澄視於秋毫者，不見天文之煥炳；肆心於細務者，不覺儒道之弘遠。 後晉《舊唐書．陸元方傳》：象先清浄寡欲，不以細務介意。 宋．曾鞏《齊州謝到任表》：嗟疾病之餘生，困米鹽之細務。 清．紀昀《閱微草堂筆記．灤陽消夏錄四》：凡人家細務，一一周知。 靚爆鏡 leng3 baau3 geng3 解釋：形容女性非常漂亮或者打扮出眾嘅意思。例句：得喇靚爆鏡喇！快啲出門口啦。 字源資料［參考］。《後漢書．卷八九．南匈奴傳》： 昭君豐容靚飾，光明漢宮，顧景裴回，竦動左右。。〈鄴宮詞〉二首之二：［唐．陸龜蒙］ 曉日靚妝千騎女，白櫻桃下紫綸巾。 靚到沊一聲 leng3 dou3 dam2 jat1 seng1 解釋：形容女子樣貌或打扮漂亮到極嘅嘅意思。例句：嘩～嗰個女仔真係靚到沊一聲！ 其他辭彙［參考］。靚到沊一聲　《集韻》：沊，丁紺切，音馾。沊沊，水聲也。。靚到丼一聲　《集韻》：丼，都感切，投物入井中聲。。靚到揼一聲　《綜合粵語》：揼，擲下。又重物之一擊也，鎚擊也。 丼一聲 dam2 jat1 seng1 解釋：形容物件被掉入水井中發出嘅聲音。例句：有隻青蛙跳落井，丼一聲！ 其他辭彙［參考］。丼一聲《集韻》：都感切，投物入井中聲。。沊一聲《集韻》：丁紺切，音馾。沊沊，水聲也。。揼一聲《綜合粵語》：擲下。又重物之一擊也，鎚擊也。 其他辭彙［參考］。［丼］字嘅日文，讀［どんぶりDonburi］，意思係［碗］。。［丼物］係日文對蓋澆飯類嘅通稱，通常係用較大尺寸嘅碗。