粵語文化檔案

戒烟如你

喺中國人嘅文化入面，〔親戚〕或者〔親屬〕，係指因為有〔婚姻〕或者〔血緣〕同人類個體連成嘅社會關係，父母、兄弟姊妹等等嘅〔親屬〕又叫〔親人〕或者〔家人〕，其他嘅就叫做〔親戚〕。 親屬關係嘅記錄最早係先秦嘅典籍爾雅第四章嘅〔釋親〕。古代唐朝學者孔穎達對親戚嘅註解係〔親指族內，戚言族外〕，所謂〔族內〕係指父系同宗嘅人，以男性為中心，包括宗族內嘅男性同佢哋嘅配偶，但係唔包括已經出嫁咗嘅女性同佢哋嘅配偶。 喺依家嘅人就多數分為〔血親〕、〔姻親〕同〔配偶〕。 ＊〔血親〕 〔直系血親〕 〔鼻祖〕－〔始祖〕始創人。 －係祖宗十八代嘅嘅第一代。 〔遠祖〕－〔始祖〕接班人。 〔太祖〕－〔係指曾祖嘅曾祖嘅父母〕。 〔列祖〕－〔列祖列宗〕，就係呢一個嘞！ 〔天祖〕－〔係指阿爺嘅阿爺嘅父母〕。 〔高祖〕－〔父系〕太太爺，太太嫲〔高祖父母〕。 －〔母系〕太太公，太太婆〔外高祖父母〕。太爺〔曾祖〕－〔父系〕太爺，太嫲〔曾祖父母〕。 －〔母系〕太公，太婆〔外曾祖父母〕。阿爺〔　祖〕－〔父系〕阿爺／爺爺，阿嫲／嫲嫲〔祖父母〕。 －〔母系〕阿公／公公，阿婆／婆婆〔外祖父母〕。阿爸〔父親〕－老竇，老頭子，爸爸，爹哋。阿媽〔母親〕－老母，老媽子，媽媽，媽咪。阿仔〔兒子〕－父母之下男性嘅第一代。又叫〔仔〕、〔囝〕。阿女〔女兒〕－父母之下女性嘅第一代。又叫〔女〕、〔囡〕。　孫〔孫兒〕－父母之下男女嘅第二代。 依性別又分〔孫仔〕、〔孫女〕。 有時候〔孫〕係一種唔分性別嘅稱呼。　息〔曾孫〕－父母之下嘅第三代。 廣東話通常讀〔室〕，又叫〔重孫〕。 〔玄孫〕－父母之下嘅第四代。 〔來孫〕－父母之下嘅第五代。 〔昆孫〕－父母之下嘅第六代，又叫〔晜孫〕。 〔仍孫〕－父母之下嘅第七代。 〔雲孫〕－父母之下嘅第八代。 〔耳孫〕－父母之下嘅第九代。 〔旁系血親〕〔父系長輩〕阿伯〔伯父〕－仔女對阿爸嘅阿哥嘅稱呼。 大哥叫〔大伯〕，二哥叫〔二伯〕，三哥叫〔三伯〕...阿姆〔伯母〕－仔女對阿伯嘅老婆嘅稱呼。 通常叫〔伯娘〕，又有分〔大伯娘〕，〔二伯娘〕，〔三伯娘〕...阿叔〔叔父〕－仔女對阿爸嘅細佬嘅稱呼。 通常叫〔叔叔〕，又有分〔二叔〕，〔三叔〕...〔細叔〕。阿嬸〔嬸母〕－仔女對阿叔嘅老婆嘅稱呼。 通常叫〔嬸嬸〕，又有分〔二嬸〕，〔三嬸〕...〔細嬸〕。阿姑〔姑姑〕－仔女對阿爸嘅姐妹嘅稱呼。 姐姐叫「姑媽」，妹妹叫「姑姐」。姑丈〔姑父〕－仔女對姑媽同姑組嘅老公嘅稱呼，都係一樣咁叫法。 〔母系長輩〕舅父〔舅舅〕－仔女對阿媽嘅兄弟嘅稱呼。 又有分〔大舅父〕，〔二舅父〕，〔三舅父〕...〔細舅父〕。 如果佢嘅年紀比自己細嘅就叫〔舅父仔〕。妗母〔舅母〕－仔女對舅父嘅老婆嘅稱呼。有啲人會叫〔舅媽〕。阿姨〔姨姨〕－仔女對阿媽嘅姐妹嘅稱呼。 姐姐叫〔姨媽〕，妹妹叫「阿姨」或者〔姨姨〕。姨丈〔姨父〕－仔女對姨媽同阿姨嘅老公嘅稱呼。都係一樣咁叫法。 〔同輩〕親〔兄弟姐妹〕－仔女對父母嘅仔女嘅稱呼。又叫〔兄弟姊妹〕。 係指有相同〔父親〕同〔母親〕嘅人。堂〔兄弟姐妹〕－仔女對父系旁系血親長輩〔伯、姆、叔、嬸〕仔女嘅稱呼。 有啲地方喺講嘢同介紹嘅時候係唔講個「堂」字。表〔兄弟姐妹〕－仔女對父系旁系血親長輩〔姑〕仔女嘅稱呼。 對母系旁系血親長輩〔舅、妗、姨〕仔女嘅稱呼。 〔晚輩〕侄　〔仔女〕－兄弟對兄弟嘅仔女嘅稱呼。 男嘅叫〔侄仔〕，女嘅叫〔侄女〕。姪　〔仔女〕－姐妹對兄弟嘅仔女嘅稱呼。 男嘅叫〔姪仔〕，女嘅叫〔姪女〕。外甥〔仔女〕－兄弟對姐妹嘅仔女嘅稱呼。 男嘅叫〔外甥〕，女嘅叫〔外甥女〕。姨甥〔仔女〕－姐妹對姐妹嘅仔女嘅稱呼。 男嘅叫〔姨甥〕，女嘅叫〔姨甥女〕。 ＊〔姻親〕 家公〔公公〕－老婆對老公嘅阿爸嘅稱呼。 又叫〔家翁〕，有時直叫〔阿爸〕，有啲地區又叫〔老爺〕。家婆〔婆婆〕－老婆對老公嘅阿媽嘅稱呼。 又叫〔家姑〕，有時直叫〔阿媽〕，廣東地區又叫〔奶奶〕。外父〔岳父〕－老公對老婆嘅阿爸嘅稱呼。 有時直叫〔阿爸〕或者〔嗲哋〕。外母〔岳母〕－老公對老婆嘅阿媽嘅稱呼。 有時直叫〔阿媽〕或者〔媽咪〕。新婦〔媳婦〕－父母對阿仔嘅老婆嘅稱呼。 廣東話通常係讀〔新抱〕或者〔心抱〕。女婿〔女婿〕－父母對阿女嘅老公嘅稱呼。 阿嫂〔兄嫂〕－細佬細妹對阿哥嘅老婆嘅稱呼。 大哥嘅叫〔大嫂〕，二哥嘅叫〔二嫂〕，三哥嘅叫〔三嫂〕...弟婦〔弟媳〕－阿哥家姐對細佬嘅老婆嘅稱呼。姐夫〔姊夫〕－細佬細妹對姐姐嘅老公嘅稱呼。 大姐嘅叫〔大姐夫〕，二姐嘅叫〔二姐夫〕，三姐嘅叫〔三姐夫〕...妹夫〔妹婿〕－阿哥家姐對妹妹嘅老公嘅稱呼。 〔妯娌〕妯娌係兄弟嘅老婆之間嘅互相稱呼或者合稱。輩份大嘅妯娌會直接叫細嘅妯娌嘅名，對外人介紹就講：佢係我嘅〔細嬸〕；輩份細嘅妯娌會稱呼大嘅妯娌做〔阿嫂〕或〔大嫂〕，對外人介紹就講：佢係我嘅〔阿嫂〕。 〔連襟〕連襟係姐妹嘅老公之間嘅互相稱呼或合稱。又叫〔襟兄弟〕、〔連橋〕，廣東人多數合稱叫〔老襟〕。大伯〔大伯〕－對老公嘅哥哥嘅稱呼。叔仔〔小叔〕－對老公嘅弟弟嘅稱呼。姑奶〔大姑〕－對老公嘅姐姐嘅稱呼。姑仔〔小姑〕－對老公嘅妹妹嘅稱呼。大舅〔內兄〕－對老婆嘅哥哥嘅稱呼。舅仔〔內弟〕－對老婆嘅弟弟嘅稱呼。大姨〔姨姐〕－對老婆嘅姐姐嘅稱呼。姨仔〔小姨〕－對老婆嘅妹妹嘅稱呼。 〔繼親〕繼親都係親屬嘅一種，係是指生父同生母離異或者父母其中一個死咗之後，仔女跟住其中一個，而佢再結婚嘅配偶對於仔女嘅關係就係叫〔繼父〕或〔繼母〕。〔繼父〕－又叫〔後父〕或〔晚爹〕，俗稱〔後抵公〕。〔繼母〕－又叫〔後母〕或〔晚娘〕，俗稱〔後抵乸〕或〔後仔乸〕。〔繼子〕－又叫〔後仔〕，俗稱〔油瓶仔〕或〔油艇仔〕。〔繼女〕－又叫〔後女〕，俗稱〔油瓶女〕或〔油艇女〕。〔繼兄弟姐妹〕－係〔繼父／母〕同〔生父／母〕喺結婚之前同其他人所生嘅仔女。 俗稱〔拖油瓶〕或〔拖油艇〕，基本係冇直接血緣關係嘅。 而之後所生嘅仔女就叫〔同異／父母〕嘅兄弟姐妹。 例如係：〔同父異母〕嘅哥哥，〔同母異父〕嘅妹妹。 ＊〔配偶〕 配偶係指婚姻關係、民事結合、同居伴侶關係、普通法婚姻之中嘅伴侶。呢啲係個冇特定性別嘅詞，通常男性配偶叫做〔丈夫〕、女性配偶叫做〔妻子〕。所以，呢個詞無論係多元性別或者係單元性別嘅異性關係或者同性關係，都可以適用。一對夫妻通常會係一齊生活，一齊養育仔女，組成為一個家庭單位嘅。老公〔丈夫〕－結咗婚嘅女人對自己伴侶嘅稱呼。 近代多數叫〔先生〕，〔老公〕。 傳統嘅就叫〔相公〕、〔官人〕、〔夫婿〕、〔夫君〕等。 但係有人亦唔鍾意用呢個稱呼，因為喺清朝嗰時， 喺京城嗰啲妓女對啲太監〔公公〕嘅蔑稱做〔嫪公〕。老婆〔妻子〕－結咗婚嘅男人對自己伴侶嘅稱呼。 有啲地方叫〔太太〕，近代多數叫〔老婆〕。 傳統嘅就叫〔娘子〕、〔夫人〕。 ＊〔其他〕 〔契親〕契親家契親又叫〔乾親〕，或俗稱〔契字輩〕，係一種人際關係，結契親、拜契親又叫〔上契〕、〔結誼〕。「誼」係指情誼，「契」係指契約，係指兩個或以上冇血緣關係嘅人結為一種擬似親屬嘅關係，彼此之間用親人嘅感情維繫，可以係長輩同晚輩，又可以係同輩。通常都係友上加親嘅居多，亦友亦親，關係比一般嘅遠親同一般嘅朋友更密切，同輩嘅結契又叫做〔結拜〕、〔結義〕、〔換帖〕等。契爺〔乾爹〕－又叫〔契爸〕；〔乾爸〕或者〔乾爺〕契媽〔乾娘〕－又叫〔契娘〕，〔乾媽〕一般都係契爺嘅老婆契仔〔乾兒〕－契女〔乾女〕－契哥〔乾哥〕－契姐〔乾姐〕－契妹〔乾妹〕－契弟〔乾弟〕－喺香港，冇乜人想畀人咁叫，如果叫〔契細佬〕就會好啲啲 〔過繼〕過繼又叫做〔過房〕、〔過嗣〕，係傳統宗族觀念入面嘅一種〔收養〕行為。大多數係為咗延續男性繼承人而做嘅。當一個家庭需要後嗣嘅時候，就喺宗族或者其他親屬入面，收養一個仔或女，用嚟維持祭祀香火或者男性繼承人。就算呢個男性無仔送終，家族仍然可以為佢選一個嗣子，做成親生仔嘅關係。有啲地方生咗細路仔難養〔多病等〕，都會搵個〔人〕或〔神明〕嚟過繼〔形式上〕，認為咁樣個細路就會好養啲。過繼〔達〕－或者直叫〔爸、爹〕等過繼〔娘〕－或者直叫〔媽、娘〕等過繼〔兒〕－過繼〔女〕－ 〔收養〕收養又叫〔抱養〕、〔領養〕，係指將人哋嘅仔女收嚟做自己嘅仔女。法律上，收養視同婚生子女嘅一種身分契約關係。由於收養會將本身冇真實血緣聯係嘅人，擬制具有親生仔女關係，所以收養人同埋被收養人之間又叫做〔法定血親〕或者〔擬制血親〕。收養人叫做〔養父〕或〔養母〕，被收養人就叫做〔養子〕或〔養女〕；被收養人嘅生父母叫做〔本生父母〕，而對本生父母嚟講，被收養人叫做〔出養子女〕。仔女出養之後，本生父母嘅親權即處於暫時停止嘅狀態。養父〔義父〕－養母〔義母〕－養子〔義子〕－養女〔義女〕－ 祖宗十八代〔十八代〕一般係指父系之中上下九代嘅宗族成員。之後，亦畀人引伸加入鬧人嘅用語入面，將人哋嘅家族成員都牽涉當中，用語嘅起源都已經無從稽考。 上九代依序係：＊係祖宗十八代嘅嘅第一代。〔鼻祖〕－子女以上嘅上九代。〔遠祖〕－子女以上嘅上八代。〔太祖〕－子女以上嘅上七代。〔列祖〕－子女以上嘅上六代。〔天祖〕－子女以上嘅上五代。〔高祖〕－子女以上嘅上四代。〔曾祖〕－子女以上嘅上三代。〔　祖〕－子女以上嘅上二代。〔父母〕－子女以上嘅上一代。 下九代依序係：〔兒女〕－父母之下嘅第一代。〔　孫〕－父母之下嘅第二代。〔曾孫〕－父母之下嘅第三代。〔玄孫〕－父母之下嘅第四代。〔來孫〕－父母之下嘅第五代。〔晜孫〕－父母之下嘅第六代。〔仍孫〕－父母之下嘅第七代。〔雲孫〕－父母之下嘅第八代。〔耳孫〕－父母之下嘅第九代。＊係祖宗十八代嘅嘅第十八代。 中文親屬稱呼同英文親屬稱呼中文嘅稱謂比較細緻，英文嘅稱呼就好簡單，舉個例嚟講：Aunt 可以表示〔嬸嬸〕、〔伯母〕、〔舅母〕、〔姑組〕、〔姨媽〕；Uncle 可以表示〔叔叔〕、〔阿伯〕、〔舅父〕、〔姨丈〕、〔姑丈〕。 中文嘅稱謂係為咗區分內外同表裡，比如係：「堂」親，例如〔堂兄、堂弟〕，係同姓家屬，係近親，係家族裡面嘅人；「表」親，例如〔表哥、表弟〕，係異姓親屬，係遠親，係家族外面嘅人；「內」親，例如〔爺爺、嫲嫲〕，係同族近親，你阿爸呢邊嘅人，係家族裡面嘅人；「外」親，例如〔外公、外婆〕，係異族遠親，係阿媽嗰邊嘅人，係家族外面嘅人。 英文嘅稱謂系統逢係唔做呢樣嘅區分Grandfather 既可以表示〔爺爺〕，又可以表示〔外公〕；Cousin 既可以表示〔堂兄、堂弟〕，又可以表示〔表哥、表弟〕。所以由英語嘅稱呼上睇唔出遠近同表裡，睇唔出親疏關係。 喺古代嘅家族入面，通過稱謂，就可以確定一個人喺家族裡頭嘅地位同身份，所享有嘅權利同要盡嘅義務，呢樣要各人守好自己嘅本分，有利於家族嘅管理，有利於儒家等級制度嘅實施。 而西方人嘅等級觀念同等級制度就冇東方人咁複雜，所以表現喺稱呼上面亦都冇咁複雜同細緻。 祖宗十八代〔十八代〕一般係指父系之中上下九代嘅宗族成員。之後，亦畀人引伸加入鬧人嘅用語入面，將人哋嘅家族成員都牽涉當中，用語嘅起源都已經無從稽考。 上九代依序係：＊係祖宗十八代嘅嘅第一代。〔鼻祖〕－子女以上嘅上九代。〔遠祖〕－子女以上嘅上八代。〔太祖〕－子女以上嘅上七代。〔列祖〕－子女以上嘅上六代。〔天祖〕－子女以上嘅上五代。〔高祖〕－子女以上嘅上四代。〔曾祖〕－子女以上嘅上三代。〔　祖〕－子女以上嘅上二代。〔父母〕－子女以上嘅上一代。 下九代依序係：〔兒女〕－父母之下嘅第一代。〔　孫〕－父母之下嘅第二代。〔曾孫〕－父母之下嘅第三代。〔玄孫〕－父母之下嘅第四代。〔來孫〕－父母之下嘅第五代。〔晜孫〕－父母之下嘅第六代。〔仍孫〕－父母之下嘅第七代。〔雲孫〕－父母之下嘅第八代。〔耳孫〕－父母之下嘅第九代。＊係祖宗十八代嘅嘅第十八代。 廣東俚語歌［尋找來源］牛耕田，馬食穀；老豆賺錢仔享福。象行田，馬行日；過河卒仔不退縮。兵殺敵，將閃縮；功成身退享俸祿。男善變，女易哭；貧賤夫妻難和睦。流水清，死水濁；人望高處無滿足。冰易化，錢難蓄；巧婦難煲無米粥。水維生，土長木；光合作用葉變綠。賭易學，書難讀；賭仔何曾買大屋？命註定，運難卜；三衰六旺好難捉。仙灑脫，凡人俗；犯規和尚食狗肉。陽壽盡，落陰谷；生老病死乃定局。 姑娘出嫁時，大妗姐幇新娘邊梳邊唱的上頭《十梳歌》上頭［十梳歌］一梳梳到髮尾；二梳白髮齊眉；三梳兒孫滿地；四梳永諧連理；五梳和順翁娌；六梳福臨家地；七梳吉逢禍避；八梳一本萬利；九梳樂膳百味；十梳百無禁忌。 圓圓圓月（齊賞月）廣東話急口令。 廣東話歇後語［四字舉隅］（拼音排序）一步登天：　大想頭［］一頭霧水：　不知宗［］二花面頸：　當場火爆［］二馬同槽：　必然打鬥［］三斤豬頭：　得把口［］三木武夫：　無釐表情［］三更出世：　害死人［三更，亥時］三腳麻雀：　好打有限［］四方鑊蓋：　無個啱［］四兩棉花：　冇法彈［談］五十斤柴：　一樂也［一絡］五行欠金：　缺金［無錢］五行欠水：　缺水［無錢］五更雞啼：　唔知醜［五更：丑時］六月賞雪：　白費心思［］六親斷絕：　難得戚［］八仙過海：　各顯神通［］八面台口：　難於應付［］十月芥菜：　起芯［起心］十月蔗頭：　甜到尾［］十二點半：　指天督地［］哎吔亞爸：　老豆都系假［］霸王生意：　惡做［］百斤加一：　有你唔多，無你唔少［］搬雪填井：　白費力［］半夜雞啼：　唔知丑［唔知醜］包公審案：　鐵面無私［無得傾］閉眼射靶：　不妙［瞄：諧音］冰凍三尺：　非一日之寒［］玻璃眼鏡：　假睛［假精叻］裁縫度身：　有分寸［］菜刀剃頭：　牙厂（牙烟）［危險］廁所點燈：　找死［屎］叉燒滾湯：　無生肉［］茶瓜送飯：　好人有限［病人］茶樓搬家：　另起爐灶［］長州包蘸：　襟住來搶［］超市手抽：　最緊要好挽［玩］潮州二胡：　自己顧自己［］潮州米舖：　順義成〔信二成，都嫌多〕潮州花燈：　出雙入對［］潮州音樂：　自己顧自己［］陳年頑痰：　老而不化［］陳村碼頭：　逢渡必啱［賭：諧音］晨早放屁：　朝氣勃勃［］城樓跑馬：　一味兜圈［］除褲放屁：　多此一舉［］除褲痾屁：　干淨企理［］厨房階磚：　鹹濕［］廚房階磚：　又又濕［］楚河漢界：　一清二楚［］吹牛過骨：　大話夾好彩［］床底破柴：　撞曬大板［］打賞菩薩：　醒神［］打爛沙盆：　問到篤［尋根問底］打爛沙盆：　璺到篤［］大蛇屙尿：　少見［］大暑小暑：　有米懶煮［胃口不佳］大雞開飯：　食米唔知米價［］單料銅煲：　一滾就熟［容易與人溷熟］單眼睇戲：　一眼睇曬［］氹仔工人：　扎炮［］倒食甘蔗：　節節甜［漸入佳境］倒掛臘鴨：　油嘴滑舌［］倒瀉籮蟹：　手忙腳亂［］燈芯敲鐘：　冇回音［］低劣重逢：　下次再會［］點雞姜茸：　溼溼碎［］掂過碌蔗：　事事順利［全無阻滯］電燈發亮：　其實不燃［然］鼎湖上素：　好齋［鼎湖：廣東肇慶］東莞臘腸：　又肥又短［］冬前臘鴨：　隻掕隻〔一隻掕一隻〕冬錢臘鴨：　得個睇字［］斷柄鋤頭：　冇摣拿［］斷線結他：　無得彈［］對牛彈琴：　唔入耳［］墮胎醫生：　認真攞命［］屙（痾）尿入盅：　執正來做［］帆杆燈籠：　照遠唔照近［］幡桿燈籠：　照遠唔照近［］反轉豬肚：　就系屎［］返潮話梅：　又咸又溼［］放虎歸山：　後患無窮［］放路溪錢：　引死人［］非洲和尚：　黑人僧［乞人憎］飛蛾撲火：　自取滅亡［］飛機火燭：　燒雲［銷魂〕飛機打交：　高鬥［高竇］飛機爆炸：　燒雲［銷魂］墳場跳舞：　扮鬼［］風吹芫荽：　荽貼地［衰貼地］復活節蛋：　唔打得都睇得［］改短兩分：　縮骨［］干塘捉魚：　無走雞［］高佬跌跤：　差得遠［］高腳燈籠：　照遠唔照近［］高麗香信：　孤寒種［菇韓］隔年通勝：　唔值錢［過期貨］隔夜痰罐：　唔倒唔得［賭：諧音］公共電話：　有錢有話講，無錢無得傾公關使用：　交際花［］狗上瓦坑：　總有條路［］狗仔坐轎：　不識抬舉［］狗咬賊仔：　暗啞抵［死忍］狗捉老鼠：　多管閑事［］夠鐘開映：　啱睇［］骨鯁在喉：　不吐不快［］關公細佬：　翼德［亦得］觀音坐轎：　靠人抬舉［］棺材甩褲：　失禮死人［］棺材拐杖：　死撐［］廣東涼茶：　包好［］鬼打官司：　死不讓人［］鬼打南巫：　無符［］鬼佬月餅：　悶極［Moon Cake］鬼屋孖鋪：　驚就兩份［］桂姐賣布：　一匹還一匹［一筆還一筆］過時飯餸：　無啖好食［］過氣老舉：　殘雞［］過期菲林：　唔感光［反應遲鈍］過街老鼠：　人人喊打［］海底石斑：　好瘀〔好魚〕寒廁出恭：　坐冷板［］韓信點兵：　多多益善［］航空母艦：　食水深［賺到盡］禾稈穿針：　難過眼［］和尚擔遮：　無髮無天［無法無天］闔府統請：　大小便一齊來［］黑白天鹅：　日哦夜哦［囉嗦］黑鬼屙尿：　烏瀡瀡［］橫渡冰川：　過冷河［］狐狸嗌交：　一派胡言［］護照相片：　出洋相［］畫蛇添足：　多此一舉［］黃牛過水：　角顧角［各顧各］黃河的水：　難清［難請］黃婆賣瓜：　自賣自夸［］火燒後欄：　一鑊熟［］火燒眼眉：　唔知死［］火燒旗杆：　長儃［炭］火燒豬頭：　熟口熟面［似曾相識］火燒燈芯：　無嘆［無炭］雞毛敲鼓：　冇回音［］家庭用具：　宅使［］姜蔥鯉魚：　屈得就屈，夾埋嚟屈結他無線：　無得彈［無可挑剔］酒樓例湯：　整定［］酒樓菜譜：　睇嚇點［］舊年通勝：　唔值錢［］絕望手朮：　做又死，唔做又死［］軍佬皮鞋：　省到立立靚［］舉重規則：　拎得起，放得低［］空中起義：　乘機作反［］空心大樹：　徒有虛名［］孔明借箭：　滿載而歸［］苦瓜炒鴨：　苦過弟弟［］瘌痢擔遮：　無法無天［］懶人渡海：　免得過就免［］老公荷包：　夫錢［膚淺］老公撥扇：　妻涼［淒涼］老火炆鴨：　得把嘴硬［］老豆開支：　母有計［冇有計］老炆文鴨：　得把嘴硬［］老虎弔頸：　畀人食［］老婆擔遮：　陰公［陰功］老牌臨記：　羨慕死人［善冒］老番麻雀：　鬼打都無咁精神［］老黃賣瓜：　自話自誇［］老鼠拉龜：　冇埞埋手［］老鼠搵貓：　攞嚟衰［］老舉埋年：　算鳩數［］冷佬魚蛋：　發爛揸［］冷門生意：　好做唔做［］冷巷堦磚：　陰溼［］梁山弟兄：　不打不相識［］龍舟菩薩：　衰神［］聾人送殯：　唔聽你支死人笛［］落雨收柴：　通通擸嗮［］落雨擔遮：　死擋［死黨］綠豆煲醋：　寒夾酸［］麻骨浸田：　又浮又臭［］馬前潑水：　難收拾［］馬騮升官：　唔系人咁品［］盲公拔河：　瞎扯［］盲公開眼：　酸得厲害［味道太酸，酸至開眼］盲公演講：　瞎說［］盲佬上樓：　摩登［］盲佬生意：　瞇埋眼做［］盲佬貼符：　倒貼［］盲頭烏蠅：　亂咁撞［］貓兒洗面：　係咁意［敷衍求其］貓哭老鼠：　假慈悲［］茅廁點燈：　找屎［找死］買鯇魚尾：　搭嘴［］賣咸酸菜：　俾面［］賣鯇魚尾：　搭嘴［搭訕］蒙古大汗：　忽必烈　［屁股開花］米水沖涼：　糊塗塗［］密底算槃：　冇漏罅［精打細算］木工刨樹：　專理不平［］木頭眼鏡：　睇唔透［］奶媽湊仔：　人家嘅［唔屬於自已嘅嘢］年晚煎堆：　人有我有［］牛皮燈籠：　點極都唔明［唔開竅］牛遇親家：　出丑偏遇熟人牛噍（嚼）牡丹：　食而不知其味［］排隊開大：　倫惇［輪蹲］番禺蠟燭：　假細心［］螃蟹過河：　七手八腳［］棚尾拉箱：　暗中走人［］屁股生瘡：　無眼睇［］平洲奶媽：　賺個肚［冇錢賺］乞兒煮粥：　唔等熟［］期待收貨：　等運到［］乾塘捉魚：　無走雞［］錢罌捐款：　小兒科［］切肉離皮：　一刀兩斷［］窮人買米：　一升［一聲］日本首相：　左騰右騰［］日本郵船：　遲早丸［遲早完］入冬生魚：　詐死［］撒路溪錢：　吸引死人［］沙堆堆人：　唔埋得個鼻［］沙灣燈籠：　何府［何苦］殺雞取蛋：　一次過［］杉木靈牌：　做唔得主［］上山捉蟹：　難之又難［］上漆關公：　木口木面［］筲箕水瓢：　滴水不存［］筲箕兜水：　漏洞百出［］蛇王一族：　懶叻［］社壇土地：　無瓦遮頭［］攝高枕頭：　慢慢諗［］深井打水：　有排攪［］深水撻沙：　瘀到貼地［］深海石斑：　好魚［好瘀］神仙放屁：　不同凡響［］神台貓屎：　神憎鬼厭［］生水芋頭：　侲侲地［］生蟲枴杖：　靠唔住［］生曬蠔豉：　越曬越縮［］濕手找面：　要摔摔不掉［］濕水麻繩：　越纏越緊［］濕水棉花：　冇得彈［］濕水欖核：　兩頭瀄［周圍瀄］石灰鋪路：　白行［］石馬無能：　枉自大［生得高大，本領有限］石灣公仔：　無腸無肚［思想單純］時鐘租金：　點算［］屎坑三姑：　易請難送［］屎坑石頭：　又臭又硬［］屎坑點燈：　找屎［找死］屎坑關刀：　聞又唔得，舞又唔得［文，武］豉油捞飯：　整色整水［造作］豉油樽蓋：　又鹹又濕［好色］甩柄鋤頭：　無揸拿［］甩繩馬騮：　捉都捉唔返［］水瓜打狗：　唔見噉截［唔見一截］水底屙尿：　自己知［］水底撈月：　一場空［］水浸眼眉：　唔知死［］水浸塔頂：　淹尖［挑剔］水過鴨背：　唔裝載［］水滴石穿：　非一日之功［］水銀瀉地：　無孔不入［］順風屎艇：　快夾臭［］死人燈籠：　報大數［］死亡論調：　生意難撈［］算術懸題：　條數點計［］太監磨柱：　真系滑［］太監騎馬：　無得頂［］天堂尿壺：　全神貫注［］田雞過河：　各有各撐［各走各路］貼身膏藥：　撇唔甩［］貼錯門神：　面左左［］鐵樹開花：　難得［］頭上插扇：　出風頭［］頭上跑馬：　露出馬腳［］土地燈籠：　夜不收［過夜生活丶早晚顛倒嘅人］吞金滅宋：　打釜頭［買餸］鴕鳥政策：　藏頭露尾［］鴕鳥啞巴：　大翼不道［大逆不道］瓦檐獅子：　叻到掹［再厲害都係個裝飾］衛生口罩：　嘴上一套［］問蝦羅血：　無都要有［］甕中之鱉：　手到擒拿［］蓊菜文章：　半通不通［］無耳茶壺：　得把嘴　［只講唔做］無耳茶煲：　淨得把口［］無耳藤篋：　一味靠托［］無尾飛陀：　有去無回［無影無蹤］無尾燒豬：　唔慌好事［］無弇雞籠：　自出自入［］無息貸款：　一還一，二還二［］無常爆肚：　鬼同你講笑［］無掩雞籠：　自出自入［］無旗杆子：　一碌木［］無厴雞籠：　自出自入［］戲棚官話：　唔咸唔淡［］瞎子看戲：　跟人笑［］瞎子算命：　滿口胡言［］烚熟狗頭：　噬起棚牙［］仙人下凡：　神不守舍［］仙界官銜：　唔系人咁品［］鹹蛋滾湯：　心都實晒［］香蕉樹影：　粗枝大葉［］新年利是：　逗人開心［］新澤西號：　食水深［賺到盡］秀才手巾：　包書［包輸，每賭必輸］秀才搬家：得個書［得個輸］繡花袋仔：　人人啱［］啞巴上學：　絕對冇問題［］啞仔度水：　賒借免問［］亞北閹雞：　有心無腎［］亞佗行路：　中中地［］亞茂整餅：　無嗰樣整嗰樣［］亞婆食粥：　無齒下流［無恥下流］亞崩叫狗：　越叫越走［］亞崩吹簫：　嘥氣［離譜］亞崩養貓：　轉性［］亞崩劏羊：　呃都無得呃［］亞貴買布：　唔講嗰匹［］亞超著褲：　焗住嚟［］亞聾送殯：　唔聽你支死人笛［］亞聾養雞：　啼都唔啼［提都唔提］亞聾燒炮：　散曬［］遺體化妝：　死要臉［］銀行夾萬：　擺款［］郵箱爆棚：　難以置信［］芋頭點糖：　心淡［］月事不調：　無嚟正經［］鑿壁引光：　孔明［］早晨放屁：　朝氣勃勃［］灶（竈）君上天：　有個句講嗰句［］灶（竈）頭抹布：　鹹濕［鹹濕：下流也］張飛戒酒：　明天［］丈二和尚：　摸不着頭腦［］丈八和尚：　摸不着頭腦［］肇慶荷包：　陀衰人［］枕頭木虱：　包咬頸［包拗頸］蜘蛛結網：　自絲自理［自私自利］直路揸車：　無灣轉［］指定火葬：　話唔埋［］紙里包火：　瞞唔過去［］紙紮下扒：　口輕輕［］紙紮公仔：　有氣無神［］種瓜得瓜：　應得其所［］皺皮茨菇：　惡刮［難刮］珠磯路尾：　多如茶樓［多余］豬籠入水：　道道來［財源滾滾來］竹籃打水：　白費功夫［］走鬼生涯：　二奶命［易拉］做天文台：　睇水［］ 廣東話八級考試，連現在嘅“廣東人”中60%以上都不一定通得過！請看：懂得全部 200 句就可以算係精通粤語了。粤語又是古漢語嘅正宗語言。這 200 句廣東話歇後語，如不繼承傳誦，很快會失傳 …… 慢慢睇 🤓1. 阿茂整餅：無嗰樣整嗰樣。2. 屙尿入盅：執正嚟做。3. 半夜食黃瓜：唔知頭唔知尾。4. 扁鼻佬戴眼鏡：冇得頂。5. 陳年中草藥：發爛渣。6. 城樓跑馬：一味兜圈。7. 豉油撈飯：整色整水。8. 廚房階磚 (豉油樽蓋)：鹹濕。9. 單眼佬睇老婆：一眼睇晒。10. 賣布唔帶尺：存心不良（量）。11. 番鬼佬月餅：悶極 (Moon cake 的諧音)12. 番薯跌落灶：該煨。13. 飛機打交：高竇（高鬥）。14. 飛機火燭：銷魂（燒雲）。15. 非洲和尚：乞人憎（黑人僧）。16. 肥佬着笠衫：幾大就幾大。17. 肥婆坐屎塔：佮佮陷。18. 墳場發電機：電死人。19. 風吹雞蛋殼：財散人安樂。20. 閉眼射靶：不妙（瞄）。21. 棺材鋪拜神：想人死。22. 棺材頭燒炮仗：嚇死人。23. 跪地餵豬乸：睇錢份上。24. 深海石斑：好瘀（好魚）。25. 航空母艦：食水深（賺到盡）。26. 和尚擔遮：無法（髮）無天。27. 黑白天鵝：日哦夜哦。28. 黃皮樹鷯哥：唔熟唔食。29. 白鱔上沙灘：唔死一身潺。30. 火燒旗杆：長嘆（炭）31. 棚尾拉箱：走佬。32. 無耳茶壺：得把嘴。33. 屎坑三姑：易請難送。34. 老公荷包：膚淺（夫錢）。35. 老公撥扇：悽涼（妻涼）。36. 老婆擔遮：陰功（陰公）。37. 老鼠尾生瘡：大極有限。38. 甩柄士巴拿：得棚牙。39. 落雨擔遮：死黨（死擋）。40. 賣魚佬：有聲（腥）氣。引申句（賣魚佬洗身：無晒聲（腥）氣）。41. 南無佬跌落屎坑：無晒符。42. 牛皮燈籠：點極都唔明。43. 年三十晚謝灶：好做唔做。44. 年晚煎堆：人有我有。45. 撒路溪錢：引死人。46. 筲箕兜水：漏洞百出。47. 山草藥：噏得就噏。48. 神仙放屁：不同凡響。49. 神仙過鐵橋：包穩陣。50. 神檯貓屎：神憎鬼厭。51. 生蟲拐杖：靠唔住。52. 隔夜痰盂/隔夜茶：唔賭（倒）得唔得，形容那些爛賭的人。53. 屎忽生瘡：無眼睇。54. 石灰鋪路：白行。55. 屎坑關刀：文(聞)又唔得武(舞)又唔得56. 屎坑石頭：又臭又硬。57. 濕水欖核：坐唔定/捉唔住。58. 濕水棉花：無得彈。59. 十月芥菜：起晒心 (形容恨嫁姑娘)60. 十月蔗頭：由頭甜到尾。61. 壽星公吊頸：嫌命長。62. 甩頭筆：唔寫（捨）得。63. 海軍鬥水兵：水鬥水。64. 死人燈籠：報大數。65. 抬棺材甩褲：失禮死人。66. 除褲放屁：多此一舉。67. 成吉思汗打仔：大汗(耷)細汗(大汗淋漓的意思)。68. 水瓜打狗：唔見左截。69. 灶君跌落鑊：精（蒸）神。70. 阿崩叫狗：越叫越走。71. 賣鯇魚尾：搭嘴。72. 橋上倒涼茶：何（河）苦。73. 冇尾飛陀：有去冇回/無影無蹤。74. 牀下底破柴：撞板。75. 投石落屎坑：激起公憤（糞）。76. 亞聾送殯：唔聽你枝死人笛。77. 狗上瓦坑：有條路。78. 紙紮下巴：口輕輕。79. 鼎湖上素：好齋。80. 亞婆食粥：無耻（齒）下流。81. 隔夜油炸鬼：冇晒火氣。82. 老火炆鴨：得把嘴硬。83. 鷄食放光蟲：心知肚明。84. 潮州二胡：自己顧自己。85. 貓咪洗面：係咁意。86. 亞蘭嫁亞瑞：累鬥累。87. 冇耳藤篋：靠托。88. 隔年通勝：唔值錢。89. 幡桿燈籠：照遠唔照近。90. 三元宮土地：錫（惜）身。91. 陸雲庭睇相：唔衰攞嚟衰。92. 秀才手巾：包輸（書）。93. 倒掛臘鴨：油嘴滑舌。94. 雷公劈豆腐：搵軟嘅嚟 “蝦”。95. 魚生粥：啱啱熟。96. 火麒麟：周身癮。97. 亞超着褲：侷住。98. 屙尿射竹筒：靠撞。99. 有早知：冇乞兒。100. 泥菩薩過江：自身難保。101. 陳村碼頭：逢賭（渡）必啱。102. 閻羅王探病：問你死未。103. 閻羅王請人：揾鬼黎做。104. 酒樓例湯：整定。105. 鐵拐李踢波：壹腳踢。106. 船頭尺：度水（借錢）。107. 太監騎馬：無得頂。108. 天堂尿壺：全神貫注。109. 細佬哥剃頭：就快就快。110. 床下底踢毽：大家都係咁高。111. 火燒豬頭：熟口熟面。112. 牛頭唔搭馬嘴：各說各話。113. 裁縫度身：有分寸。114. 朱義盛：假野。113. 唔食羊肉一身羶：無端受牽連。114. 單料銅煲：一滾就熟，形容那些容易與人混熟的人(一般用於女性)。115. 電燈膽：唔通氣。116. 掘尾龍：搞風搞雨。117. 生仔姑娘醉酒佬：唔要又要，唔制又制118. 二叔公割禾：望下截。119. 挖肉攞瘡生：自討苦吃。120. 火燒城隍廟：急死鬼。121. 食咗成擔蒜頭：大口氣。122. 冇掩雞籠：自出自入。123. 上香打噴嚏：一面灰。124. 大石砸死蟹：冇聲出。125. 大花臉抹眼淚：離行離隙。126. 水溝油：撈唔埋。127. 炮仗頸：形容那些脾氣急躁、遇事不能埋藏於心內，要爆發出來才舒服的人。128. 豬頭骨：難啃兼冇肉。129. 瓦風嶺：包頂頸。130. 上好沉香當爛柴：唔識貨。131. 香蕉樹影：粗枝大葉。132. 跑馬射蚊髭：形容機會十分渺茫。133. 冇檳榔嚼唔出汁：事出有因。134. 指天椒：越細越辣，形容年紀雖小但難以應付的「後生仔/女」。135. 閻羅王開攤：揾鬼買。139. 二叔公煎糕：翻來覆去。140. 出爐鐵：聽打/唔打唔得。141. 十二點半鐘：指天篤地。142. 大良阿斗官：罵人家是二世祖。143. 二打六：形容別人未夠斤兩，只是個普通人/普通料。144. 大花筒：形容那些喜歡亂使錢，恣意揮霍的人。145. 大肚婆行鋼線：鋌（挺）而走險。146. 馬騮臭狐：唔係人咁味（不近人情或性格乖僻）147. 飛機運茶壺：高水平（瓶）。148. 上山捉蟹：難之又難。149. 狗咬賊仔：暗啞底/死忍。150. 土地燈籠：徹夜不熄。形容那些愛過夜生活，徹夜未歸以致早晚顛倒的人151. 三行佬做門：過得自己過得人。152. 一隻筷子食豆腐：搞爛晒。153. 問和尚借梳：嘥氣。154. 牛皮燈籠：點極都唔明。155. 密底算盤：冇漏罅。形容那些非常精打細算，壹分錢都不放過的吝嗇鬼156. 乾隆皇契仔：周日清。周日清是坊間小說中乾隆皇的契仔。157. 盲公開眼：酸得厲害。形容某些食物味道太酸，使盲公也被酸至開眼。158. 田雞過河：各有各躥（各走各路）159. 菠蘿雞：靠黐（佔人便宜）159. 關公細佬：亦得（翼德）。160. 烏蠅摟馬尾：壹拍兩散。161. 冇米粥：水汪汪（形容事情不實際）162. 扭紋柴：難搞，形容很麻煩的人163. 神仙過鐵橋：包穩陣。164. 市橋蠟燭：假細心（芯）。165. 茅根竹：借（蔗）水，引申為形容那些經常向別人借錢的人。166. 剃刀門楣：出入都刮。167. 豬籠入水：財源滾滾。168. 蛋家雞見水：得個睇字。169. 戥穿石：陪襯的人/伴郎。170. 冰跌落醋酲：寒酸。171. 賊佬試沙煲：小心翼翼地試一下。172. 大姑娘做媒：講人唔講自己。173. 火燒石灰船：冇得救（無藥可救）174. 茶樓搬家：另起爐灶。175. 廣東涼茶/王老吉：包好。176. 火燒燈芯：無嘆（炭）燈芯燒盡了是不會變成炭的。177. 瓦荷包：有兩個錢就當當響。178. 菜刀剃頭：牙煙。179. 水浸塔頂：奄（淹）尖。180. 公用電話：有錢有得傾，冇錢冇得傾181. 打齋鶴：度人升仙。182. 打爛沙盆：問（璺）到篤。183. 石地堂對鐵掃把：硬碰硬。184. 石灣公仔：冇腸肚（形容那些思想單純的人）。185. 石罅米：俾雞啄（形容那些只肯花錢嫖妓的人）。　186. 光棍佬教仔：便宜莫貪。187. 奶媽湊仔：不屬於自已的事物。188. 冬前臘鴨：隻棱隻（形容一隻跟著一隻的情況）。189. 早知燈係火：唔使盲摸摸。190. 番鬼婆大肚：心懷鬼胎。191. 護照照片：出洋相。192. 茶瓜送飯：好人有限。193. 劉備借荊州：有借沒回頭（形容那些借錢不還的人）。194. 曬菲林：唔見得光。195. 神檯桔：陰乾。196. 皮鞋筋：壹扯到口。197. 冷巷擔竹竿：直出直入。198. 細佬哥玩泥沙：兒戲（嘻）。199. 番鬼佬睇榜：掉轉嚟。200. 珠璣路尾：多餘（如）註：广州珠璣路尾有一間 “多如茶樓” 因而得名。 《廣東話三字經》註解 人之初　口多多　〔童言無忌，口不擇言〕笑騎騎　放毒蛇　〔笑裡藏刀嘅意思〕馬照跑　女照搞　〔冇事發生，冇改變到〕舞照跳　雞照叫　〔同馬照跑〕知少少　扮代表　〔貪功認叻〕冇幾耐　扮大袋　〔大袋係粗俗語，意思係大人物〕牙詀詀　死得慘　〔禍從口出〕眼眨眨　扮花旦　〔雖無過犯，面目可憎嘅人〕聲大大　冇貨賣　〔言過其實〕眼大大　易學壞　〔青春少艾，容易誤入歧途〕周身逳　扮忙碌　〔逳，即係動；指人講多過做〕眼濕濕　扮憂鬱　〔貓哭老鼠〕嘴藐藐　打得少　〔口花花，撩是鬥非〕靜雞雞　認低威　〔衰衰哋咁認錯〕有早知　冇乞兒　〔世事難料〕晨早知　中三Ｔ　〔三Ｔ，係最多獎金嘅賽馬彩池〕擔凳仔　霸頭位　〔驚死執輸〕一張票　睇到笑　〔以前啲鹹片戲院一張飛成日任睇〕好好好　睇唔到　〔敷衍了事〕繑埋手　晨早走　〔練精學懶〕有得震　冇得瞓　〔好驚大禍臨頭〕搞搞震　冇幫襯　〔搞事破壞份子〕側側膊　唔多覺　〔得過且過，求求其其〕搏大霧　唔使做　〔混水摸魚〕包二奶　實聽拉　〔香港人返大陸偷情好危險〕噍多件　攞嚟賤　〔自己攞嚟衰〕有姿勢　冇實際　〔虛有其表，得個樣〕有交易　靠實力　〔唔靠偏門左道〕七八九　飲到嘔　〔七八九係卡拉OK夜店嘅猜枚遊戲〕硬骨頭　食地球　〔地球牌，係指大陸出嘅一隻煙仔〕手頭緊　搵真銀　〔要勤力搵錢〕烏啄啄　任人將　〔做人糊塗，容易畀人呃〕淡淡定　有錢剩　〔凡事處變不驚；剩音靜〕失失慌　害街坊　〔小不忍則亂大謀〕嗱嗱臨　上瓊林　〔瓊林，係香港一間出名嘅夜總會〕口旱旱　食咳糖　〔口乾，口水都無滴〕有得賭　精神好　〔爛賭之輩〕三缺一　慘過乞　〔麻雀術語〕腯腯震　食夾棍　〔忙中有錯〕時運高　搏番鋪　〔掌握時機〕煙ＫＪ　撳住搦　〔話事啤術語，贏面好高〕二仔底　冇得睇　〔沙蟹術語，輸多贏少〕隨口噏　當秘笈　〔語不驚人誓不休〕招乜積　中圍骰　〔好串而又好運〕贏粒糖　輸間廠　〔十賭九輸〕贏把遮　輸架車　〔上句另一個版本〕面懵懵　當老馮　〔香港人叫老馮喺解做奉旨〕細細兜　容易媾　〔初出茅廬嘅女仔，容易畀人呃〕女人心　海底針　〔係指女人善變〕無端端　簫吹鬈　〔莫名其妙〕十八樓　自己友　〔街坊街里，守望相助〕有竇口　早啲抖　〔安得廣廈千萬間〕讀書少　畀人藐　〔學識低，俾人睇唔起〕面撞面　好面善　〔似曾相識〕頭岳岳　四圍踱　〔無聊發悶〕爛撻撻　唔負責　〔無恥之徒〕冇晒計　發狠戾　〔唔按常理做事，有趕狗入窮巷意思〕咖喱啡　扮阿姐　〔泥鯭充石斑〕頻頻撲　冇聯絡　〔貴人善忘〕姿姿整　有環境　〔露出馬腳〕咁人齊　等發圍　〔同心協力〕趁佢病　攞佢命　〔趕盡殺絕〕出嚟威　識搶咪　〔要懂得爭取機會〕唔想衰　埋大堆　〔團結就是力量〕有異性　無人性　〔見色忘義〕有殺錯　冇放過　〔寧枉莫縱〕有胸毛　出嚟蒲　〔惡人形象〕手毛長　性慾強　〔順口溜，無科學根據〕聽唔明　扮純情　〔裝模作樣〕懶癡纏　搏可憐　〔做戲咁做〕大笪地　食自己　〔喺大笪地擺檔嘅都係自食其力嘅人〕做臭四　冇地企　〔對唔住朋友嘅人，必然係冇好下場〕眼光光　等天光　〔失眠，滿懷心事〕䟴䟴腳　等人約　〔無所事事〕有斷估　冇痛苦　〔難得糊塗〕撚雀籠　遲早窮　〔敗家仔嘅形象〕人工高　冇秘撈　〔秘撈，秘密去做兼職〕唔夠班　執二攤　〔未夠斤兩，只有等機會〕跟老頂　有得醒　〔老頂，大哥大嘅人；醒，有好處〕著草鞋　有排捱　〔著草，即係走路、遲難嘅意思〕走得快　好世界　〔童年嘅順口溜〕走得摩　冇鼻哥　〔走得慢，冇好下場〕你老竇　大水牛　〔童年鬧人嘅順口溜〕你老母　大風爐　〔都係童年嘅鬧人順口溜〕大肚髧　冇良心　〔童年順口溜〕大恰細　畀屎餵　〔以前大欺小，讀大蝦細〕有迫慣　冇困難　〔Background，人事背景〕有哥利　大餐屎　〔哥利Quality資歷；餐屎Chance機會〕冧巴溫　有紋身　〔Number One，大哥大之輩〕揸咈人　有疤痕　〔揸 Fit，高級領導人〕密響歌　冇甩拖　〔將勤補拙〕椓手指　靠飛屎　〔有面子〕起大屋　靠表叔　〔表叔，大陸幹部〕學猜枚　媾表妹　〔猜牧係夜店嘅玩意，表妹係指大陸妹〕十十吓　拉頭馬　〔傻人胡里胡塗，無端端發達〕中間界　騎喱怪　〔形象標奇立異嘅人，正字係騎籬蟈〕唔識字　扮博士　〔唔識嘢又扮猛料〕唔識路　企嚮度　〔唔識做〕唔夠皮　無面畀　〔皮即皮費，唔夠錢用時咩人都唔賣帳〕二三線　好難變　〔次級貨色，好難會變得好〕手指指　扮蕃薯　〔扮熟絡，蕃薯即係FAN屎，超級迷〕係咁易　戴撈屎　〔表示囂張，撈屎係指勞力士金錶〕無喇喇　整笪瘌　〔無事搵事做〕咁點會　有運行　〔即係冇運行囉〕白白淨　冇性病　〔讚男仔靚仔〕人嚇人　好易暈　〔意思係俾人嚇慘過俾鬼嚇〕穩穩陣　做半份　〔安全第一，做事唔好博咁盡〕手頭緊　賣白粉　〔狗急跳牆，不擇手段，唔理後果〕吹吹水　唔抹嘴　〔吹水，口沫橫飛，即係吹牛皮〕趁你病　撻你訂　〔乘人之危落井下石〕唔用腦　等運到　〔批評嗰啲靠好彩唔靠勤力嘅人〕癲癲地　唔識死　〔不知天高地厚〕賺快錢　炒孖展　〔孖展，高風險嘅投資方法，如同賭博〕買藍籌　唔駛愁　〔藍籌，高質素股票〕過大海　搏好彩　〔過大海，係指去澳門，去賭場搏殺〕口水多　無尿屙　〔口水多過茶，口水多到連尿都冇埋〕四圍走　鬥疊友　〔疊友，指人強馬壯〕逋廢話　好囉唆　〔講多無謂〕褲頭鬆　搏街鐘　〔小姐要有街鐘，就唔好惜身如玉嘞〕跑鐘仔　貼哥仔　〔指歡場女子，辛辛苦苦都係為哥仔〕當我流　拋浪頭　〔流，即假嘢，拋浪頭即係靠嚇〕出嚟滾　無責任　〔指吊兒郎噹，不負責任嘅人〕賣大包　任人抄　〔唔計較得失〕日本船　遲早完　〔日本郵船「遲早丸」，完係丸嘅諧音〕