<p> 大家好！在学习用闽南语写东西的过程中，很多人都觉得口头表达比较容易，用文字写出来就很难，全厦门找不到几个能用闽南语写作的人。因此，有些人认为没必要学，一是太难，二是你写出来也没几个人看得懂。</p><p> 七夕前，闽南文化沙龙有人转发了台湾作家陈雅菁的散文《白糖粿》，全文用闽南语写的，试着读了一下，觉得很有味道，也相信用闽南语写的文章，确实是可以照本宣科的。</p><p> 下面是我用闽南语朗读《白糖粿》，虽然读音既有台湾音也有厦门音，有点混搭，但还是希望能与大家分享这篇好文章。</p> <p> 【 白糖粿 】</p><p> 作者：台湾 陳雅菁</p><p> “頭家，共我包三塊白糖粿！”若轉來臺南，我定著會傱來這个所在排列，徛佇人群內底聊聊仔等待這味數念誠久的故鄉好滋味！</p><p> 一塊一塊白 phau-phau、幼麵麵的「白糖粿」佇油鼎內底泅來泅去，勻勻仔烰起來。細漢的時，老爸𤆬我來買的記持嘛綴咧浮出來，彼是一種幸福佮滿足。看頭家共「白糖粿」滒一沿塗豆糖粉，就若親像一个幼秀的姑娘仔，穿一領媠噹噹的新衫仝款，予人真意愛。</p><p> 你敢知影「白糖粿」是按怎來的？我哪會遐爾佮意「白糖粿」？其實伊毋但酥酥軟軟、口味好，猶閣有一个真媠的故事。伊原底是用來拜七娘媽的，舊曆七月初七是七娘媽生，傳說彼工是牛郎、織女相會的日子，因為怹一冬才見一擺面，所以信眾會共大粒的圓仔硩予平， 中央閣用大頭拇揤一凹，聽講是欲貯織女的目屎。這種祭品號做「糖粿」，嘛有人講是「碗圓仔」。落尾，有人發見共伊搝予長，囥入去油鼎內底糋，食起來特別芳，沓沓仔就演變做現此時的這个形體，嘛成做臺灣南部特殊的喙食物仔。</p><p> 白糖粿的做法看起來真簡單，提秫米粉直接來做就會使。毋過佇古早時代，愛先共秫米浸一站仔，紲落來挨米、硩米漿、做粿粞、搙做規丸才閣捻做一塊一塊落去糋，上尾囥佇塗豆糖粉內底滒滒咧，按呢芳 kòng-kòng、燒燙燙的白糖粿就完成矣，予人看甲喙瀾㴙㴙津呢！</p><p> 佇王浩一先生的「慢食府城」這本冊內底，有記錄著「白糖粿」是漳州佮泉州的傳統點心，我是佇臺南大漢的，嘛誠佮意這種簡單、樸實的厝邊點心。毋過，來到臺北了後，就真罕得聽著「白糖粿」矣！這馬，全臺灣揣無幾擔咧賣白糖粿，逐擺轉去後頭厝，攏會走去買這味！</p><p> “來喔！你的三塊白糖粿好矣！”排佇插插插的人群內底，提著我數想足久的白糖粿， 等袂赴轉到厝就隨咬一喙！“著！就是這味，這就是故鄉的滋味！”</p><p> 觀光客排的是面冊懸頂當時行的古早味，我排的是自細漢以來，囥佇心肝頭甜蜜的懷念。</p><p>☆詞彙學習☆【聊聊仔】liâu-liâu-á：慢慢地、謹慎小心地。</p><p>【烰】phû：油炸，特別指食材會浮在油鍋上。</p><p>【滒】kō：沾、蘸。</p><p>【大頭拇】tuā-thâu-bú：又唸作tuā-thâu-bó。大拇指。</p><p>【秫米】tsu̍ t-bí：糯米。</p><p>【粿粞】kué-tshè/ké-tshuè：糯米磨成漿後， 裝在布袋裡頭，壓上石頭把水分過濾掉，使米漿變成固體狀，可用來搓湯圓或做年糕的材料。</p><p>【搙】jio̍ k/lio̍ k：用手搓揉物品。</p><p>【㴙㴙津】tsha̍ p-tsha̍ p-tin：滴瀝瀝、滴個不停、滴滴答答。</p><p>傱tsông 1.慌亂奔忙。傱來傱去 2.為某種目的四處奔走。傱錢 </p><p>聊聊仔liâu-liâu-á 慢慢地、謹慎小心地。燒茶聊聊仔啉</p><p>綴tuè/tè 跟、隨。你莫綴前綴後。纏綴 tînn-tuè/tînn-tè</p><p>1.服侍、照料。</p><p>2.人與人之間的交際往來。</p><p> 硩teh .壓。</p><p>揤tshi̍h 又唸作ji̍h按。用手向下壓 歪膏揤斜uai-ko-tshi̍h-tshua̍h 歪七扭八。</p><p> 搝khiú 又唸作giú拉扯。 搝搝搦搦khiú-khiú-la̍k-la̍k 拉拉扯扯。</p><p> 糋tsìnn 炸。糋鰇魚 </p><p> 凹nah 1.塌下去、凹下去</p>