<p>2020年暑期前安全教育主题班会</p> <p>གཅིག རིམས་ནད་འགོག་སྲུང་ལ་ཤུགས་སྣོན་བྱེད་པ།</p><p> ༡ སྤྱི་སྤྱོད་རླངས་འཁོར་དང་གློག་སྐས་ནང་བསྐྱོད་དུས་ཁ་ཡོལ་རྒྱག་དགོས། </p><p> ༢ མི་མང་པོ་འདུས་སར་མི་འགྲོ་བ། </p><p> ༣ ཕྱི་ནས་ཁྱིམ་ལ་ལོག་དུས་ངེས་པར་ཏུ་ལག་པ་བཀྲུ་དགོས། </p><p> ༤ ཁྱིམ་ནས་སྡོད་དུས་དྲ་མ་ཕྱེས་ཏེ་ཁ་དབུགས་བརྗེ་དགོས། </p><p> ༥ རིམས་ནད་ཚབས་ཆེན་བྱུང་སའི་ཡུལ་གནས་སུ་མི་འགྲོ་བ།</p><p> ༦ ཉིན་རྒྱུན་གྱི་ངལ་གསོ་དང་ལུས་ཕུང་སྦྱོང་བརྡར་། འཚོ་བཅུད་་བསྡུ་ལེན་བཅས་ལ་དོ་སྣང་བྱེད་པ། </p> <p> གཉིས་པ། འགྲིམ་འགྲུལ་བདེ་འཇགས་ལ་དོ་སྣང་བྱེད་པ། </p><p> ༡ འགྲིམ་འགྲུལ་ཁྲིམས་སྲོལ་བརྩི་སྲུང་བྱས་ནས་གློག་དམར་་ཤར་དུས་མི་བགྲོད་པ་དང་ལམ་འགོག་ལས་མི་བརྒལ་བ།</p><p> ༢ ལམ་དུ་འགྲོ་སྐབས་སམ་ལྕགས་རྟ་ཞོན་སྐབས་ཁ་པར་ལ་མི་བལྟ་བ་དང་རོལ་དབྱངས་མི་ཉན་པ། </p><p> ༣ ལམ་འགྲམ་དང་རླངས་འཁོར་གྱི་འོང་ཁུལ་དུ་རྩེད་མོ་མི་རྩེ་བ།</p><p> ༤ ལོ༡༢ལ་སོན་མེད་པའི་བྱིས་པས་ལྕགས་རྟ་ཞོན་མི་ཆོག་པ་དང་།མི་དར་མའི་ལག་ཁྱེར་ཁ་པར་སྤྱད་དེ་ལྕགས་རྟར་མི་ཞོན་པ། </p><p> ༥ རང་རྟོགས་སྒོས་འགྲིམ་འགྲུལ་དང་སྤྱི་སྤྱོད་རླངས་འཁོར་ནང་སྡོད་པའི་ཚད་གཞི་བརྩི་སྲུང་བྱ་དགོས།</p><p> ༦ རླངས་འཁོར་ལ་འདུག་དུས་སྐྱོབ་ཐག་བཅིངས་དགོས་པ་དང་། ཁ་ལོ་བའི་འདུག་སྟེགས་སྟེང་འདུག་མི་ཆོག</p> <p>གསུམ་པ། ཆུར་བྱིང་དོན་རྐྱེན་སྔོན་འགོག་བྱེད་པ།</p><p> ༡ ཆུ་འགྲམ་དང་ཆུ་ཉེ་སྟེགས་བུ། ལས་ཡུལ་ཆུ་རྫིང་སོགས་སུ་རྩེད་མོ་མི་རྩེ་བ།</p><p> ༢ ཆུ་ལམ་སོགས་ཆུ་ཁོངས་ཀྱི་དངོས་རྫས་སྒྲུག་མི་ཆོག་པ།</p><p> ༣ ཆུ་ལམ་གྱི་འགྲམ་དུ་དངོས་པོ་མི་བཀྲུ་བ་དང་ཉ་སོགས་མི་འཛིན་པ།</p><p> ༤ ཆུ་ལམ་དང་མཚེའུ་སོགས་བདེ་འཇགས་སྒྲིག་ཆས་མེད་པའམ་རོགས་སྐྱོབ་མི་སྣ་མེད་སར་ཆུ་རྩེད་དམ་ཆུ་རྐྱལ་མི་བྱེད་པ།</p><p> ༥ ཆུ་རྐྱལ་རྫིང་བུའི་ནང་དུ་རྩེད་མོ་མི་རྩེ་བ།</p><p> ༦ རོགས་པ་ཆུ་ལ་བྱིང་ན་མི་དར་མའི་རོགས་རམ་བྱེད་པར་སྒུག་པ་དང་མཉམ་དུ་ཆུར་ནུབ་མཁན་ལ་སྲོག་སྐྱོབ་འགྱིག་སྒོར་དང་། ལྦུ་སོབ་པང་ལེབ། སྲོག་སྐྱོབ་ཐག་པ་སོགས་འཕངས་ཆོག་མོད། འོན་ཀྱང་རྨོངས་ཚོད་ཀྱིས་སྐྱོབ་མི་རུང་།</p> <p>བཞི་བ། ཁྱིམ་སྡོད་ཀྱི་བདེ་འཇགས་སྐོར།</p><p> ༡ ལག་པ་རློན་པ་དང་རས་རློན་པས་ཁྱིམ་སྤྱོད་གློག་ཆས་ལ་རེག་མི་རུང་།</p><p> ༢ མི་ཆ་མེད་ལ་སྒོ་ཕྱེ་མི་རུང་།</p><p> ༣ སྒེའུ་ཁུང་ཕྱི་རོལ་དུ་དངོས་པོ་འཕེན་མི་རུང་།</p><p> ༤ སོལ་རླངས་ཀྱི་སྒྲིག་ཆས་ཚད་ལྡན་ངང་སྤྱོད་དགོས་པར་མ་ཟད་སྒེའུ་ཁུང་ཕྱེ་ནས་རླུང་རྒྱུག་ཏུ་འཇུག་དགོས།</p><p> ༥ མེ་རྩེ་མི་རུང་ལ་མེའི་ཉེན་ཁ་བྱུང་ན་དུས་ཐོག་ཏུ119ལ་ཁ་པར་རྒྱག་དགོས།</p> <p>ལྔ། རོལ་རྩེད་བདེ་འཇགས་ལ་དོ་སྣང་བྱེད་དགོས།</p><p> ༡ དྲ་ཁང་དང་ཆང་ཁང་། གློག་རྡུལ་རོལ་རྩེད་ཁང་སོགས་ནར་མ་སོན་པ་འགྲོ་མི་འོས་པའི་གནས་སུ་འགྲོ་མི་རུང་།</p><p> ༢ ལག་ཁྱེར་ཁ་པར་དང་ངོས་ལེབ་གློག་ཀླད་སོགས་གློག་རྡུལ་ཐོན་རྫས་སྤྱོད་པའི་དུས་ཚོད་ལ་ཚོད་འཛིན་བྱས་ནས་དྲ་རྒྱ་དང་གློག་རྡུལ་རོལ་རྩེད་ལ་གཡེང་མི་རུང་།</p><p> ༣ དྲག་ཤུགས་དང་ཆགས་སྲེད་སོགས་བདེ་ཐང་མིན་པའི་དྲ་རྒྱའི་རོལ་རྩེད་འུད་སྒྲོག་མི་བྱེད་པ་དང་། ཆ་འཕྲིན་རྫུན་མ་བཟོ་བ་དང་ཁྱབ་སྤེལ་མི་བྱེད་པ།</p><p> ༤ ཆ་འཕྲིན་གྱི་བདེ་འཇགས་ལ་དོ་སྣང་བྱས་ཏེ་རང་ཉིད་དང་ཁྱིམ་མི། མི་གཞན་གྱི་རུས་མིང་། འདྲ་པར་སོགས་ཀྱི་ཆ་འཕྲིན་དྲ་ཐོག་ནས་མི་བསྐུར་མི་རུང་།</p><p> ༥ དྲ་གྲོགས་སྒྲིག་པར་གཟབ་ནན་དང་། དྲ་གྲོགས་ལ་ཐུག་པར་གཟབ་ནན་བྱེད་དགོས་ལ། གློག་འཕྲིན་དང་དྲ་རྒྱའི་མགོ་སྐོར་ལ་དོགས་ཟོན་བཅས་བྱ་དགོས།</p><p> ༦ ལས་ཡུལ་དང་ལྕགས་ལམ། མཐོ་གནོན་གློག་སྐུད་སོགས་ཉེན་ཁ་ཆེ་བའི་ས་ཁོངས་སུ་རྩེད་མོ་རྩེ་མི་རུང་།</p> <p>དྲུག ཡུལ་སྐོར་བདེ་འཇགས་ལ་མཐོང་ཆེན་བྱེད་པ།</p><p> ༡ གསར་སྤེལ་བྱས་མེད་པ་དང་། སྒོ་འབྱེད་པའི་མཛེས་ལྗོངས་ཁུལ་དུ་ཡུལ་སྐོར་མི་བྱེད་པ་ཤེས་དགོས།</p><p> ༢ ཚད་ལྡན་དང་མཚན་སྙན་ལེགས་པའི་ཡུལ་སྐོར་ལས་དོན་ཁང་བདམས་ཏེ་ཡུལ་སྐོར་གྱི་གན་རྒྱ་འཇོག་པ་དང་འབྲེལ་ཡོད་འགན་བཅོལ་སྒྲུབ་དགོས།</p><p> ༣ འཁོར་རིགས་དང་གྲུ་གཟིངས། གནམ་གྲུ་སོགས་བསམ་ཡུལ་ལས་འདས་པའི་དོན་རྐྱེན་བྱུང་དུས་རང་སྲུང་ཤེས་བྱ་དང་ཐག་གཅོད་་རྒྱུན་ཤེས་ལ་སློབ་སྦྱོང་དང་ཁོང་དུ་ཆུད་པར་བྱེད་དགོས།</p><p> ༤ མགྲོན་ཁང་ནང་སྡོད་སྐབས། ཉེན་ཟོན་བགྲོད་ལམ་དུས་ཐོག་ཏུ་ཤེས་རྟོགས་བྱས་ཏེ་མགྲོན་ཁང་གི་འབྲེལ་གཏུག་བྱང་བུ་ལེན་དགོས།</p><p> ༥ ཉེན་ཁའི་མཚོན་རྟགས་ཡོད་སར་བསྡད་མི་རུང་ལ་པར་ལེན་མི་ཆོག་སར་པར་ལེན་མི་རུང་།</p><p> ༦ ཡུལ་སྐོར་བྱེད་སའི་ཡུལ་སྲོལ་གོམས་གཤིས་དང་འཛེམ་བྱར་བརྩི་འཇོག་བྱེད་དགོས།</p> <p>བདུན། སེམས་ཁམས་བདེ་འཇགས་ལ་ཤུགས་སྣོན་བྱེད་པ། </p><p> ༡ ཕ་མ་དང་དགེ་རྒན།ནང་མི། གྲོགས་པོ་བཅས་དང་འབྲེལ་འདྲིས་དང་ཁ་བརྡ་མང་ཙམ་བྱེད་པ།</p><p> ༢ གཞུང་དྲང་བག་ཡངས་དང་དགེ་མཚན་ལྡན་པའི་གྲོགས་པོ་དང་འགྲོ་འོང་མང་ཙམ་བྱེད་པ།</p><p> ༣ གཞན་ལ་བསམ་ཤེས་དང་རང་ལ་རང་སྐུལ་བྱས་ཤིང་འཛུམ་མདངས་མང་ཙམ་སྟོན་དགོས།</p><p> ༤ གནད་དོན་དང་འཕྲད་ཚེ་རང་ཉིད་ཀྱིས་ཐག་གཅོད་གང་ཐུབ་བྱེད་པ་དང་དུས་མཚུངས་བློ་འདྲི་དང་རོགས་སྐྱོར་བྱེད་ཤེས་དགོས།</p>