<p>༄༅༎ཁྱིམ་བདག་དང་སློབ་གྲོགས་ལྷན་རྒྱས་ཀྱི་སྙན་ལམ་དུ་འབུལ་རྒྱུར།</p><p> རང་རེའི་སློབ་གྲྭས་སྤྱི་ཟླ་7པའི་ཚེས་30ཉིན་ནས་དབྱར་གནང་གཏོང་རྒྱུ་ཡིན་ལ་སྤྱི་ཟླ་8པའི་ཚེས་31ཉིན་ནས་དངོས་སུ་སློབ་མགོ་ཚུགས་རྒྱུ་ཡིན་པས་དེ་ལུགས་ཐུགས་ལ་འཇགས་པར་འཚལ།གཞན་ཡང་དབྱར་གནང་གི་སྐབས་སུ་སློབ་མའི་སློབ་སྦྱོང་གི་འཚོ་བ་དང་བདེ་འཇགས་ཀྱི་སྐོར་ནས་དོན་ཚན་ཁ་ཤས་ཞུ་རྒྱུ་ཡོད་པ་ནི་གཤམ་གསལ་ལྟར།</p> <p>གཅིག དོ་ཚིགས་འབབ་ཞོད་ཆེ་བས་སློབ་མ་དག་ཆུ་འགྲམ་སོགས་སུ་འགྲོ་རུ་མི་འཇུག་པ་གལ་ཆེ།</p> <p>གཉིས།འབྲུ་རིགས་དང་ཤ་མར་སོགས་བདེ་ཐང་གི་ཟ་མ་ཟ་རུ་འཇུག་པ་ལས་རྒྱུན་དུ་ཞོར་ཟས་བཟས་ན་ལུས་ཕུང་ལ་གནོད་པ་ཧ་ཅང་ཆེ།</p> <p>གསུམ།ཉིན་རེའི་ལས་བྱ་ཉིན་རེར་འགྲུབ་ཏུ་འཇུག་རྒྱུ་དང་ངལ་རྩོལ་ལ་ཞུགས་སུ་བཅུག་ཏེ་སློབ་མར་འཚོ་བ་ནི་དཀའ་སྡུག་གི་རྔུལ་ཆུར་བརྗེས་ཡོང་བའི་བདེ་སྐྱིད་ཅིག་ཡིན་པའི་གནས་ལུགས་ཤེས་སུ་འཇུག་དགོས།</p> <p>བཞི།རབ་ཡིན་ན་སློབ་མའི་རིག་ས་ནས་ཆང་མི་འཐུང་བ་དང་ཐ་མག་འཐེན་མི་རུང་།སྐད་ཆ་འདྲ་མིན་སྣ་ཚོགས་བཤད་ན་སློབ་མའི་བདེ་ཐང་གི་སེམས་ཁམས་ལ་གནོད་འགྲོ་བས་ཐུགས་གཟབ་གནང་རོགས།</p> <p>ལྔ།དབྱར་གནང་གི་སྐབས་སུ་སློབ་མར་རླངས་འཁོར་དང་སྦག་སྦག་སྐོར་དུ་འཇུག་མི་རུང་།ལོ་བཅོ་བརྒྱད་མ་ལོན་པར་འགྲུམ་འགྲུལ་ཡོ་བྱད་སྐོར་ན་ཁྲིམས་འགལ་ཡིན་པ་ཤེས་དགོས།</p> <p>དྲུག སློབ་མར་དགོས་མེད་ཀྱི་ཅ་ལག་དང་རྩེད་ཆས་མང་པོ་ཉོ་བ་ལས་མཚམས་རེར་སློབ་སྦྱོང་གི་ཡོ་བྱད་རེ་ཉོས་ན་དེས་སློབ་མའི་དྲང་ཕྱོགས་ཀྱི་འཕེལ་རྒྱས་ལ་ཤུགས་རྐྱེན་ཡག་པོ་ཐེབས་སྲིད།</p> <p>བདུན།རྒྱུན་པར་སློབ་མར་རང་གི་མི་རིགས་ཀྱི་སྲོལ་རྒྱུན་ཡག་པོ་ལག་ལེན་དང་ཡ་རབས་ཚུལ་མཐུན་གྱི་མི་ཞིག་ཡོང་བའི་སློབ་གསོ་གཏོང་དགོས།</p> <p>བརྒྱད།སློབ་མ་ཡར་སྐྱེལ་མར་ལེན་གྱི་ལམ་བར་དུ་ཁྱེད་ཁྱིམ་བདག་ཚོས་རང་གཞན་ཀུན་གྱི་བདེ་འཇགས་ལ་དོ་སྣང་གཙིགས་ཆེན་བྱེད་རྒྱུ་གལ་ཆེ།</p> <p>དགུ ཏོག་དབྱིབས་ནད་དུག་གི་གནས་ཚུལ་ད་དུང་ཛ་དྲག་ཆེ་བའི་སྐབས་ཡིན་པས།ཐག་རིང་དུ་མི་འགྲོ་བ་དང་དུས་རྒྱུན་ཁ་ཐུམ་རྒྱག་པ་དང་གཙང་སྦྲ་འཕྲོད་བསྟེན་རྒྱུན་འཁྱོངས་བྱེད་དགོས།</p> <p>མཐར་ཁྱེད་ཅག་གི་ཅི་བསམ་ལྷུན་གྲུབ་དང་བྱ་བ་ལམ་འགྲོ་ཡོང་བའི་སྨོན་ལམ།</p><p></p>