<p> ཁྱིམ་ཚང་དང་སློབ་ར། ཁྱིམ་བདག་དང་སློབ་མ་བཅས་ཀྱི་མཛའ་བརྩེའི་འབྲེལ་བ་ཇེ་ལེགས་དང་སློབ་མའི་ལག་བཟོའི་གསར་གཏོད་ནུས་བ་གོང་མཐོར་གཏོང་བ། དེ་མིན་ཁྱིམ་བདག་རྣམ་པས་བྱིས་སྙོར་ཁང་གི་བྱ་བར་རྒྱུས་ལོན་གཏིང་ཟབ་འཐོབ་ཆེད། ༢༠༢༠ལོའི་ཟླ༧པའི༡༦ཉིན་ཟམ་ཚ་གྲོང་རྡལ་རུ་མོ་ཆེ་སྐད་གཉིས་བྱིས་སྙོར་ཁང་གིས་ལག་བཟོས་པའི་གཅེས་ནོར་ཞེས་པའི་བརྩམས་ཆོས་འགྲེམ་སྟོན་གྱི་བྱ་འགུལ་སྤེལ།</p> <p> ཐེངས་འདིའི་བྱ་འགུལ་ནི་ཁྱིམ་བདག་རྣམ་པའི་ཁྲིད་སྟོན་འོག་སྟབས་བདེའི་དངོས་པོས་ལག་བཟོའི་བརྩམས་ཆོས་བཟོ་རྒྱུ་དེ་ཡིན། བྱ་འགུལ་ཁྲོད་ཁྱོན་ཡོངས་ཁྱིམ་གྲངས ༢༥ ཞུགས་ཡོད་ལ། ལག་བཟོས་བརྩམས་ཆོས་ཁ་གྲངས ༣༠ ལྷག་འདུས་ཡོད། དེའི་ཁྲོད་བྱ་དགའ་ཐོབ་པའི་བརྩམས་ཆོས ༤ ཡོད།</p> <p> ༢༠༢༠ལོའི ༧ པའི་ཚེས ༡༦ ཉིན་གྱི་ཞོགས་པར་བྱིས་སྙོར་ཁང་ནས་སྟབས་བདེའི་ལག་བཟོས་འགྲེམ་སྟོན་བརྩམས་ཆོས་འགྲེམ་སྟོན་མཛད་སྒོ་བསྡུས། དེའི་ཁྲོད་དུ་ཁྱིམ་བདག་རྣམ་པས་ལག་བཟོའི་བརྩམས་ཆོས་ལ་སྤྲོ་སྣང་ལྡན་པའི་ངང་ནས་ཞིབ་ལྟ་དང་རྒྱུས་ལོན་བྱས། ཐེངས་འདིའི་བྱ་འགུལ་བརྒྱུད་ནས་སློབ་མ་དང་ཁྱིམ་བདག་རྣམ་པར་བློ་སྐྱེད་མི་དམན་འཐོབ་པ་མ་ཟད་ཁྱིམ་བདག་དང་བྱིས་སྙོར་ཁང་གི་འབྲེལ་བ་གཏིང་ཇེ་ཟབ་ཏུ་ཕྱིན། དེ་དང་བསྟུན་ནས་ཁྱིམ་བདག་དང་བྱིས་པ་རྣམས་ཀྱི་མཉམ་འབྲེལ་གྱི་བསམ་བློ། བཟོ་རྩལ། གསར་གཏོད་ཀྱི་ནུས་པ་མཐོར་འདེགས་དང་བྱིས་པ་རྣམས་ཀྱིས་སྟབས་བདེའི་ཅ་ལག་བསྐྱར་བཀོལ་དང་སྲུང་སྐྱོབ་བྱེད་པའི་འདུ་ཤེས་སྐྱེད་སྲིང་བྱས། བྱིས་པ་རྣམས་ཀྱིས་ལག་བཟོའི་གཅེས་ནོར་ཞེས་པའི་བྱ་འགུལ་འདི་བརྒྱུད་ནས་རང་ཉིད་ཡང་ཁོར་ཡུག་སྲུང་སྐྱོབ་པ་ཆུང་ཆུང་ཞིག་བྱེད་པའི་ངོས་ཟིན་ཟབ་མོ་རྙེད་པ་དང་། བྱ་འགུལ་འདིས་བྱིས་སྙོར་ཁང་དང་ཁྱིམ་བདག་རྣམ་པའི་འབྲེལ་བ་ཇེ་ཟབ་ཏུ་གཏོང་བའི་གསེར་གྱི་ཟམ་པ་ཞིག་ཀྱང་བསྐྲུན་ལ་ཁྱིམ་བདག་རྣམ་པར་དགེ་རྒན་གྱི་བྱ་བར་རྒྱུས་ལོན་བྱེད་པ་དང་རྗེས་ཕྱོགས་གསོ་སྐྱོང་ཁྲོད་དུ་མུ་མཐུད་རྒྱབ་སྐྱོར་དང་གཞོགས་འདེགས་བྱ་རྒྱུའི་ངེས་ཤེས་གསལ་བོ་རྙེད་ཐུབ་བྱུང་།</p>