<p> གཅིག བྱིས་པའི་དུས་ཆེན་གྱི་བྱ་འགུལ་བརྡ་ཐོ།📣📣</p><p><br></p><p> ཟླ་དྲུག་པ་ནི་བྱིས་དུས་ཀྱི་དབྱངས་རྟ་རེད།🎵</p><p><br></p><p> ཟླ་དྲུག་པ་ནི་བྱིས་དུས་ཀྱི་འབྱུང་གནས་རེད། 🌆</p><p><br></p><p> ཟླ་དྲུག་པ་ནི་བྱིས་དུས་རྨི་ལམ་གྱི་ཞིང་ཁམས་རེད། 🌜</p><p><br></p><p> ཟླ་དྲུག་པ་ནི་བྱིས་དུས་ཀྱི་ས་གཤིན་རེད།།🏞️</p><p><br></p><p> ཟླ་དྲུག་པ་ནི་བྱིས་དུས་ཀྱི་ཉི་མ་རེད།☀</p><p><br></p><p> འཚོ་བའི་ང་ཚོར་བསམ་ཡུལ་ལས་འདས་པའི་རྡུང་རྡེག་གཏོང་སྲིད་མོད།འོན་ཀྱང་ང་ཚོར་བསམ་ཡུལ་ལས་འདས་པའི་དགའ་སྤྲོ་ཡང་སྟེར་སྲིད།རིམས་ནད་ལ་སྙིང་རྗེ་མེད་རུང་མི་ཡུལ་ལ་བརྩེ་སེམས་ཡོད་པས་དགུན་རྒྱ་སྟག་འདྲ་ཞིག་ཕར་ལ་བསྐྱལ་ནས་དབྱར་ཕ་མ་འདྲ་ཞིག་ཚུར་ལ་བསུ་ངེས་ཡིན།ང་ཚོས་འཐབ་ས་ན་ཡོད་པས་ཨ་ཁུ་དང་ཨ་ནེ་དག་ལ་འགོག་རྒོལ་བྱེད་རོགས་བྱེད་མི་ཐུབ་རུང་།འོན་ཀྱང་ང་ཚོས་ཟང་ཟིང་མི་བཟོ་བ་དང་།ཕྱི་ལ་ཉུང་ཙམ་འགྲོ་བ།ལག་པ་བཀྲུ་བ།ཁ་ཐུམ་རྒྱག་པ་བཅས་བྱས་ཏེ་རང་ཉིད་སྲུང་སྐྱོབ་ཡག་པོ་བྱས་ནས་ཚད་དང་མཐུན་ཞིང་ཕུལ་དུ་བྱུང་བའི་བྱིས་པ་ཞིག་བྱེད་དགོས།</p><p> དམིགས་བསལ་གྱི་རིམས་ནད་དང་།དམིགས་བསལ་གྱི་ལོ་གསར།དམིགས་བསལ་གྱི་གུང་གསེང་།དམིགས་བསལ་གྱི་འཚར་ལོངས།དམིགས་བསལ་གྱི་དྲུག་གཅིག་བྱིས་པའི་དུས་ཆེན།</p><p> ལོ་གཅིག་དུས་གཅིག་གི“དྲུག་གཅིག”བྱིས་པའི་དུས་ཆེན་ནི་བྱིས་པ་ཚོའི་རེ་སྒུག་ཆེ་ཤོས་བྱེད་པའི་དུས་ཆེན་ཞིག་ཡིན་ལ་བྱིས་སྐྱོང་ཁང་གི་ཆེས་གཟབ་རྒྱས་ཀྱི་དུས་ཆེན་ལ་རྟེན་འབྲེལ་ཞུ་བའི་བྱེད་སྒོ་ཞིག་ཀྱང་རེད།འོན་ཀྱང་ད་ལོའི་རིམས་ནད་ཀྱི་རྐྱེན་གྱིས་ང་ཚོ་ཚང་མ་མཉམ་དུ་འཛོམས་ནས་དགའ་སྤྲོའི་དུས་ཆེན་དེར་རྟེན་འབྲེལ་ཞུ་མི་ཐུབ་པས་བྱིས་པ་ཚོ་བློ་ཕམ་དང་སེམས་སྡུག་ཡོང་རྒྱུ་ནི་གཡོལ་ཐབས་མེད་པ་ཞིག་རེད།ཡིན་ནའང་བྱིས་པ་ཚོ་ཁྱིམ་དུ་བསྡད་ཀྱང་ང་ཚོར་དེ་དང་མཚུངས་པའི“དྲུག་གཅིག”བྱིས་པའི་དུས་ཆེན་སྐྱིད་པོ་ཞིག་ཡོད།</p><p> ད་ལོའི་དྲུག་གཅིག་བྱིས་པའི་དུས་ཆེན་ནི་ཧ་ཅང་དམིགས་བསལ་ཅན་ཞིག་ཡིན་ལ།བྱིས་པ་རྣམས་ཡང་རང་ཉིད་ཀྱི་གྲོགས་པོ་ཆུང་ཆུང་དང་དགེ་རྒན་ཚོ་དང་མཉམ་དུ་དུས་ཆེན་ལ་རོལ་མི་ཐུབ་མོད།འོན་ཀྱང་རང་ཉིད་ཀྱི་སྙིང་ནས་བརྩེ་བའི་ཕ་མ།ཁྱིམ་མི་ཚོ་དང་མཉམ་དུ་དུས་ཆེན་གྱི་དཔལ་ལ་རོལ་བ་ནི་ཆེས་སྤྲོ་སྣང་ལྡན་པ་ཞིག་ཡིན།</p> <p>བྱིས་དུས་ནི་རྨི་ལམ་ཡིན་ལ།མཚར་སྡུག་འོད་སྟོང་འབར་བའི་མི་ཚེའི་བགྲོད་ལམ་ཞིག་ཀྱང་ཡིན།🎨བྱིས་དུས་ནི་སྙན་ངག་ཡིན་ལ།དཔེར་ན་སྐར་ཚོགས་བཀྲ་བའི་ནམ་མཁའ་དང་འདྲ།བྱིས་དུས་ནི་གླུ་གཞས་ཞིག་ཡིན་ལ།བདེ་སྐྱིད་ཀྱི་ཕུགས་འདུན་བཅོལ་ཡོད།“དྲུག་གཅིག”བྱིས་པའི་དུས་ཆེན་ནི་བྱིས་པ་ཚོ་དགའ་ཞེན་ཆེ་བའི་དུས་ཆེན་ཞིག་རེད།💃ལོ་རེའི་དུས་འདིར་བྱིས་སྐྱོང་ཁང་གི་གང་ས་གང་དུ་དགའ་སྤྲོའི་ཁེངས་ནས་བྱིས་པ་ཚོའི་དགེ་རྒན་དང་མཉམ་དུ་དྲུག་གཅིག་བྱིས་པའི་དུས་ཆེན་ལ་སྤྲོ་སེམས་འཁོལ་བའི་ངང་གྲ་སྒྲིག་བྱེད་ཀྱིན་ཡོད།🎄ཡིན་ཡང་ད་ལོའི“དྲུག་གཅིག”བྱིས་པའི་དུས་ཆེན་ནི་ང་ཚོའི་བརྗེད་དཀའ་བ་ཞིག་རེད།ངེད་བྱིས་སྐྱོང་ཁང་གིས་བྱིས་པ་ཚོ་སྤྲོ་སྣང་ལྡན་པའི་ཆེད་2020ལོའི་དྲུག་གཅིག་བྱིས་པའི་དུས་ཆེན་ལ་ཡང་"ལག་གདང་སྦྲེལ་ནས་རིམས་ནད་འགོག སྤྲོ་སྐྱིད་ལྡན་པའི་དྲུག་གཅིག་རོལ།"ཞེས་པའི་བྱ་འགུལ་གྲ་སྒྲིག་བྱས་ཡོད།🎉</p> <p>གྲོགས་པོ་ཆུང་ཆུང་ཚོའི་ངོ་མཚར་ཆེ་བའི་འཁྲབ་སྟོན་ལ་ལྟོས་དང་།</p>