<p style="text-align: center;"><b style="font-size: 20px;">དཀར་མཛེས་རྫོང་མི་རིགས་སློབ་འབྲིང་གི་ན་གཞོན་དགེ་རྒན་གྱི་སློབ་ཁྲིད་འགྲན་སྡུར།-དགེ་རྒན་ཞིག་ཡིན་ཕྱིན་ཚེ་གང་སློབ་སྦྱོང་བྱེད་རྒྱུ་ནི་ཕྲག་ཏུ་བབས་པའི་འོས་འགན་རྣལ་མ་དེའོ།།</b></p><p style="text-align: center;"><b style="font-size: 18px;">教坛新秀展风采，赛课研讨促成长—甘孜县民族中学第九期青年教师汇报课记实（一）</b></p> <p> དྭངས་གཙང་གི་སློབ་ར་ནས་དབྱར་གྱི་མེ་ཏོག་གིས་འཛུམ་མདངས་སྟོན་པའི་དུས་བཟང་འདིར། ངེད་དཀར་མཛེས་རྫོང་མི་རིགས་སློབ་འབྲིང་གི་ན་གཞོན་དགེ་རྒན་སྐོར་ཞིག་གིས་རྒན་སློབ་ཡོངས་ལ་ལྟད་མོ་ངོ་མཚར་ཆེ་བ་ཞིག་བསྟན་ཡོད། </p><p> དེ་ནི ༢༠༢༠ ལོའི་སྤྱི་ཟླ ༥ པའི་ཚེས ༡༨ ནས་ཚེས ༢༢ བར་སློབ་གྲྭའི་དབུ་ཁྲིད་རྣམས་ཀྱི་རྒྱབ་སྐྱོར་དང་། སློབ་དཔྱོད་ཁང་གི་མཛུབ་སྟོན་དང་སྣེ་ཁྲིད་ལ་བརྟེན་ནས།ན་གཞོན་དགེ་རྒན ༢༨ ཀྱིས་སློབ་ཁྲིད་འགྲན་སྡུར་བྱེད་པའི་བྱ་འགུལ་ཆེན་པོ་ཞིག་སྤེལ་བ་དེ་ལགས།བྱ་འགུལ་ཁྲོད་དུ་ན་གཞོན་དགེ་རྒན་སོ་སོས་སློབ་ཁྲིད་དང་ཡིག་གཟུགས་བཤམས་སྟོན་བྱས་པ་མ་ཟད། ཆེད་མཁས་དགེ་རྒན་ཚོས་དེ་དག་ལ་སྐར་འདེབས་དང་དཔྱད་བརྗོད་ལྷུག་པར་མཛད།སློབ་ཁྲིད་གསན་པར་སློབ་གྲྭའི་དགེ་རྒན་ཡོངས་ཞུགས་པ་རེད།</p> <p style="text-align: center;"> ཡིག་གཟུགས་འགྲན་སྡུར་གྱི་ཟུར་ཞིག</p> <p> ཐེངས་འདིའི་འགྲན་ཞུགས་དགེ་རྒན ༢༨ ལས་རིགས་དང་པོའི་དགེ་རྒན ༧ ཙམ་ལས་མེད་ཀྱང་། རྒན་སློབ་ཡོངས་ཀྱི་དྲན་ཤེས་སུ་ཁོ་ཚོའི་སློབ་ཁྲིད་ནི་ཡུལ་དུས་དང་མཐུན་ཞིང་།སློབ་མའི་གོ་རྟོགས་དང་འགྲོགས་པའི་ཁྱད་འཕགས་ཀྱི་སློབ་ཁྲིད་ཁོ་ན་རེད་འདུག</p> <p>དེ་དག་སོ་སོ་ནི། </p><p> དགེ་རྒན་བཀྲ་ཤིས་ལྷ་མོའི་ལྗིད་ཤུགས་དང་གནོན་ཤུགས་ཅེས་པའི་དངོས་ལུགས་སློབ་ཁྲིད་ཕུལ་དུ་བྱུང་བ་དེ་དང་གཅིག</p><p> དགེ་རྒན་ལྷ་མོ་དབྱངས་སྒྲོན་གྱི་ཕྱག་འཇུས་གནང་བ་ཞེས་པའི་བོད་ཡིག་སློབ་ཁྲིད་བག་ཕེབས་པ་དེ་དང་གཉིས།</p><p> དགེ་རྒན་དབྱངས་སྐྱིད་ཀྱི་ཞང་ཀང་དང་ཨའོ་མོན་ཕྱིར་ལོག་པ་ཞེས་པའི་ལོ་རྒྱུས་སློབ་ཁྲིད་ཤིན་ཏུ་སྙན་པ་དེ་དང་གསུམ། </p><p> དགེ་རྒན་དབྱངས་ཅན་མཚོའི་རང་སུམ་སྒྱུར་གཞི་ཞེས་པའི་གྲངས་རིག་སློབ་ཁྲིད་ཁ་གསལ་ཞིང་སྒྲིག་གཞི་དམ་པ་དེ་དང་བཞི། </p><p> དགེ་རྒན་ཀུན་བཟང་ཆོས་སྒྲོན་གྱི་མི་རིགས་མཐུན་སྒྲིལ་དང་མེས་རྒྱལ་གཅིག་གྱུར་ཞེས་པའི་ལོ་རྒྱུས་སློབ་ཁྲིད་གསོན་ཉམས་ལྡན་པ་དེ་དང་ལྔ། </p><p> དགེ་རྒན་བློ་བཟང་ལྷ་སྐྱིད་ཀྱི་དམག་དུས་གུང་ཁྲན་རིང་ལུགས་ནས་སི་ཏ་ལིན་མ་དཔེ་བར་ཞེས་པའི་ལོ་རྒྱུས་སློབ་ཁྲིད་མིག་དཔེ་འོས་པ་དེ་དང་དྲུག</p><p> དགེ་རྒན་བདེ་སྐྱིད་དབྱངས་མཚོའི་རིམས་ཐར་དང་འཆར་ལྡན་རིམས་ཐར་ཞེས་པའི་སྐྱེ་དངོས་སློབ་ཁྲིད་ཡ་མཚན་ཅན་དེ་དང་མདུན་ནོ། །</p> <p style="text-align: center;">ཆེད་མཁས་དགེ་རྒན་ཚོས་དཔྱད་བརྗོད་གནང་བཞིན་པའི་ཟུར་ཞིག</p> <p> ཐེངས་འདིས་བྱ་འགུལ་བརྒྱུད་ནས་སློབ་གྲྭའི་དགེ་རྒན་ཡོངས་ཀྱི་ཁྲིད་ཐབས་ལ་གོམ་གང་མདུན་སྤོས་གྱི་ནུས་པ་དང་། ན་གཞོན་དགེ་རྒན་ཚོའི་སློབ་ཁྲིད་ལ་ཡར་རྒྱས་གོང་འཕེལ་གྱི་སྐུལ་འདེད་ཆེན་པོ་ཐེབས་སོང་།</p> <p> མདོར་ན་མི་རིགས་སློབ་གསོ་ལ་རྒྱལ་ཁ་ཐོབ་དགོས་ན་མི་རིགས་སློབ་གསོ་གཉེར་མཁན་ཁག་ལ་རང་རྟོགས་རང་འགུལ་གྱི་ཞིབ་འཇུག་ནུས་པ་ཡོད་དགོས་ཤིང་། དུས་རབས་འཕེལ་ཕྱོགས་དང་ཡང་བསྟུན་ཐུབ་ན། ད་གཟོད་ཡུན་བརྟན་མུས་སྤེལ་འཐུས་པའི་འཕེལ་རྒྱས་ཀྱི་བགྲོད་ལམ་ཞིག་རྙེད་ཐུབ་པས། བྱེད་སྒོ་འདི་འདྲ་བ་དང་སྦྱོང་བརྡར་འདི་འདྲ་བ། དེ་མིན་དཔྱད་བརྗོད་འདི་འདྲ་བ་ལ་ང་ཚོས་བརྩོན་ལེན་དང་ཡི་རང་བྱེད་འོས་སོ།།</p>