<p> ࿐ཨ་ཕོ་ཧོར།</p><p>འཛུམ་འདང་དང་གུས་ཚིག་མི་དགོས་ཤིང་</p><p>ཕྱི་ཚུལ་གྱི་དྲན་པ་ནག་ནོག་ཞིག</p><p>མཐོ་ནམ་མཁའི་དབྱངས་དམའ་ས་གཞིའི་དཀྱིལ།</p><p>དྲན་པ་བཟི་བའི་ལོ་ཟླའི་ཁུགས་སྐྱ་སྟེ།</p><p>གྲོགས་བརྒྱབ་ནས་གཅེར་བུ་འབུད་ཀྱིན་པའི་</p><p>པར་མིག་གི་འཇིག་རྟེན། གནས་འདིར། </p><p>ཁྱོད་ཀྱི་ཨ་མའི་སྐྱེས་གཟུགས་དང་ལང་ཚོ་</p><p>ལོ་གྲངས་དང་ནམ་ཚ་ག་ཚོད་ཡིན་པ་ར་འཕྲོད་ཐུབ།</p><p>དོ་ནུབ་ཆོ་ག་ག་ཤེད་བདག་མེད་དུ་འཛིན་བཞིན།</p><p>ཨ་མའི་པར་མིག་གི་ཁམས་རིས་ཆོ་ག་གསར་བ་བཙལ་ཆོག</p><p>དེ་ནི་གཟའ་འཐོར་འགོག་པའི་ལྕགས་རི་ཡིན་ནམ།</p><p>གཟའ་འཐོར་འགྲོ་བྱེད་ལྕགས་ཀྱུ་ཡིན་ནམ།</p><p>གང་ལྟར་མི་མཐུད་དྲ་ལམ་ནས་རྗེས་དྲན་ཞུས།</p><p>བསྟོད་བསྔགས་ཕུལ། </p><p>ཁྱེད་ཀྱི་ཨ་མ་ཆོ་ག་དུ་ཡི་ན་ཚོད་ཡིན་པར་རྟོགས་ངེས།</p><p> 2020ལོའི་ཟླ་5ཚེས10།</p>