<h1 style="text-align: center;"><font color="#191919">༼རེ་བའི་གཟེངས་བུམ༽ཐེངས་གཉིས་པའི་སློབ་རའི་རྐང་རྩེད་སྤོ་ལོ་འགྲན་བསྡུར།</font></h1> <h1 style="text-align: center; "><i><font color="#39b54a">མཛའ་བརྩེ་དང་པོ། འགྲན་བསྡུར་གཉིས་པ། </font></i></h1><h3><br></h3><h3></h3> <h3> སློབ་མའི་ལུས་རྩལ་བྱེད་སྒོ་ཕུན་སུམ་ཇེ་ཚོགས་སུ་གཏོང་བ་དང་།གཞོན་ནུ་ལོ་ཆུང་གི་གཟུགས་གཞི་བདེ་ཐང་དུ་གཏོང་བ།སློབ་མའི་འགུལ་སྐྱོད་རྩལ་ནུས་སྔ་བས་མཐོ་རུ་གཏོང་བ་དང་དུས་རྒྱུན་འཚོ་བའི་ཁྲོད་དུ་སློབ་མ་རང་ཉིད་ཀྱིས་འབད་འབུངས་བྱེད་པའི་འདུ་ཤེས།སྙིང་སྟོབས་སོགས་ཁྱོན་ཡོངས་ནས་སྐུལ་འདེད་གཏོང་བའི་ཆེད་དུ་ངེད་སློབ་གྲྭས་༢༠༢༠ལོའི་ཟླ༤པའི་ཚེས༡༨ནས་ཚེས༢༨བར་གཟའ་འཁོར་གཉིས་ཀྱི་ཕྱི་དྲོའི་དུས་ཚོད་བེད་སྤྱད་དེ་ནང་ཆེན་རྫོང་བོད་ཡིག་སློབ་འབྲིང་གཉིས་པའི་སྐབས་གཉིས་པའི༼རེ་བའི་གཟེངས་བུམ༽སློབ་རའི་རྐང་རྩེད་སྤོ་ལོ་འགྲན་བསྡུར་གྱི་བྱེད་སྒོ་གཟབ་རྒྱས་ངང་སྤེལ།</h3> <h1 style="text-align: center;"><font color="#39b54a">ན་ཆུང་གཞོན་ནུ་ཚོའི་ལང་ཚོའི་གཟི་བྱིན།</font></h1> <h3> སློབ་གྲྭའི་སྲིད་སྟོན་ཁང་གི་གཙོ་གཉེར་དང་འཛིན་གྲྭ་སོ་སོའི་འཛིན་བདག་དང་རྐང་རྩེད་ལ་མོས་པའི་དགེ་རྒན་དག་གི་རོགས་སྒྲུབ་ཀྱིས་སྤེལ་བའི་འགྲན་བསྡུར་འདི།འགྲན་ཞུགས་མཁན་ཚོས་ལང་ཚོའི་ཉམས་འགྱུར་མངོན་པར་བྱས་ཤིང་།འགྲན་རའི་དཀྱིལ་དུ་རྐང་རྩེད་སྤོ་ལོའི་ལུས་རྩལ་ཡིད་དབང་འཕྲོག་པའི་སྟོབས་ཤུགས་མངོན་ཡོད་པ་རེད།སློབ་གྲོགས་ཚོས་སྤྲོ་སེམས་རབ་ཏུ་འཁོལ་བ་དང་བརྩེ་བ་ཟབ་མོས་འགྲན་ཞུགས་པ་ཚོ་ལ་བསྔགས་བརྗོད་བྱེད་ཀྱིན་ཡོད་།རྐང་རྩེད་འགྲན་བསྡུར་གྱི་རྣམ་པ་ཧ་ཅང་འཁྲུག་ཆ་དོད་པོར་གནས།བརྗིད་ཉམས་ལྡན་པའི་ཟིལ་ཤུགས་ཀྱིས་སློབ་རའི་ནང་དུ་སྤྲོ་སེམས་རབ་ཏུ་རྒྱས།ད་ཐེངས་ཀྱི་འགྲན་བསྡུར་དེ་གཟའ་འཁོར་གཉིས་ཀྱི་རིང་དུ་སྤེལ་ཞིང་།མཐར་ཟླ་བ་༤པའི་ཚེས་༢༨ཉིན་གྱི་ཕྱི་དྲོར་ཆེས་མཇུག་མཐའི་རྒྱལ་ཕམ་ཐག་གཅོད་ཀྱི་འགྲན་བསྡུར་སྤེལ་ཏེ།བདུན་བཞི་འཛིན་གྲྭ་དང་བརྒྱད་གསུམ་འཛིན་གྲྭ་ལ་ཨང་དང་པོ་ཐོབ་པ་དང་།བདུན་ལྔ་འཛིན་གྲྭ་དང་བརྒྱད་བདུན་འཛིན་གྲྭ་ལ་ཨང་གཉིས་པ་ཐོབ།བདུན་གསུམ་འཛིན་གྲྭ་དང་བརྒྱད་བཞི་འཛིན་གྲྭ་ལ་ཨང་གསུམ་པ་ཐོབ།</h3> <h1 style="text-align: center;"><font color="#b04fbb">རྒྱལ་ཕམ་གསལ་བའི་དཔེ་རིས།</font></h1> <h3 style="text-align: center;">ཐེངས་འདིའི་འགྲན་བསྡུར་ཁྲོད་ཨང་དང་པོ་ཐོབ་མཁན་གྱི་འཛིན་གྲྭ་གཉིས།</h3> <p style="text-align: center; white-space: normal; -webkit-tap-highlight-color: rgba(26, 26, 26, 0.301961); -webkit-text-size-adjust: auto;">ཐེངས་འདིའི་འགྲན་བསྡུར་ཁྲོད་ཨང་གཉིས་པ་ཐོབ་མཁན་གྱི་འཛིན་གྲྭ་གཉིས།</h3> <p style="text-align: center; white-space: normal; -webkit-tap-highlight-color: rgba(26, 26, 26, 0.301961); -webkit-text-size-adjust: auto;">ཐེངས་འདིའི་འགྲན་བསྡུར་ཁྲོད་ཨང་གསུམ་པ་ཐོབ་མཁན་གྱི་འཛིན་གྲྭ་གཉིས།</h3> <p style="text-align: center;">ཉི་འོད་དང་ལྷགས་རླུང་ཁྲོད་ནས་དངུལ་ཆུའི་འགྲོ་སོང་གཏང་མཁན་ཤན་འབྱེད་པ་དགེ་རྒན་བཞི་ལ་བྱ་དགའ་ཕུལ།<br></h3><h3 style="text-align: center;"><br></h3><h3></h3> <h3> ས་གཞི་ཀུན་ཏུ་ཡར་བསྐྱེད་ཀྱི་གསོན་ཤུགས་རྒྱས་ཤིང་རེ་བ་དང་གདེང་ཚོད་ཀྱི་ལྗང་མྱུག་འབུས་བཞིན་པའི་ཡུལ་གྲུ་འདིའི་ཁུག་སོ་ནས་སློབ་མ་དག་སློབ་གསེང་གི་འཚོ་བ་ཕུན་སུམ་ཚོགས་པ་དང་མཐུན་སྒྲིལ་གྱི་འདུ་ཤེས།རྐང་གྲུག་ལུས་རྩལ་ལ་མོས་པ་སོགས་སྐྱེད་སྲིང་དང་མུ་མཐུད་དུ་ང་ཚོ་ནམ་ཡང་བདེ་སྐྱིད་ཀྱི་མེ་ཏོག་བཞད་པའི་སྤང་ལྗོངས་ཆེན་མོའི་ཁུད་ནས་ཤེས་རིག་གི་བཀྲག་མདངས་འཚེར་བཞིན་ལང་ཚོའི་འདབ་མ་ལྷུག་པོར་གྲོལ་བར་སྤོབས་པ་ཆེན་པོ་སྐྱོད་དགོས་པའི་སྐུལ་ལྕག་གནང་། </h3><p style="white-space: normal; -webkit-tap-highlight-color: rgba(26, 26, 26, 0.301961); -webkit-text-size-adjust: auto;"></h3><h3> སྐབས་འདིའི་སློབ་རའི་རྐང་རྩེད་སྤོ་ལོའི་འགྲན་བསྡུར་གྱི་བྱེད་སྒོ་སྤེལ་བ་དེ་རང་རེའི་སློབ་གྲྭའི་སློབ་མའི་བསམ་པའི་ཉམས་འགྱུར་དང་ལུས་རྩལ་གྱི་སྙིང་སྟོབས་བཟང་པོ་གང་ལེགས་མངོན་པར་མ་ཟད།སློབ་གྲྭའི་རྐང་རྩེད་སྤོ་ལོའི་ཡིད་དབང་འཕྲོག་ཐུབ་པའི་ལེགས་ཆ་མངོན་ཡོད།སློབ་མའི་སློབ་གྲྭའི་འཚོ་བ་ཕུན་སུམ་ཇེ་ཚོགས་སུ་བཏང་བ་དང་།སློབ་མའི་འདུན་པ་སྦྱོང་བརྡར་བྱས། དེ་དང་ཆབས་ཅིག་རང་རེའི་སློབ་གྲྭའི་རྐང་རྩེད་སྤོ་ལོའི་རྣམ་གྲངས་དབྱར་མཚོ་རྒྱས་པ་ལྟར་འཕེལ་རྒྱས་འགྲོ་རྒྱུར་སྐུལ་འདེད་བྱས་ནས།སློབ་གྲོགས་ཚོའི་མཐུན་སྒྲིལ་གྱི་སྙིང་སྟོབས་དང་གཟི་བརྗིད་ཀྱི་བསམ་པ་ཆེ་རུ་བཏང་ནས་དགེ་སློབ་ཚོའི་སློབ་གྲྭའི་འཚོ་བར་མཛེས་སྡུག་ལྡན་པ་དང་བརྗེད་པར་དཀའ་བའི་ཕྱིར་དྲན་བྱ་སར་གྱུར།</h3>