<p><b style="font-size: 20px;">༼ངས་ནམ་ཡང་སེམས་གཏིང་ནས་དྲན་བཞིན་ཡོད༽</b></p> <p><b style="font-size: 20px;"> བསྟན་པའི་དོན་ལ་ཤ་ཚའི་སྙིང་གཏམ་སྨྲ།།</b></p><p><b style="font-size: 20px;"> བདེན་པའི་དོན་ལ་དྲང་གཏམ་དངོས་སུ་བརྗོད།།</b></p><p><b style="font-size: 20px;"> རྒྱལ་བསྟན་རིག་པའི་དེབ་ཕྲེང་དུ་མ་ཅན།།</b></p><p><b style="font-size: 20px;"> འགྲོ་བའི་དོན་དུ་ཚ་གྲང་ཁྱད་དུ་བསད</b></p> <p><b style="font-size: 20px;"> བླ་ཆེན་སྤྲུལ་སྐུའི་གོ་ས་བསྙེགས་མ་མྱོང་།།</b></p><p><b style="font-size: 20px;"> དཔོན་ཆེན་བུ་ཡི་ཐོབ་ཐང་རྩོད་མ་མྱོང་།།</b></p><p><b style="font-size: 20px;"> སློབ་མ་དུ་མར་ལྔ་རིག་ཤེས་བྱའི་གནས།།</b></p><p><b style="font-size: 20px;"> ཨེ་ཤེས་ཨེ་གོ་བརྩོན་པའི་སེམས་དཔའ་གཅིག།།</b></p><p><br></p> <p><b style="font-size: 20px;"> དཀའ་སྡུག་འཁྲུལ་སྣང་རླུང་འཚུབ་རྒོད་ན་ཡང་།།</b></p><p><b style="font-size: 20px;"> དེབ་དང་སྨྱུག་གུའི་མི་ཚེ་བྲལ་མ་མྱོང་།།</b></p><p><b style="font-size: 20px;"> བདེན་པའི་ལྟ་གྲུབ་སྐྱེལ་བའི་དགེ་རྒན་འདི།།</b></p><p><b style="font-size: 20px;"> ད་དུང་འདི་འདྲ་རེ་གཉིས་ཡོད་ན་བསམ།</b></p> <p><b style="font-size: 20px;"> སྐུ་ཚེ་བརྟན་ཅིང་མཛད་འཕྲིན་རྒྱས་གྱུར་ཅིག།</b></p> <p><b style="font-size: 20px;"> བྲག་སྨྱོན་ཡ་མ་ར་ཛས་སྒོ་གསུམ་སྙིང་ནས་ཕུལ།།</b></p>