<p> དགེ་རྒན་ཞིག་ལ་མཚོན་ན་ཐོག་མར་གཞན་ཕན་གྱི་ལྷག་བསམ་གཙང་མ་ཞིག་དགོས་པ་མ་ཟད། དགེ་དཔེ་གཞན་སྟོན་གྱི་སྙིང་སྟོབས་དང་སྤྱོད་པ་བཟང་བོ་དགོས་པ་ནི་ཁ་ཚ་དགོས་གཏུགས་ཀྱི་བྱ་བ་ཞིག་ཡིན་པར་དམིགས་ནས། གཙོས་གྲོང་ཁྱེར་སློབ་ཆུང་ལྔ་བའི་མགོ་ཁྲིད་ཚན་ཆུང་གིས་རྩ་འཛུགས་བྱས་ཏེ། དགེ་རྒན་རྣམས་ཀྱི་བྱང་ཚད་མཐོར་འདེགས་གཏོང་བའི་ཐད་ལ་ཤུགས་བསྣན་ཏེ་འབྲས་བུ་ལེགས་པོ་ཐོབ་ཡོད།</p><p> ད་ལོའི་རིམས་ནད་འགོས་ཁྱབ་ཀྱི་གནས་ཚུལ་ཛ་དྲག་ཆེ་བའི་དབང་གིས། སློབ་གྲྭ་མ་འཚོགས་ཀྱང་སློབ་ཁྲིད་མཚམས་མི་འཇོག་པའི་སྲིད་ཇུས་ལྟར། ངེད་སློབ་གྲྭའི་གྲངས་རིག་དགེ་རྒན་རྣམས་ཀྱིས་དྲ་ཐོག་སློབ་ཁྲིད་ལག་ལེན་མཐའ་འཁྱོལ་བྱེད་དེ། སྨྱན་གཟུགས་སློབ་ཁྲིད་འཆར་འགོད་ལེགས་པ་དང་། གྲ་སྒྲིག་ལྡན་ཞིང་གོ་རིམ་ཡོད་པ། ཞིབ་ཚགས་ལྡན་པ་བཅས་ཀྱི་སྒོ་ནས་དུས་ལྟར་སློབ་ཁྲིད་བྱེད་པའི་བྱ་བར་འབད་དང་འབད་བཞིན་ཡོད། </p> <p> སློབ་ཁྲིད་གྲ་སྒྲིག་གི་བྱ་བའི་བརྒྱུད་རིམ་གྱི་མགོ་མཇུག་བར་གསུམ་དུ་སློབ་མ་ཚོའི་བསམ་བློའི་ཆུ་ཚད་དང་བསྟུན་ཏེ། ཤེས་སླ་གོ་བདེ་དང་འབྲི་བདེ་བརྩི་སླའི་ཁྱད་ཆོས་འབུར་དུ་དོད་ནས་ཁྲིད་ཆས་དང་སྨྱན་གཟུགས་ཇུས་འགོད་བྱས་ཡོད།</p> <p> སློབ་ཁྲིད་ཀྱི་སྐབས་སུ་དགེ་སློབ་ཟུང་འབྲེལ་གྱིས་སློབ་མའི་ཁ་ལག་ཀླད་གསུམ་འགུལ་བར་རམ་འདེགས་སུ་དྲ་ལམ་བརྙན་མིག་སྤྱད་དེ། དྲི་བ་འདོན་པ་དང་། རྩིས་རྒྱག་ཏུ་འཇུག་པ། ནོར་བཅོས་བྱེད་པ་སོགས་དགེ་རྒན་རང་རང་གི་སློབ་ཁྲིད་ཀྱི་ཁྱད་ཆོས་རྩལ་དུ་བཏོན་ནས་སློབ་ཆུང་སློབ་མའི་བློ་དང་འཚམ་པའི་བྱེད་ཐབས་སྣ་ཚོགས་ལག་ལེན་བྱས་པར་གྲུབ་འབྲས་ཀྱང་མི་དམན་པ་ཐོབ་ཡོད། </p> <p> ཟླ་གཅིག་ལྷག་གིི་དྲ་ལམ་སློབ་ཁྲིད་བྱེད་པའི་བརྒྱུད་རིམ་ནང་དུ་གྲངས་རིག་ཚན་ཆུང་གི་དགེ་རྒན་རྣམས་ཀྱིས་གྲོས་སྡུར་ཡང་ཡང་བྱས་ཏེ། སློབ་ཁྲིད་ཀྱི་ཉམས་མྱོང་དང་བསམ་འཆར་བརྗེ་རེས་བྱས་ཡོད་པ་མ་ཟད། སློབ་ཁྲིད་བྱེད་ཐབས་དང་སྨྱན་གཟུགས་ལས་བཟོའི་བྱེད་ཐབས་གསར་བ་གང་ལེགས་གསར་འདོན་གྱི་སྒོ་ནས་དགེ་རྒན་ཚོའི་སློབ་ཁྲིད་བྱེད་ཐབས་སྔོན་ཐོན་གྱི་ལམ་དུ་སྐྱོད་པར་རྨང་གཞི་བརྟན་པོ་བཞག་ཡོད།</p> <p>བཤེས་གཉེན་དུལ་བ་ཞི་བ་ཉེར་ཞི་བ།།</p><p>ཡོན་ཏན་ལྷག་པ་བརྩོན་བཅས་ལུང་གིས་ཕྱུག།</p>