<h5><div>བྱིས་དུས་ནི་མཚར་སྡུག་ལྡན་པའི་རི་མོ་ཞིག་ཡིན།<br></div><div>བྱིས་དུས་ནི་སྙན་དབྱངས་དོད་པའི་འགྱུར་ཁུག་ཅིག་ཡིན།</div></h5> <h5><p style="text-align: center"><b><font color="#b06fbb">སྤོ་བོ་ཉི་མ་ལགས། ཞོགས་པ་བདེ་ལེགས།</font></b></p><p style="text-align: right;">༼ བཞད་གངས་སྐྱེས། ༽</p><div style="text-align: right;"><br></div><p style="text-align: center;">སྤོ་བོ་ཉི་མ་ལགས། ཁྱེད་རང་གཞི་ནས་གཉིད་ལས་སད་སོང་།<br>སྤོ་བོ་ཉི་མ་ལགས། ཞོགས་པ་བདེ་ལེགས།<br>ང་ཚོ་ནི་ཐོ་རངས་བྱ་ཕོ་དང་མཉམ་དུ་མལ་ལས་ལངས་བ་ཡིན།<br>ཞོགས་པའི་མཁའ་རླུང་གསར་པ་ང་ཚོས་རྔུབ་ཡོད།<br>ཞོགས་ཇ་མངར་མོ་ང་ཚོས་བཏུང་ཚར།<br>སྤོ་བོ་ཉི་མ་ལགས། ཁྱེད་ཀྱིས་ཞལ་ལག་ག་རེ་མཆོད་དམ།<br>ང་ཚོས་ཁྱེད་ལ་སྒུག་ནས་ཡུན་རིང་ཕྱིན་སོང་།</p><p style="text-align: center;"><br>སྤོ་བོ་ཉི་མ་ལགས། ཁྱེད་ཀྱི་གསེར་སེར་པོའི་ཞལ་རས་གཞི་ནས་མཇལ་བྱུང་།<br>བྱིས་པ་ཐམས་ཅད་དགའ་ཐག་ཆོད་ནས་མཆོང་ལྡིང་བྱེད།<br>གཉིད་ལས་སད་མ་ཐག་པའི་ཞལ་རས་ནི་ཅི་འདྲའི་མཛེས་པ་ལ།<br>ང་ཚོ་ཕྲུ་གུའི་ངོ་གདོང་དང་ཨ་ན་མ་ན་རེད་ཤག<br>གསར་དུ་བཞད་ཁ་ཕྱེ་མ་ཐག་པའི་མེ་ཏོག་དང་འདྲ།<br>ཨ་ཕས་ང་ལ་གསར་དུ་ཉོས་པའི་ཞྭ་མོ་འདི་དང་འདྲ།</p><p style="text-align: center;"><br>སྤོ་བོ་ཉི་མ་ལགས། ཞོགས་པ་བདེ་ལེགས།<br>ཉིན་མོར། ནམ་མཁའི་མཐོངས་སུ་ཁྱེད་རང་གཅིག་པུས་ཕྱག་ལས་གནང་གི་འདུག<br>སློབ་གྲྭའི་ནང་དུ་ང་ཚོ་གཅིག་པུས་སྦྱང་ཚན་སྣ་ཚོགས་འབྲི་གི་ཡོད།<br>མཚན་མོར། ཁྱེད་རང་མཁའ་དབྱིངས་སུ་མེད་དོན་ཅི་ཡིན་ནམ།<br>འོ། གཅིག་བྱས་ན། ང་ཚོ་གཉིད་ཀྱི་མཚོ་མོར་ཞུགས་དུས།<br>ཁྱེད་རང་ང་ཚོར་གཟིགས་པར་ཕེབས་ཡོད་དམ།<br>ང་ཚོས་སྐབས་རེ་རྨི་ལམ་ནང་ནས་ཁྱེད་རང་མཇལ་སོང་།<br>ཁྱེད་ཀྱིས་ང་ཚོར་གསེར་གྱི་ཀུ་ཤུ་གནང་བ་རྨིས་སོང་།</p></h5> <h1 style="text-align: center"><font color="#167efb">ངའི་རི་མོ་དང་རི་མོའི་ནང་གི་འཇིག་རྟེན།</font></h1> <h5 style="text-align: center"><b style=""><font color="#ff8a00">༼ རུས་སྦལ་གྱི་སྐད་ཆ ༽ ནགས་ཚལ་མཚར་པོ།</font></b></h5> <h5 style="text-align: center"><font color="#ff8a00"><b>༼ རུས་སྦལ་གྱི་སྐད་ཆ ༽ ལྡུམ་རྭའི་ནང་གི་ལྟད་མོ།</b></font></h5> <h5 style="text-align: center"><font color="#ff8a00"><b>༼ རུས་སྦལ་གྱི་སྐད་ཆ ༽ རླངས་འཁོར་རྗེས་འདེད་གཏོང་བ།</b></font></h5> <h5 style="text-align: center"><b><font color="#ff8a00">༼ རུས་སྦལ་གྱི་སྐད་ཆ ༽ དབུགས་སྒང་དང་མཉམ་དུ་འཕུར་འདོད།</font></b></h5> <h5 style="text-align: center"><b><font color="#ff8a00">༼ རུས་སྦལ་གྱི་སྐད་ཆ ༽ གྲོགས་པོ་རི་བོང་གི་ཁྱིམ་དུ་མགྲོན་པོར་སོང་བ།</font></b></h5> <h5 style="text-align: center"><font color="#167efb"><b>རི་བོང་དང་གླང་ཆེན་ཆུང་ཆུང་།</b></font></h5> <h5 style="text-align: center"><b><font color="#167efb">སྐྲ་ལོ་རིང་བའི་བུ་མོ།</font></b></h5>