<p> <b style="font-size: 20px; color: rgb(255, 138, 0);">མཚན་མོ་འདི།</b></p><p> ཅི་བསམ་དོན་འགྲུབ།</p><p><br></p><p>མཚན་མོ་འདི་རྨི་ལམ་ཐེངས་གཅིག་ཡིན།།</p><p>རྨི་ལམ་འདི་རྡོ་ལྕགས་ངར་མ་ཞིག།</p><p>རྡོ་ལྕགས་འདི་གཞུ་བྱེད་མེ་ཕུང་ཅིག།</p><p>མེ་ཕུང་འདི་རེ་བའི་འོད་ཀོར་ཅིག།</p><p><br></p><p>མཚན་མོ་འདི་དགོད་སྒྲ་ཐེངས་གཅིག་ཡིན།།</p><p>དགོད་སྒྲ་འདི་བརྩེ་བའི་བདག་པོ་ཡིན།།</p><p>བདག་པོ་འདི་འུར་ཆ་སུམ་འཆང་ཅན།།</p><p>འུར་ཆ་འདི་རྫི་བོའི་སྙིང་ནོར་ཡིན།།</p><p><br></p><p>མཚན་མོ་འདི་ལྷིང་ཞིང་འཇགས་པ་ཞིག།</p><p>ལྷིང་འཇགས་འདི་རེ་བའི་འོད་རླབས་ཡིན།།</p><p>རེ་བ་འདི་རྨི་ལམ་གཤོག་ཐོགས་ཅིག</p><p>རྨི་ལམ་འདི་མི་ཚེའི་བདེ་སྐྱིད་ཡིན།།</p><p><br></p><p><br></p><p>མཚན་མོ་འདི་ཀུ་རེ་ཐེངས་གཅིག་ཡིན།།</p><p>ཀུ་རེ་འདི་དུངས་པ་མངར་མོ་ཞིག།</p><p>དུངས་པ་འདི་སེམས་ཀྱི་ལོངས་སྤྱོད་ཅིག།</p><p>ལོངས་སྤྱོད་འདི་གཏན་དུ་འཛད་མེད་ཅིག།</p><p> </p><p> </p>