<p>卓度 团结村村长带领一下志愿者巡街宣传疫情期间时请街坊邻居切记不要出门！</p> <p>才仁曲培 团结二队队长巡街宣传疫情期间的首要任务，出门戴口罩 勤洗手 配合防控工作人员！</p> <p>དང་བོ། ཉིས་སྟོང་ཉི་ཤུ་ལོར་མི་ཐམས་ཅད་འུར་འུར་ཟིང་ཟིང་གི་ཁྲོད་དུ་རྒྱ་ཡུལ་ཝུའུ་ཧན་གྲོང་ཁྱེར་ནས་ནད་ཡམས་ཚབས་ཆེན་ཞིག་བྱུང་སྟེ་ད་ལྟ་འཛམ་པའི་གླིང་ལ་ཁྱབ་བཞིན་པའི་དུས་ཡིན་པས་ཡུལ་ཁམས་སོ་སོར་རོང་འབྲོག་མང་ཚོགས་ཚང་མས་ནད་ཡམས་འདི་སྔོན་འགོག་ཆེད་དུ་ཚང་མ་སྒོ་ཕྱི་རུ་མི་འགྲོ་བ་དང་གལ་ཏེ་འགྲོ་དགོས་པའི་དོན་དག་གལ་ཆེ་བ་ཞིག་དང་འཕྲད་ན་ཡང་ཁ་ཐུམ་རྒྱག་དགོས་པ་དང་ལག་པ་དག་གཙང་འཁྲུད་རྒྱུ་དེ་ནི་ང་ཚོ་ཐམས་ཅད་བདེ་ཐང་གི་ཆེད་དུ་ཡིན་པས་ཚང་མས་དོ་སྣང་བྱེད་རྒྱུ་གལ་ཆེའོ།། </p><p>གཉིས་པ། དེང་སང་བརྡ་འཕྲིན་ཀྱི་དུས་རབས་ཡིན་པས་ཤེས་མེད་མཐོང་མེད་འགའ་ཡིས་མ་ཤེས་ཤེས་མདོག་དང་མ་རིག་རིག་མདོག་བྱེད་པའི་རྫུན་གཏམ་དང་འུར་ཟིང་གིས་ཁྱབ་དང་ཁྱབ་བཞིན་པའི་ཉིན་རེད། དེ་བས་ཚང་མ་བཤད་ཚད་ཐམས་ཅད་བདེན་དོན་ཡིན་པ་དང་མཐོང་ཚད་ཡོད་ཚད་དངོས་གནས་ཡིན་པའི་ངེས་པར་མེད་ལ་ཡིད་ཆེས་ཀྱང་མ་བྱེད་རོགས། ལ་ལ་ཞིག་གིས་རང་ཁའི་ཆེད་ཏུ་དེང་སང་འདར་སྒྲ་དང་ལག་མགྱོགས་ད་རུང་སྐད་འཕྲིན་རྒྱབ་ལོག་ཏུ་རོགས་དངུལ་གནང་རོགས་ཟེར་བ་དང་ཡང་ན་ལག་མགྱོགས་ནང་ནས་ཐད་གཏོང་བྱེད་པས་ཝུའུ་ཧན་གྲོང་ཁྱེར་ལ་སྦྱིན་གྱིན་ཡོད་ཟེར་བ་དེ་དག་ལ་དངོས་གནས་དོགས་གཟབ་དགོས་ས་རེད་མ་གཏོགས་ཡོད་ཚད་ནད་པ་ཚོ་ལ་རོགས་སྐྱོང་གནང་མཁན་ཡིན་པས་མ་ཁྱབ། ཁ་ཤས་ཤིག་གིས་དཔེར་ན་ང་ཚོའི་ཡུལ་ཤུལ་ས་འགུལ་བྱུང་བའི་དོན་རྐྱེན་དུས་ངན་ཉིན་མི་ངན་ཁ་ཤས་བྱ་བ་དེ་དང་འཁྲབ་སྟོན་གཅིག་མཚུངས་ཡིན་ས་རེད། དེ་དག་ལ་རྒྱབ་སྐྱོར་བྱེད་དགོས་དོན་ཡོད་མ་རེད་གཙོ་བོ་བརྟག་དཔྱད་བྱེད་རྒྱུ་གལ་ཆེའོ།།</p><p>གསུམ་པ། ང་ཚོའི་བོད་པ་ནང་གི་ཁ་མཁས་འགའ་ཞིག་གིས་བོད་པ་ཚོ་རྨོངས་དད་འདུག་ཟེར་ནས་བཤད་ཀྱིན་ཡོད་འདུག དོན་དངོས་སུ་བཤད་ན་ང་ཚོའི་མི་རིགས་ལ་རྨོངས་དད་ཡོད་པའི་རྐྱེན་གྱིས་མ་རེད་མོད་ང་ཚོའི་སྤྱི་བཏང་མི་རིགས་འདི་སྐྱབས་ཞུ་ས་བླ་མ་དཀོན་མཆོག་རེད་ཕྱག་འཚལ་ས་ཇོ་བོ་ཡིད་བཞིན་ཡོད་པ་དེ་བས་ང་ཚོས་དུས་ནམ་ཡང་སྐྱེ་རྒ་ན་འཆི་སྡུག་བསྔལ་དེ་མྱོང་བཞིན་སྐབས་ལ་གསོལ་བ་འདེབས་ས་དང་ལམ་སྟོན་གྱི་འོད་སྣང་སྦྱིན་མཁན་ཞིག་ཀྱང་ཡིན། རྨོངས་དད་ཟེར་བའི་ཐ་སྙད་འདི་ཁྱོད་རང་དྲན་ཚད་ཐམས་ཅད་ལ་བཀོད་ཆོག་པའི་ཡིག་འབྲི་ཞིག་མ་རེད་མོད་སྤྱིར་བཏང་རང་ཉིད་ཡང་ཤེས་མཁས་དང་མཐོང་མཁས་གང་ཡང་མིན། འོན་ཀྱང་ང་ཚོའི་ནང་པའི་རྗེས་འཇུག་ཞིག་ཡིན་པས་ཆ་ནས་བསམ་བློ་ནན་མོ་གཏོང་རྒྱུ་གལ་ཆེའོ།། </p><p>བཞི་བ། མཇུག་མཐར་ཐེངས་འདིའི་ཝུའུ་ཧན་གྲོང་ཁྱེར་དང་ཧུའུ་པེ་ཞིང་ཆེན་སོགས་ནས་ནད་ཡམས་ཚབས་ཆེན་འདི་འདྲ་བྱུང་བས་ཤི་ས་ནས་ཤི། ན་ས་ནས་ན་བཞིན་པས་སྐབས་ལ་གོས་དཀར་པོ་གྱོན་པའི་མི་སྣ་ཁྱེད་ཚོ་རང་སྲོག་ལ་འཇིགས་སྐྲག་མི་སྐྱེས་པ་དང་ནད་པ་ཉམ་ཐག་འདི་དག་ཚེ་སྲོག་གི་ཆེད་དུ་བདེ་ཐང་གི་དོན་དུ་བསམ་པ་བཟང་པོའི་ངང་སྨན་བཅོས་བྱེད་བཞིན་པའི་བྱང་ཆུབ་སེམས་དཔའ་ཁྱེད་ཚོ་ལ་རྗེས་སུ་ཡི་རངས་ཞུ་བ་དང་ཆབས་ཅིག་ཏུ་ང་ཚོའི་ནད་ཡམས་འདི་མཉམ་ཏུ་མཛུབ་མོ་ལྔ་བཅིངས་ཁུ་ཚུར་ཡིན་ཞེས་ལྟ་བུ་ལག་རྡང་སྦྲེལ་ནས་ནད་ཡམས་འདི་སྔོན་འགོག་བྱེད་ཐུབ་པར་མཁྱེན་ནོ།། འཇིག་སྐྲག་མ་སྐྱེ། སེམས་ཤུགས་མ་ཆགས། </p><p> རྩོམ་པ་པོ། འབའ་བཙན་རྒྱུད།</p>