<p>ཀན་ལྷོ་བོད་རིགས་རང་སྐྱོང་ཁུལ་གཙོས་གྲོང་ཁྱེར་བོད་རིགས་སློབ་ཆུང་གི་དྲུག་གསུམ་འཛིན་གྲྭས་རིམས་ནད་འགོག་སྲུང་གི་རྩོམ་ཡིག་སྤེལ་བ།</p> <p>རང་འགུལ་སྒོས་རང་ཉིད་དང་ཁྱིམ་མིའི་བདེ་ཐང་ལ་ལྟ་ཞིབ་ཚད་ལེན་བྱ་དགོས་པར་མ་ཟད། ལུས་ཚ་རྒྱས་པར་སྙམ་སྐབས་དུས་ལྟར་ལུས་ཚ་ཚད་ལེན་བྱ་དགོས། ཁྱིམ་དུ་བྱིས་པ་ཡོད་ན་ནངས་དགོང་ལ་བྱིས་པའི་ཐོད་པར་རེག་ནས་ལུས་ཚ་རྒྱས་ཡོད་མེད་ལ་གཟབ་རྒྱུ་གཙོ།</p> <p>ནམ་ཡིན་རུང་ལག་པ་བཀྲུས་ནས་གཙང་མར་བྱེད་དགོས་པ་དང་། མི་མང་འདུ་སའི་གནས་ཀྱི་སྤྱི་པའི་སྒྲིག་ཆས་སོགས་ལ་མི་ཐུག་པ་དང་། ཡང་ན་ཉུང་ཐུག་བྱེད་པ། མི་མང་འདུ་ས་ནས་ཕྱིར་ཡོང་བ་དང་། ཡང་ན་གློ་ལུ་བརྒྱབ་པ་དང་། ཟ་མ་མ་ཟོས་པའི་སྔོན་དང་སྤྱོད་ཁང་དུ་སོང་རྗེས་འདག་རྫས་དང་འདག་ཆུ་ཡིས་ལག་པ་གཙང་མར་བཀྲུ་དགོས་ལ། ལག་པ་གཙང་མ་ཡིན་མིན་མི་ཤེས་ཚེ། ལག་པས་ཁ་སྣ་མིག་བཅས་ལ་རེག་མི་རུང་ཞིང་། ཧབ་སྦྲིད་རྒྱག་པ་དང་ཡང་ན་གློ་ལུ་བྱེད་སྐབས། གྲུ་ཁུག་དང་ལྭ་བ་ཡིས་ཁ་སྣ་བཏུམ་དགོས།</p> <p>རྒྱུན་དུ་འཕྲོད་བསྟེན་ལ་དོ་སྣང་དང་བདེ་ཐང་གི་གོམས་སྲོལ་ཆགས་པར་བྱེད་པ། ཁྱིམ་མི་རྣམས་ཀྱིས་ཁ་ལག་ཕྱི་སྤྱད་སྤྱི་སྤྱོད་མི་བྱེད་པ། ཁྱིམ་ཚང་དང་སྣོད་ཀ་ཅ་གཙང་མར་བྱེད་པ། ལྭ་བ་དང་ཉལ་ཐུལ་ཉི་མར་ལྡེ་བ། ཁ་ལུད་སྣ་ལུད་གང་སར་མི་འཕེན་པ། ཁ་ལུད་སྣ་ལུད་སོགས་ཕྱིས་པའི་གཙང་ཤོག་སྙིགས་སྒམ་གྱི་ནང་དུ་འཕེན་དགོས་ལ། རང་གི་འཚོ་བཅུད་ལ་ཉམས་འཇོག་དང་སྦྱོང་བརྡར་འོས་འཚམ་བྱ་དགོས།</p> <p>འཕྲོད་བསྟེན་ལ་དོ་སྣང་དང་བདེ་ཐང་གི་གོམས་སྲོལ་ཆགས་པར་བྱ་དགོས།</p><p>①ཁང་བའི་སྒེའུ་ཁུང་ཕྱེ་སྟེ་ཁང་བའི་ནང་རྒྱུན་དུ་མཁའ་རླུང་གསར་བ་རྒྱུ་བར་བྱ་དགོས།</p><p>②ཁྱིམ་ལ་གད་བདར་དང་སྣོད་ཀ་ཅ་གཙང་མར་བྱེད་པ། ལྭ་བ་དང་ཉལ་ཐུལ་ཉི་མར་ལྡེ་བ་དང་། ཁྱིམ་མི་རྣམས་ཀྱི་ཁ་ལག་ཕྱི་སྤྱད་གཅིག་བཀོལ་སྤྱོད་བྱེད་མི་རུང་།</p><p>③ཁ་ལུད་སྣ་ལུད་གང་སར་མི་འཕེན་པ་དང་། ཁ་ལུད་སྣ་ལུད་ཕྱིས་པའི་གཙང་ཤོག་གང་སར་མི་འཕེན་པར་སྙིགས་སྒམ་དུ་འཕེན་དགོས།</p><p>④འཚོ་བཅུད་ལ་མཉམ་འཇོག་དང་འོས་འཚམ་གྱི་སྦྱོར་བརྡར་བྱེད་པ།</p><p>⑤རི་སྐྱེས་སྲོག་ཆགས་ཀྱི་ཤ་ཟ་བའམ། ཡང་ན་རི་སྐྱེས་སྲོག་ཆགས་ལ་རེག་པ། རབ་ཡིན་ན་སྲོག་ཆགས་གསོན་པོ་འཚོང་སའི་ཚོང་རར་མི་འགྲོ་བ།</p><p>⑥ཁྱིམ་ནས་ཚ་གྲང་ལ་ལྟ་བྱེད་དང་། སྨན་སྤྱོད་ཕྱི་ཚན་ཁ་ཐུམ་དང་། ཡང་ནN95ཅན་གྱི་ཁ་ཐུམ། ཁྱིམ་སྤྱོད་དུག་སེལ་སྨན་རྫས་སོགས་གྲ་སྒྲིག་བྱས་ཏེ་འཇོག་དགོས།</p>