<h1> དམའ་གཅིག་སློབ་སྐོར་གྱིས་འཛིན་གྲྭའི་སྐྱོར་དཔོན་ཚོར་ཚོགས་འདུ་བསྡུས་པ།</h1> <h1> འཛིན་གྲྭ་ཞིག་གི་འཕེལ་རྒྱས་ནི་དགེ་སློབ་ཡོངས་ལ་རག་ལས་ཡོད་མོད།དེ་ལས་འཛིན་བདག་དང་སྐྱོན་དཔོན་གྱིས་གཙོ་གནད་བཟུང་ཡོད་པར་སྣང་།རྒྱུ་མཚན་ནི་ནམ་རྒྱུན་སློབ་གྲོགས་ཚོར་འགྲོགས་ཡུན་རིང་བའི་རྐྱེན་གྱིས་ཡིན།དེའི་སྟབས་༢༠༡༩ལོའི་ཟླ་༡༡པའི་ཚེས་༥ཉིན་གྱི་དགོང་ཚོགས་ཀྱི་དུས་ཚོད་སྤྱད་ནས་སྐྱོར་དཔོན་གྱི་ཚོགས་འདུ་འཚོགས་པ་ཡིན།</h1> <h1> དེ་ལས་སྐྱོར་དཔོན་ཞིག་ཡིན་ན།གཅིག་ནས་འཛིན་བདག་ལ་དུས་རྒྱུན་འབྲེལ་གཏུགས་བྱེད་པ་དང་།སློབ་གྲོགས་ཚོའི་གནད་དོན་ཡང་དག་པའི་སྒོ་ནས་ཐག་གཅོད་བྱེད་པ།གཉིས་ནས་རང་ཉིད་ནི་སློབ་སྦྱོང་དང་སྒྲིག་ལམ་སོགས་མིག་དཔེ་བལྟ་སའི་སློབ་མ་ཞིག་ཏུ་འགྱུར་ཅི་ཐུབ་བྱེད་པ།གསུམ་ནས་སྐྱོར་དཔོན་ཞིག་ཡིན་ན་ངེས་པར་དུ་སྣེ་ཁྲིད་ཀྱི་ནུས་པ་ཐོན་དགོས་པ།བཞི་ནས་ཐུན་མོང་ལ་དགའ་ཞེན་བྱེད་དགོས་སོགས་ཀྱི་རེ་འདུན་ནན་མོ་བཏོན་པ་ཡིན།</h1> <h1> ཐེངས་འདིའི་ཚོགས་འདུའི་མཇུག་ཏུ་སྐྱོར་དཔོན་ཚོས།རྗེས་ཕྱོགས་རང་སོ་སོ་ནས་འཛིན་གྲྭའི་ཕྱོགས་ཡོངས་ལ་དོ་དམ་ནན་མོ་བྱ་རྒྱུའི་བསམ་ཚུལ་བརྗོད་ཡོད་པ་དང་བསྟུན།རྗེས་ཕྱོགས་མུ་མཐུད་དུ་ཟླ་རེའི་ནང་བསམ་ཚུལ་བརྗེ་རེས་ཀྱི་ཚོགས་འདུ་རེ་འཚོག་རྒྱུའི་དགོངས་འཆར་དང་བཅས་ཚོགས་འདུའི་མཇུག་བསྡུས་སོ།།</h1>