<h3> ད་ལྟ་འགྲོས་མཉམ་པའི་གོམ་སྟབས་དང་བཅས་ངེད་ཀླུ་འགྲམ་གྱི་ལྗང་མྱུག་ཚང་གིས་མ་ཡུམ་སློབ་གྲྭའི་སྐབས་ཉེར་གསུམ་པའི་ལུས་རྩལ་བྱ་འགུལ་བསུ། ངེད་ཚང་ལ་སློབ་མ་དྲུག་བརྒྱ་ལྷག་ཙམ་ཡོད་པ་ནི་གསར་སྐྱེས་ཀྱི་མེ་ཏོག་ཆུན་པོ་དག་དང་འདྲ་བར་མཚར་སྡུག་ལྡན་ལ། ཞོགས་པའི་ཉི་གཞོན་དང་འདྲ་བར་ཡིད་ཆེས་དང་རེ་བས་ཁེངས་ཏེ་དུས་རབས་གསར་བའི་དགེ་མཚན་ལ་ལོངས་སུ་སྤྱོད་བཞིན་སྤོབས་པ་ཆེན་པོས་མདུན་དུ་བསྐྱོད་བཞིན་ཡོད།</h3> <h3><br></h3><h3> ད་ནི་ཀླུ་ཆུ་རྫོང་བོད་རིགས་སློབ་འབྲིང་གི་སྐབས་ཉེར་གསུམ་པའི་ལུས་རྩལ་བྱ་འགུལ་ལ་དགའ་བ་འབུམ་གྱིས་མྱོས་བཞིན། ཐེངས་འདིའི་ལུས་རྩལ་བྱ་འགུལ་ལ་རེ་བ་དང་ཡིད་ཆེས་ཀྱིས་འཁུམས། ང་ཚོས་མཐུན་སྒྲིལ་གྱི་ཨ་ལོང་གཅིག་ཏུ་སྦྲེལ་ནས་མཛའ་བརྩེ་དང་པོ་དང་འགྲན་སྡུར་གཉིས་པའི་རྩ་དོན་གཞིར་བཟུང་། སྐབས་ཉེར་གསུམ་པའི་ལུས་རྩལ་འགྲན་སྡུར་ལ་རང་ནུས་ཅི་ཡོད་འདོན་པའི་དམ་བཅའ་སྙིང་ལ་བསྒོམས་ནས་ཐུན་མོང་ཡར་རྒྱས་ལ་བརྩོན་ལེན་བྱེད་བཞིན་ཡོད།</h3> <h3> མཇུག་ཏུ་རང་རེའི་སློབ་གྲྭའི་ལུས་རྩལ་བྱ་འགུལ་བདེ་ལེགས་ངང་ལེགས་གྲུབ་དང་ལུས་རྩལ་བ་དག་ལ་རྒྱལ་ཁའི་འབྲས་བཟང་འཐོབ་པར་སྨོན་འདུན་སྙིང་ནས་ཞུ།</h3>