<h1> ཐོག་མའི་གྲོས་གཞི་དང་ལག་ལེན་དངོས།</h1><h3></h3><h3> ཀླུ་ཆུ་རྫོང་བོད་རིགས་སློབ་འབྲིང་གི་དམའ་གཅིག་སློབ་སྐོར་ནས།</h3> <h3> ངེད་དམའ་གཅིག་སློབ་སྐོར་གྱི་དགེ་རྒན་ཚོས་སློབ་མའི་སློབ་སྦྱོོང་དང་སྒྲིག་ལམ།ཀུན་སྤྱོད།དགའ་ཕྱོགས་སོགས་ཕྱོགས་ཡོངས་འཕེལ་རྒྱས་ཐད་གྲོས་སྡུར་བརྒྱུད་ཐོག་མར་སློབ་མའི་དགའ་ཕྱོགས་ཚོ་ཚུང་བཙུགས་པ་ཡིན་ལ།དེར་སྤོ་ལོའི་རིགས་དང་།གླུ་གར།ཡིག་གཟུགས།རི་མོ་སོགས་འདུས་ཡོད།</h3> <h3> ཐོག་མའི་གྲོས་གཞི་ལས་དགེ་རྒན་དག་གིས་རང་རང་གི་དགོངས་འཆར་བཏོན་ཡོད་ལ།ལྷག་ཏུ་དགེ་རྒན་དཀོན་མཆོག་སེང་གེ་ཡིས་རྐང་གྲུག་ཐད་ཀྱི་རང་གི་བསམ་ཚུལ་དང་ཉམས་མྱོང་བརྒྱུད་བསྒྲགས་བྱས་པ་མ་ཟད།རྗེས་ཕྱོགས་ཀྱི་འཆར་གཞིའང་ཚོགས་ཐོག་ནས་གྲོས་གཞིའི་ཚུལ་དུ་བཏོན་ཡོད།ད་དུང་དགེ་རྒན་བསོད་ནམས་རབ་བརྟན་གྱི་ཡིག་གཟུགས་དང་དགེ་རྒན་ལྷ་མོ་སྐྱབས་ཀྱི་ལག་གྲུག་སོགས་རང་རང་གི་ལས་བགོས་ལ་འབད་འབུངས་བྱེད་པར་ཡིད་ཆེས་ཀྱིས་འཁུམས་ཡོད།</h3> <h3> འདི་ནི་སློབ་མ་ཚོའི་དགའ་ཕྱོགས་ཚོ་ཆུང་ཡིན་པས་རང་སྒེར་གྱིས་དུས་ཚོད་བཀོད་སྒྲིག་བྱས་ན་སློབ་མའི་སློབ་སྦྱོང་ལ་གནོད་རྐྱེན་དགེ་རྒན་ཚོས་ངལ་གསོའི་སྐབས་དང་ཡང་ན་སྔ་ཕྱི་དྲོའི་དུས་ཚོད་འོས་འཚམ་སྤྱད་ནས།ད་ནི་དངོས་སུ་སྦྱོང་བརྡར་བྱེད་བཞིན་ཡོད།ང་ཚོས་སློབ་ཁྲིད་སློབ་གསོའི་བྱ་བར་རང་ནུས་ཅི་ལྕོགས་ཀྱིས་འབད་པ་བྱེད་ཞོར་ཤེས་འཇོན་ནུས་ལྡན་གྱི་སློབ་མ་སྐྱེད་སྲིང་བྱེད་པར་བརྩོན་བཞིན་ཡོད།</h3><h3> དགེ་རྒན་ཚོའི་ལྷག་བསམ་ལ་བཀའ་དྲིན་ཆེ།ཁ་དྲོ་བཀྲ་ཤིས།</h3>