<h3> ༢༠༡༩ལོའི་ཟླ༩བའི་ཚེས༡༣ཉིན་བོད་ཡིག་ཚོ་ཆུང་གི་དགེ་རྒན་རྣམས་ཀྱིས་སློབ་གསེང་གི་དུས་ཚོད་བེད་སྤྱད་ནས་མཁས་ཆེན་འཇུ་སྐལ་བཟང་གི་གཏམ་བཤད་༼བོད་སྐད་ཡིག་གི་དགོས་མཁོ་རང་བཞིན་༽ཞེས་པའི་གཏམ་བཤད་ལ་མཉམ་དུ་གཟིགས།</h3> <h3> དེ་བས་ང་ཚོས་རང་ཉིད་ནས་མགོ་བརྩམས་ཏེ་རང་མི་རིགས་ཀྱི་སྐད་དང་ཡི་གེ་འཛིན་སྐྱོང་སྤེལ་གསུམ་བྱས་ཏེ་དུས་རབས་ཀྱི་འགྲོས་དང་བསྟུན་ནས་བྱ་དངོས་ཐམས་ཅད་ཀྱི་མིང་བརྡ་དང་གྱ་ནོམ་པའི་རིག་གནས་ཟིན་ཐོ་བཀོད་དེ་མ་འོངས་པའི་རྗེས་སྐྱེས་ཀྱི་སློབ་བུ་རྣམས་ལ་གྲལ་དག་གི་སྐད་དང་ཡི་གེ་ཞིག་སོམ་ཉིའི་དྲ་བར་མི་ཚུད་པར་འཇོག་རྒྱུ་མཁྱེན། </h3> <h3> སྐད་དང་ཡི་གེ་ནི་མི་རིགས་ཤིག་གི་བླ་སྲོག་ཡིན་ཏེ།དེ་ནི་མི་རིགས་དེ་དང་འབྲེལ་བའི་ལོ་རྒྱུས་ཀྱི་རྒྱུན་རིང་ཞིང་བཀོལ་སྤྱོད་ཀྱི་རིན་ཐང་གཞལ་དུ་མེད་པའི་ནོར་བུ་གལ་ཆེ་ཞིག་ཡིན་པར་མ་ཟད།ད་དུང་ལམ་སྟོན་ཀྱི་སྒྲོན་མེ་བཞིན་མི་རིགས་ཀྱི་མདུན་ཕྱོགས་ན་གོམ་གང་མདུན་སྤོས་ངང་མཛུབ་སྟོན་བྱེད་བཞིན་ཡོད། </h3> <h3> མཇུག་མཐར་གཅིག་སྒྲིལ་ཨ་རིག་རྫའི་ས་གནས་ཀྱི་སློབ་གསོ་ཡར་ངོ་ཟླ་ལྟར་འཕེལ་བ་དང་བོད་ཡིག་སྦྱོང་འབྲས་དབྱར་མཚོ་ལྟར་རྒྱས་གྱུར་ཅིག</h3>