<p style="font-family: -webkit-standard; white-space: normal; -webkit-tap-highlight-color: rgba(26, 26, 26, 0.301961); -webkit-text-size-adjust: auto;">༄༅། །བཀྲ་ཤིས་པར་གྱུར་ཅིག དགེ་ལེགས་ཆར་འབེབ་བླ་མ་ཡིད་བཞིན་ནོར། །སངས་རྒྱས་ཆོས་དང་དགེ་འདུན་ཚོགས་བཅས་ཀྱིས། །ཚེ་བསོད་དབང་ཐང་ཀླུང་རྟ་རྣམ་བཞིའི་སྡེ། །ས་བླ་ལྷ་ཡི་འཇིག་རྟེན་སྙེམས་པར་མཛོད། ། ཅེས་ཤིས་པར་བརྗོད་པའི་ཚིག་གི་མེ་ཏོག་ཕྲེང་བས་སྔུན་བསུས་ནས། ད་ལམ་འདིར་སྤང་ཤར་མཆོག་སྤྲུལ་རིན་པོ་ཆེས་བཀའ་གསུངས་བཞིན་ངེད་སྒ་ཡུལ་སྡེ་བས་དཀར་པོ་དགེ་བའི་ལས་འདི་ལེགས་པར་གྲུབ་ཟིན་པས། དེའི་གནས་སྐབས་སུ་རྒྱུ་ཟས་འབྲེལ་བ་ཡོད་པའི་ཡོན་བདག་སྐྱ་སེར་ཕོ་མོ་རྣམས་པ་དང་སྒ་པ་ཡུལ་གྱི་སྡེ་དགོན་རྣམས་པ་གཙོ་བོ་བྱས་པའི་འཛམ་གླིང་ཡུལ་གྲུ་ཀུན་ཏུ་ནད་མུག་འཁྲུག་རྩོད་ཞི་ཞིང་བདེ་སྐྱིད་རྫོགས་ལྡན་གྱི་དཔལ་ལ་ལོངས་སྤྱོད་ཐུབ་པ་དང་ལྷག་པར་དུ་ཕྱོགས་དང་རིས་སུ་མ་མཆིས་པའི་བསྟན་འཛིན་གྱི་སྐྱེས་བུ་དམ་པ་རྣམས་སྐུ་ཚེ་ཞབས་པད་བརྟན་ཅིང་མཛད་འཕྲིན་ནམ་མཁའ་དང་མཉམ་པའི་རྒྱུར་འགྱུར་བ་སྨོན་ནོ།། འདིས་མཚོན་དགེ་བས་ཡངས་པའི་རྒྱལ་ཁམས་ཀུན། །ནད་མུག་འཁྲུག་རྩོད་མཐའ་དག་ཡོངས་ཞི་ནས། །བདེ་སྐྱིད་རྫོགས་ལྡན་གསར་པའི་ཡོ་ལང་གིས། །རྣམ་ཀུན་མི་ནུབ་མཆོག་ཏུ་དགེ་བར་ཤོག ། དགེའོ།། དགེའོ།།</h3>