<h3><font color="#1564fa">ཁྱེད་ཅག་གིས་གནས་འདི་ནས་མི་ཚེའི་གོམ་པ་དང་པོ་དེ་སྤོས་ཏེ་ཤེས་རིག་གིས་བློ་གྲོས་བརྒྱན་ཅིང་། བརྩོནའགྲུས་ཀྱིས་གཤོག་རྩལ་ངོམས་ཏེ། འགྲན་རྩོད་ཀྱི་མི་མི་ཚེའི་ལམ་བུའི་ནང་བདེ་བདེ་ཐང་ཐང་ངང་བསམ་དོན་ཡོངས་གྲུབ་པའི་སྨོན་ལམ་གྱིས་ཀུན་ལས་རྣན་པར་རྒྱལ་བ་ཤོག ཤེས་རིག་གི་གཤོག་རྩལ་རྒྱས་པ་ཤོག བདེ་སྐྱིད་ཀྱི་རྩ་བ་ཚུགས་གྱུར་ཅིག</font><br></h3> <h3><font color="#ed2308">ཕ་མ་གཉིས་ཀྱི་གཅེས་ཕྲུག་ཁྱེད་ཅག་གནས་འདི་ནས་འགོ་ཚུགས། ས་འདི་ནས་མི་ཚེའི་ལམ་བུའི་བགྲོད་ལམ་གྱི་གོམ་པ་དེ་བཙུགས། མ་འོངས་འགྲན་རའི་བཤུལ་ལམ་དུ། དཔའ་མ་ཞུམ་པར་ཀུན་ལས་བཟང་བ། གཞམ་ལས་མཆོག་པ། ཀུན་བཟང་ཀུན་མཆོག་ཏུ་འབུངས། ཕ་མའི་ནོར་མཆོག་ཏུ་ཤོག བསམ་དོན་ཡོངས་གྲུབ་པར་ཤོག ཤེས་རིག་འཕེལ་བ་ཤོག རིག་པ་གྲུང་བར་ཤོག བདེ་བར་ཤོག ནད་མེད་ཤོག ཚེ་རིང་ཤོག དོན་གྲུབ་ཤོག ཐམས་ཅད་བཟང་བར་ཤོག </font><br></h3> <h3><font color="#ed2308">མཁས་པ་སློབ་པའི་དུས་ན་སྡུག ། བདེ་བར་སྡོད་ལ་མཁས་མི་སྲིད། ། བདེ་བ་ཆུང་ལ་ཆགས་པ་དེས། ། ཆེན་པོའི་བདེ་བ་ཐོབ་མི་སྲིད། ། ཅེས་དང་། ཐོས་པས་ཆོས་རྣམས་ཤེས་པར་འགྱུར། ། ཐོས་པས་སྡིག་ལས་ལྡོག་པར་འགྱུར། ། ཐོས་པས་དོན་མ་ཡིན་པ་སྤོངས། ། ཐོས་པས་མྱ་ངན་འདས་པ་ཐོབ། ། ཅེས་གསུངས། ཡང་། ཐོས་པ་གཏི་མུག་མུན་སེལ་སྒྲོན་མེ་ཡིན། ། རྐུན་པོ་ལ་སོགས་མི་ཁྱེར་ནོར་གྱི་མཆོག །་ཀུན་ཏུ་རྨོངས་པའི་དགྲ་བཅོམ་མཚོན་ཆ་སྟེ། ། ཐབས་ཚུལ་མན་ངག་སྟོན་པའི་གྲོགས་ཀྱི་མཆོག །ཅེས་གསུངས། </font></h3><h3><font color="#1564fa">འདི་ནི་ཁྭེད་ཅག་ལ་བཅོལ་བའི་རེ་བ་ཡིན་ལ། ཁྱེད་ཅག་གིས་བསྟེན་པར་ཁས་ལེན་ལའི་དམ་བཅའ་བརྟན་པོ་དེ་ཡིན། </font></h3><h3><font color="#1564fa">གོམ་པའི་རྡིག་སྒྲ་དྲག་པོ་འདི་དང་། བསྒྲགས་པའི་སྐད་བསང་གི་ཁས་ལེན་སྙན་སྒྲ་དང་ལྷན་དུ། འདི་ནས་བཟུང་འབྱུང་འགྱུར་གྱི་ཕུགས་བསམ་དེའི་ཆེད་མདུན་དུ་སྐྱོད་ཅིག</font></h3> <h3>འབྱུང་འགྱུར་དེ་མཚར་སྡུག་འོད་སྟོང་འབར་བ་ཞིག་རེད་ལ། འབྲས་བཟང་གསར་གཏོད་དེ་ཁྱེད་ལ་དབང་བ་ཡིན། མ་འོངས་དེ་འགྲན་རྩོད་ཀྱི་ཛ་དྲག་གིས་ཁེངས་བ་ཞིག་རེད་མོད། ཁྱེད་ཚོའི་ཞུམ་མེད་ཀྱི་སྙིང་སྟོབས་དང་ཡར་བརྩོན་གྱི་བསམ་པ། ངལ་བ་ཟད་མེད་ཀྱི་སྤོབས་པས་ཕྱོགས་ལས་རྣམ་པར་རྒྱལ་བར་ཡིད་ཆེས་ཡོད་ལ། ཀུན་ལས་རྣམ་པར་རྒྱལ་གྱུར་ཅིག</h3>