<h3> རྗེས་དྲན་དད་པའི་དུང་དཀར།</h3><h3><br /></h3><h3> ཤར-རང་རྐྱང་པས།</h3><h3><br /></h3><h3>སྐྱབས་མཆོག་རྒྱལ་བའི་རྣམ་སྤྲུལ་རྗེ་གཅིག་ལགས།།</h3><h3>ཆུ་སྟོད་ཟླ་བའི་ཡར་ངོའི་ཚེས་བདུན་སླེབ།།</h3><h3>ཁྱེད་ཉིད་མི་རྟག་བཞེས་པའི་སྐལ་བཟང་དུས།།</h3><h3>སློབ་འབངས་ཁྲི་མ་འབུམ་གྱིས་རྗེས་དྲན་མཆོད།།</h3><h3><br /></h3><h3>འཛམ་གླིང་མཁས་མང་གཙུག་རྒྱན་རྒྱལ་ཚབ་བ།།</h3><h3>རྒྱལ་བསྟན་ནོར་བུའི་བང་མཛོད་ཁྱེད་ཉིད་རྗེ།།</h3><h3>འགྲོ་དྲུག་འདྲེན་མཁས་རྟ་བདུན་དབང་པོ་འཚངས།</h3><h3>སྤང་རྟོཊ་མཐར་ཕྱིན་མཐུ་སྟོབས་རྣམ་རྒྱལ་འདོད།།</h3><h3><br /></h3><h3>སངས་རྒྱས་ཚབ་བྱས་སྲིད་འདིའི་མངོན་བྱོན་པ།།</h3><h3>སྙིགས་མའི་དུས་འདི་འགྲོ་འདྲེན་འཕཊ་པ་མཆོག།</h3><h3>ཤེས་བྱ་བློ་གྲོས་ནམ་མཁའ་ཇི་བཞིན་ཁྱབ།།</h3><h3>ཤར་རྫའི་དར་ཆེན་སྲིད་གསུམ་སྒྲ་ཆེན་སྒྲོགས།།</h3><h3><br /></h3><h3>ངེས་དོན་རྟོགས་ལྡན་རྣལ་འབྱོར་བྱ་བྲལ་ཁྱེད།།</h3><h3>རྒྱལ་བསྟན་སྐྱོང་ཞིང་སྡེ་སྣོད་གསུམ་ལ་མཁས།།</h3><h3>གཞན་སེམས་དུས་རྟགས་ཁུར་ཏེ་བྱང་སེམས་སྒམ།།</h3><h3>མཛད་འཕྲིན་ས་སྟེང་ཁྱབ་པར་ཨེ་མ་ཧོ།།</h3><h3><br /></h3><h3>དབེན་པའི་གནས་ལ་གྲུབ་པའི་ཞལ་རྗེ་བཞག།</h3><h3>སྐྱེས་བུ་མཆོག་ལ་དམ་པའི་ཀ་ཆེན་བཙུགས།།</h3><h3>དག་པའི་དབྱིངས་སུ་གཟུགས་སྐུ་གཤེགས་ན་ཡང་།།</h3><h3>མཐོ་རིང་སྐར་ཆེན་ཤར་རྫའི་རི་ལ་ལྷུང་།།</h3><h3><br /></h3><h3>ཅེས་པ་འདི་ཉིད་མཚོ་སྔོན་རེབ་གོང་བོན་བརྒྱ་དགོན་སྨན་རི་བཤད་སྒྲུབ་སྨིན་གྲོལ་གླིང་གི་སློབ་གཉེར་བ་འཆི་མེད་དབང་ལྡན་འམ་ཤར-རང་རྐྱང་པ་འབོད་པ་དེས། གྲུབ་དབང་ཤར་རྫ་བའི་རྒྱལ་ཚབ་གཉིས་པ་མཐུ་སྟོབས་རྣམ་རྒྱལ་མཆོག་ལ་རྗེས་དྲན་དུ་ཕུལ་བའོ།།</h3><h3><br /></h3><h3><br /></h3>