<h1> 从小由外婆带度喀我，小辰光是辣了宁波鄞县喀一家小学读了五、六年级，转到上海读中学。</h1><h1> 爷娘是"双职工"，只好安排我迪喀小囡到洋泾中学住读。 </h1><h1> 洋泾中学度了吓宁！有牢度牢度喀操场！有牢度喀花园，校后门是农场，哈度！还有四层楼的宿舍楼搭之游泳池。</h1><h1> 班主任是王金华，勿晓得为啥，我同桌喀是一个长了象阿爸老头一样的同学，叫林士良。更要命喀是，林士良搭我是一间宿舍。不但是一间，还搭我是同床！盐睏了我上铺，我睏下铺！</h1><h1> 讲盐象阿爸老头，是因为盐长了超前老气，拨过还是蛮有腔调喀，身板阔厚，头发乌密，面空象刀削过一样，轮廓分明！眼睛牙蛮有神，勿过蛮眯喀。欠缺一点喀是，缺了半只门牙！我暗想，大概是狗啃泥过了吧？</h1><h1> 盐带了几只铁哑铃了把辣了宿舍里，每日早夜要练练手肌，再是两手两脚扒开搁了二只床头空档练伏马掌，弄得了木床咯叽咯叽乱摇！</h1><h1> 盐老是欢喜赤膊，手托着二只奶脯肉抖法抖法，算是织台形！算盐胸肌度！</h1> <h1> 林士良模子蛮度，宁蛮懒喀，换下来要汰喀衣裳，平常辰光勿汰，积到礼拜六臭哄哄喀带回去叫老娘汰？</h1><h1> 喀只赤佬夜到末顶好勿睏，早郎向老是睏过头，就叫：小人啊！搭我带早饭呵！象是欠盐喀一样！</h1><h1> 上课勿晓得盐辣了作啥！考试了专门贼头狗脑喀问我，那能做啦？那能做啦？老烦喀！</h1><h1> 烦管烦，有辰光想想盐牙蛮好喀！</h1><h1> 记得我连续几天发寒热睏了宿舍里，早中夜饭才是盐去食堂买来喀，还会拿盐自家喀脚盆倒岩水来拨我泡脚，讲是泡了热岩会退热喀，不过盐喀脚盆边缘一层老肯！实在是屋促！</h1><h1> </h1> <h1> 洋泾中学除了阿拉几个上海班，别喀走读喀老多才是江北宁，坏了要西！</h1><h1> 一天中郎向，我去食堂打饭，门口立了一帮江北宁，辣牢我要讨饭菜票！我后头正好是林士良，盐脱了上衣，露出二块奶脯肉，再拼口气看上去硬扎一岩，操着半吊子喀江北话：辣妈妈滴！你敲竹杠牙勿看看人呀？到是牙吓塌了这几喀小赤佬！</h1><h1> 有听讲荣根、阿板拨江北人敲竹杠，我从来没宁寻着我喀，是因为有司令罩着，当然牙有泽鸣挺着！</h1><h1> 毕业前，听钱无怠讲，林士良喀只模子象钢板一样，勿拿盐分去练钢？勿是可惜啦？</h1> <h1>毕业后各奔东西，四十多年才刚刚聚了一道。第一趟碰到吓了我一跳！喀只赤佬那能介老了啦？头发牙己是农村包围城市了！勿是阿伯，象是阿爷了啦！</h1><h1> 不过盐对同学喀事体到是老热心喀！每一趟聚会，盐才是认认真真喀准备好发言腹稿，不过一到发言，先是头上出汗！人家有头发，出岩汗牙看勿出，盐勿是，由于头上袜毛，一紧张头顶象是富士山一样冒着热气，看辣牙作孽喀！旁边老干还要柴盐，拿块小桌布装模作样喀帮盐揩汗。</h1> <h1> 老早至读书喀辰光到是没搁着盐花嚓嚓，现在勿晓得那能，花来！嗲了要西！阿夕啦！阿景啦！听了汗毛管牙要竖起来了，蛮促气喀！不过花牙是花了蛮到位喀，外婆看看盐头顶没毛，怕盐受冷生病，特别帮盐织了顶红帽子送拨盐！悟心啊！骨头轻了差岩飞起来！还吵着要纪念红㡌子一周年！那能拨盐想的出喀？要纪念袜牙是盐搭外婆二介头呀！</h1> <h1>花管花，嗲管嗲！促气管促气！辣了洋泾一班微信群里，盐真喀是老卖力喀！盐总是想要弄了闹猛岩！有辰光老干老是要柴柴盐，牙勿要紧喀。因为林士良是真心喀珍惜阿拉老同学喀情义喀！只不过盐勿好意思讲，盐还是老想阿拉喊盐司令喀，转了只弯，用思领二字当做微信名了。</h1><h1><br /></h1>