一怨女人汝岸精，
样般老妹岸绝情，
阿哥同汝矛得失，
今日翻脸唔认人，
搞到阿哥发神经。 二怨女人汝岸奸，
心肝好比大石山，
妹子心肠比石硬，
感情一去不复返，
再想牵手都好难。 三怨女人汝岸刁，
千日万日见唔到，
自家风骚唔知得，
话涯对汝矛一朝，
激到阿哥气镖镖。 四怨女人汝岸枭，
汝介心肝象把刀，
尖刀插在哥心上，
华佗再世医唔好，
病真枉为医术高。 五怨女人唔讲理，
每日话涯唔爱汝，
话涯对汝唔够好，
涯今做事望天知，
对汝岸好也矛期。
六怨女人岸多心，
岸好情哥赖里寻，
把涯真心当狗肺，
日日话涯岸花心，
阿哥心里插花针。 七怨女人脾气差，
情愿奔嫁别人沙，
岸好情哥汝唔爱，
贪慕虚荣心变野，
汝岸固执害自家。 八怨女人情太真，
今日害死有情人，
两人情深心爱痛，
柑子德落古井心，
一半浮来一半沉。 九怨女人汝岸痴，
今次奔汝害死里，
阿哥魂魄汝钩走，
矛心矛姓晕痴痴，
心里痛苦汝唔知。 十怨女人岸有情，
样般汝岸吸引人，
涯今好比梁山伯，
妹系英台靓女神，
下世再来做情人。